Mbuku Leendawi Wone yi, eebe mbanak pekkaga’lek logonet, aa’nduk pekkoorak yi aret.
Mbuku Leendawi yi nogo Yetut awo lombok nda’naga’lek kagak tahun lima ratus delapan puluh enam aap o Mbaben inowe endagembogut Nebukanetat nen kota Yerutalem wage nagagerik, yigirogo punuk, aakumi kugun wogoren mbo piya nagagerak kagak, leendawi paga ndawi piyanggo nogogwaarak nogo mbanak yi aret.
Mbuku Leendawi yi nogo Yetut awo lombok nda’naga’lek kagak tahun lima ratus delapan puluh enam aap o Mbaben inowe endagembogut Nebukanetat nen kota Yerutalem wage nagagerik, yigirogo punuk, aakumi kugun wogoren mbo piya nagagerak kagak, leendawi paga ndawi piyanggo nogogwaarak nogo mbanak yi aret.
Mbuku yi abok aret iniki puru yogo logonet, ndawi tiyanggwi, iniki Ala paga panggombugwi, peebi obeelom eeppiyoorak nogo iniki lunik wonogwe, eeko nogogwaarak nogo mbanak wonage.
Ndawi leendawi negen piyanggo nogogwaarak nogo ti, it aakumi Yakuri mendek wone mbanggo logonet piyanggwi, ne inambe mage negen eeppunuk, wonogwe ti eyom paga tiyanggwi, inoba aaninggin age kenok, inayum maluk nibinik mendek yippunuk tiyanggwi, aaninggin inoba ari wage kero, tahun ambi eekak paga laago lako logonet tiyanggwi, eeko nogogwaarak.
Lendawi wone
O Yerutalem maluk eerogo pugwi iinok, le yereegerak wone
I
1 O kota ti, aa’nduk aakumi ambik inale’nggen nen noone-koone agan nogo nogogwaarak kwe, Yogondak perak, yi oone ndi oone lek agaarak ti, iya! O aa’nduk nen yi aakumi ndi aakumi inenggela’me abu tiyanak wonagagerak kwe, Yogondak kwe nanu pugu kwak aret wonage, Aa’nduk yi kota ndi kota enggela’me kwe nggwok kwak aret wonagagerak kwe, Yogondak perak, aakumi inayeloman kwak agaarak wonage, Eerak aret agaarik o.
2 Oonikiya iniki wakkolage logonet, leenggu maake, Ale amburu agandin paga yanggunik-ngganggunik eerogo wurabit wage, Eeke agaarik o. At inom iniki kunik ambi nen at iniki eyak wappega’lek aret wonogwe, At oreewi abok nen, “Nore aret o,” yogwi kwe, ineebi ombako logonet, inom ogookkologwe, Eeko agaarik o.
3 At Yekura aaninggin-paaninggin oba pugwi, Yabu nggwiirit-nggwaarit eeke logowak nduk, inoone omaawi paga at yogwi, Eeppunuk, wonok o nda time mbo pi nogogwaarak o. At yi aakumi ndi aakumi inenggela’me logonet, iniki ugun tayenak wonage lek aret o. Aaninggin oba agaarak paga yagan wake kagak, it aap at mugurok nugwi nen tebenogo pereegwaarak wonage agaarik o.
4 Inale’nggen paga laago nggwok lariyak koonak nogo lari waga’- lek iinok, o Tiyon nogo menggam tu nogo nen le ari, O Tiyon tu unggwi wogo menggam abok aret aakumi nebek lek iinok, it aap Ala unde o time eekwi nogo nen, “Nonggop eeruwi o?” yinuk, iniki piirik wonogwe, At aagalogwe komologwe tawe nen iniki wakkologwe, At kunduk, iniki andi eerogo pake, Eeko agaarik o.
5 At inom ogoorak nogo ogobamini negen agaarak wonogwe me, iniki ale’nggen mbako agaarik o. At maluk eerit nage nagagerak paga Aliku ALA nen iniki wakkolaawak nduk, eerogo pereegerak o. At inom ogoorak nen aagalogwe keele maarogo inaa’nduk piinok, wogoren o nda time mbo piya nogogwaarak wonogo agaarik o.
6 O Tiyon Aagalukwe endage tiyanak, “Wi!” ugwi nogo, abok aret lek age, At arum waka oweewi nagawan-nagawan ti, rusa iri’ngga noorak lek kenok, noolik me, Aap wariyak mugurok nage kenok, eebe ndeyak kagak kole mbagangge menggi kwak togop aret ogwe, Eerak aret agaarik o.
7 O kota Yerutalem nogo aaninggin-paaninggin oba kwi’nage, andi nen yagan wake, eeke ti eyom paga O maan aa’nduk amendek obeelom mban iniki kundugu wonagagerak nogo iniki abe’nage menggerak o. Aagalogwe awim ineenggime agagerak me, it ambi nen at yeenggwaaga’lek aret wonogogwaarak o. At yigirik-noonom eerak awim nen inigen kenok, agi’ndok kanggo nogogwaarak.
8 O kota Yerutalem ti, maluk lombok eerit nage nagagerak me, ogole warak aret wonage agaarik o. Aa’nduk at ayuk wuko nogogwaarak abok aret nogo nen agap mbelanak wonage inigen kenok, meek eerogo pugwi, Ndi, at kunduk, “Nonggop agi?” yinuk, enggali nen ena ambokan na’nagik wonage, Eeko agaarik o.
9 Omaluk nogo ayum irip paga lenggenak wonage, “Peebi ndogop eeppaniyak,” iniki liippega’lek wonage, Eereegerak me, At tebenogo pereegwaarak nogo ti, mondok iya aret o! It ambi nen iniki eyak wappega’- lek aret wonogogwaarak me, “Kaliku ALA wae. Nawim ineegin tiyak yegerak paga eerogo panugwi yi, kenegen pe’neyet o,” yinuk, yoge agaarik o.
10 Awim nen amendek obeelom iniki kundugu nogo waganeegwaarak o. Kaliku ALA nen, “Nawi wurik abu leenak nogome aakumi ugun ungguurak lek an napuri nen mban unggwi nogo logorak,” yereegindak kagak, Yi aakumi ndi aakumi endekem mendek nen unggwi nogwe enegen iyareegerak o.
11 At aagalogwe time menggaarak abok nen mbi kwaarit nugu logonet, “Ai-ao,” yogwe, Kangga’lek ineenik logowok nduk inamendek onggo iya mendek paga mbi kunggologwe, Eeko agaarik o. Eekwi me, “Kaliku ALA wae. Aakumi nen, Ogole o, yinuk, yo’nugwi yi, kenegen pe’neege, liippanege, Eeke logot o.” Yinuk, yoge agaarik o.
O YERUTALEM AI-AO ARI NAGAGERAK WONE
12 “Kit aakumi tu an paga wogwe yi wae. An noba agaarak yi, meek aret nombako ogotik ya? At Aliku ALA anini kani kunik negen eeppaniyak eyom agaarak paga eeppanege kenok, yagan wake yi, It ambi nen it ambi eeppiigwi iigak, yagan wakwi ti kwak ambi wonogwe ilik, lek a? Wonogwe iyo, kinaagan-ambokan time pegiinet nugu logonet, liippiinet nugu logonip o.
Lendawi wone
O Yerutalem maluk eerogo pugwi iinok, le yereegerak wone
I
1 O kota ti, aa’nduk aakumi ambik inale’nggen nen noone-koone agan nogo nogogwaarak kwe, Yogondak perak, yi oone ndi oone lek agaarak ti, iya! O aa’nduk nen yi aakumi ndi aakumi inenggela’me abu tiyanak wonagagerak kwe, Yogondak kwe nanu pugu kwak aret wonage, Aa’nduk yi kota ndi kota enggela’me kwe nggwok kwak aret wonagagerak kwe, Yogondak perak, aakumi inayeloman kwak agaarak wonage, Eerak aret agaarik o.
2 Oonikiya iniki wakkolage logonet, leenggu maake, Ale amburu agandin paga yanggunik-ngganggunik eerogo wurabit wage, Eeke agaarik o. At inom iniki kunik ambi nen at iniki eyak wappega’lek aret wonogwe, At oreewi abok nen, “Nore aret o,” yogwi kwe, ineebi ombako logonet, inom ogookkologwe, Eeko agaarik o.
3 At Yekura aaninggin-paaninggin oba pugwi, Yabu nggwiirit-nggwaarit eeke logowak nduk, inoone omaawi paga at yogwi, Eeppunuk, wonok o nda time mbo pi nogogwaarak o. At yi aakumi ndi aakumi inenggela’me logonet, iniki ugun tayenak wonage lek aret o. Aaninggin oba agaarak paga yagan wake kagak, it aap at mugurok nugwi nen tebenogo pereegwaarak wonage agaarik o.
4 Inale’nggen paga laago nggwok lariyak koonak nogo lari waga’- lek iinok, o Tiyon nogo menggam tu nogo nen le ari, O Tiyon tu unggwi wogo menggam abok aret aakumi nebek lek iinok, it aap Ala unde o time eekwi nogo nen, “Nonggop eeruwi o?” yinuk, iniki piirik wonogwe, At aagalogwe komologwe tawe nen iniki wakkologwe, At kunduk, iniki andi eerogo pake, Eeko agaarik o.
5 At inom ogoorak nogo ogobamini negen agaarak wonogwe me, iniki ale’nggen mbako agaarik o. At maluk eerit nage nagagerak paga Aliku ALA nen iniki wakkolaawak nduk, eerogo pereegerak o. At inom ogoorak nen aagalogwe keele maarogo inaa’nduk piinok, wogoren o nda time mbo piya nogogwaarak wonogo agaarik o.
6 O Tiyon Aagalukwe endage tiyanak, “Wi!” ugwi nogo, abok aret lek age, At arum waka oweewi nagawan-nagawan ti, rusa iri’ngga noorak lek kenok, noolik me, Aap wariyak mugurok nage kenok, eebe ndeyak kagak kole mbagangge menggi kwak togop aret ogwe, Eerak aret agaarik o.
7 O kota Yerutalem nogo aaninggin-paaninggin oba kwi’nage, andi nen yagan wake, eeke ti eyom paga O maan aa’nduk amendek obeelom mban iniki kundugu wonagagerak nogo iniki abe’nage menggerak o. Aagalogwe awim ineenggime agagerak me, it ambi nen at yeenggwaaga’lek aret wonogogwaarak o. At yigirik-noonom eerak awim nen inigen kenok, agi’ndok kanggo nogogwaarak.
8 O kota Yerutalem ti, maluk lombok eerit nage nagagerak me, ogole warak aret wonage agaarik o. Aa’nduk at ayuk wuko nogogwaarak abok aret nogo nen agap mbelanak wonage inigen kenok, meek eerogo pugwi, Ndi, at kunduk, “Nonggop agi?” yinuk, enggali nen ena ambokan na’nagik wonage, Eeko agaarik o.
9 Omaluk nogo ayum irip paga lenggenak wonage, “Peebi ndogop eeppaniyak,” iniki liippega’lek wonage, Eereegerak me, At tebenogo pereegwaarak nogo ti, mondok iya aret o! It ambi nen iniki eyak wappega’- lek aret wonogogwaarak me, “Kaliku ALA wae. Nawim ineegin tiyak yegerak paga eerogo panugwi yi, kenegen pe’neyet o,” yinuk, yoge agaarik o.
10 Awim nen amendek obeelom iniki kundugu nogo waganeegwaarak o. Kaliku ALA nen, “Nawi wurik abu leenak nogome aakumi ugun ungguurak lek an napuri nen mban unggwi nogo logorak,” yereegindak kagak, Yi aakumi ndi aakumi endekem mendek nen unggwi nogwe enegen iyareegerak o.
11 At aagalogwe time menggaarak abok nen mbi kwaarit nugu logonet, “Ai-ao,” yogwe, Kangga’lek ineenik logowok nduk inamendek onggo iya mendek paga mbi kunggologwe, Eeko agaarik o. Eekwi me, “Kaliku ALA wae. Aakumi nen, Ogole o, yinuk, yo’nugwi yi, kenegen pe’neege, liippanege, Eeke logot o.” Yinuk, yoge agaarik o.
O YERUTALEM AI-AO ARI NAGAGERAK WONE
12 “Kit aakumi tu an paga wogwe yi wae. An noba agaarak yi, meek aret nombako ogotik ya? At Aliku ALA anini kani kunik negen eeppaniyak eyom agaarak paga eeppanege kenok, yagan wake yi, It ambi nen it ambi eeppiigwi iigak, yagan wakwi ti kwak ambi wonogwe ilik, lek a? Wonogwe iyo, kinaagan-ambokan time pegiinet nugu logonet, liippiinet nugu logonip o.
13 Agi nen kani wuppi wagaarak paga nowak enoona nenet unggwage, Niyok yiluk yuwak nduk, towe pigagangga yum yugu nenaame mbiganogo nappi wage mbaki, nakom niruk ari, Mbo paneegerak nalik logonet, o kubondendok nen nok, oonikiya niniki lek ee’nake, Eeke agaarik o.
14 An maluk noba luurik wonage nogo, Aliku ALA nen ambit lambunogo keele maarogo pege, Eyo aaninggin tapi uut paga pugu kwak, eerogo pege, Eeke nagagerik, Nuut paga kwippaneegerak wonok nege logonet, nomaawi lek aret aga o. An neebe waganogo it an nen tebenogo piyoorak meek nogo mendek ineenggime paneegerak o.
15 Nogoba nen it aap an nawuri wim eeka ninom minggirak abok aret mbo piige, An tebenogo panugo logonet, naagalogwe aap tawe lek eerogo piyaawak nduk, nawim yonggo piige, Aakumi nen anggur amburu aambiranggo mengga kwak, nogoba Ala nen o Yekura Aagalukwe Aap Kigin Waka’- lek an nogo iyok aan lebenogo panege, Eereegerak o.
16 Togop aret me, nale yikkolage, Nale amburu niyo negen wambit wage, Eeke agaarik o. An niniki eyak wappanega ambi ninom wonage, Niniki teeluk eerogo panega ambi koorok wonage, Eerak lek aret o. An nawim nogo inomaawi ambik lombok me, naagalogwe inamindik-inamendek mondok lek agagerak wonogo agaarik o,” Yinuk, ari agaarik o.
17 “Yeenggwa niruwak o,” yinuk, o Tiyon nen eenggi ndek ari kwe, it ambi nen at iniki eyak wappega’lek aret agaarik o. It Yakup paga wiganak inom koorok wonogwe nogo nen, inom ogookkolaawak nduk, Aliku ALA nen wone lengganogo yoragagerak me, “Kota Yerutalem ninenggela’me wonage ti, ogole warak aret o,” yinuk, yogo agaarik o.
18 “At Aliku ALA ti, obeelom lombok wonage kagak, an nen at eeriyak yo’nereegerak nogo taganogo pereegirak me, Kit yi aakumi ndi aakumi abok yi wae! An naagalogwe komologwe inom, wologwe tawe inom, keele maageren mbo piya nogogwaarak kenok, Niniki andi negen wonage yi, liippanugwi, Noone yokkirage yi, kinaruk konenggwi, Eeko logonip o.
19 An ninom kunik nogo nen yeenggwa niruwak nduk, wiiragagirak kwe, E o, E o, mban yo’nugwi, It aap Ala unde narum wonaga inom, it aap noweewi inom, ineenik logowok nduk, inambi kwaakko’net nugu logonet, O kota yime abok aret kambit nogwe, Eereegwaarak o.
20 Kaliku ALA wae. Niniki abu piirik wonage yi, pe’neyet o. Niniki andi negen ee’nabit unggwage, Eeriyak yo’nege nogo, neebi mbakak eeke nagagirak paga niniki yi koonggak ndi koonggak eeke, Eeke agarik o. Endekem nen wooluwak paga inookwi, Ndi, akem nen kugilingga paga kanggwi, Eeko agaarik o.
21 An nen, Ai-ao, ari nogo, aakumi inaruk konenggwi kwe, it ambi nen niniki eyak wappanega’lek aret agaarik o. An noba agaarak nogo, nawim abok aret nen nabok konenggo nagaarik, kat eerogo paneegindak paga inale’nggen mbakwi me, An aago wonage kwak it ndak-ndak aago logowak nduk, eeppiyoorak yoragagindak nogo mbet-mbet eeppiya mok o.
22 It maluk eerit nogo nogogwaarak abok aret kat abeke, Ndi, an maluk eeke paga eeppaneegindak ndak-ndak it togop aret eeppiige, Eeke logot o. Niniki andi negen logonet, ai-ao ari, Niniki lek-lek ee’nabit unggwage, Eeke kenok yokkigi o,” Yinuk, yoreegerak.
2 ALA ANINI O TIYON PAGA PEREEGERAK WONE
1 Ndugwi nen puut lenggenogo pit nage menggi kwak, Nogoba Ala anini o Tiyon Aagalukwe oba lenggenogo pereegerak ti mondok iya o! Iterali endage tiya agan mbogut paga ari laganeegerak nogo nggween paga mbo wuppi wage, At anini eeppiyoorak eyom paga at iyok pi wangge menggim teppega’lek anini inoba kwippege, Eereegerak o.
2 Abuwa mbaka’lek nogoba Ala nen it Yakup mendek wonogo menggam abok aret pup eerogo pege, At anini nen o Yekura Aagalukwe obak wurik abok aret yigirik- noonom eerogo wurabit nage, At abu’me piige menggim inom, at arum menggaarak nagawan-nagawan inom, inendage maluk eerogo pege, Eereegerak.
3 Anini kani negen wunuk ari logonet, it Iterali inomaawi menggaarak nogo inomaawi lek eerogo piige, At awim nen inooriyak panggoni wogwe iinok, at eenggi abe’nggan uwikkolage, Yi mendek ndi mendek kani omoonuk nen pup eerogo nengge menggi kwak, It Yakup mendek inenggela’me anini kani kunik negen ineebe lek eerogo piinet nage, Eereegerak o.
4 Aap inawim negen a’nuk, omaale eegin agale paga lumbunuk abinak lan agan nutik wage kwak eeri wage, Inom ogoorak nen inooko mengga kwak, inooriyak inikilom mbaketak nogo aret inoorit nage, O Tiyon Aagalukwe awooliya wurik paga kani kunik negen anini oba kilirogo pege, Eereegerak o.
5 Nogoba Ala ti, aap inom wim mbanak kwak wonage me, Iterali ambeme yonggorinake, Aap inendagembogut inawi nggwok abe wurik nogo yinik-minik eerogo pit nage, At obak wurik yigirik-noonom eerogo pege, Ndi, o Yekura Aagalukwe nogo ambinom iniki wakkolage, leenggu maake, eeke logowak nduk, eerogo pege, Eereegerak o.
6 Ooliya yabume wurik minogo pogo mengga kwak, Aliku ALA nen at awi wurik nogo langgunogo pit nage, At alut eeruwak nduk kuwak eeko menggam nogo minogo pege, O Tiyon ale’nggen nen lako logorak yugu inom, nogo 6 yippunuk, ko’lu paga yonggonggoloorak yugu nogo inom, mari eerogo puwak nduk, eeppege, Ndi, aap endagembogut inom, it aap at eebe unde inom, anini kani kunik negen inoba piinok mbo piige, Eereegerak o.
7 Inogoba Ala nen at ake warogo kani kunggak ogobakkigirik nogo mbo pege, At awi wurik alik leenak nogo mbo punuk nage, O Tiyon oweewi inendagembogut inawi o nggwok abe wurik nogo, yigirik-noonom eerogo puwak nduk, awim ineenggime pege, Eereegerak me, Iterali inale’nggen paga laago lariyak koonak nogo lako logonet, inale’nggen nen keekok piyanggogo mengga kwak awim nen Aliku ALA awi wurik me unggunuk logonet keekok piyanggogogwaarak.
8 Aliku ALA nen o Tiyon Aagalukwe obak wurik ti, mondok yigirik-noonom eerogo puurak koonogo pereegerak o. At nen eenggi paga ko wapporogo wonaga’lek yigirik-noonom eerogo puwak nduk, Yagat wurik ti abok aret keele wakkagak paga wakkage mbareegi, “Pup eerogo pinanigin kogo o,” yinuk, yugum pak wurik endekem aken imbirak nen le yogo logonet, langgu-langgu wambit nogogwaarak o.
9 O Tiyon tu unggwi wogo menggam taannage, Tungga nappegak-wappegak eerak inom, wa’mbit narak inom, maluk age, Eereegerak. At owe endagembogut inom, oweewi nagawan-nagawan inom, yi aakumi ndi aakumi inenggela’me mbo piya nagagerak wonogwe, Aliku ALA nen, “Yogop eeriyak,” yoraga’lek aret wonage, Ndi, Ala yorage kagak yoraga kunduk, Aliku ALA nen inabinggaanggo paga yorage nogo wagangga’lek aret wonogwe, Eeko agaarik o.
10 O Tiyon Aagalukwe oweewi nen inarugup nggobok togon eerak nggween paga kwi’ndak wonogwe, Liirubu inanobak paga yumbunogo pakwi, Inayum nibinik maluk mendek yikkologwe, Ndi, o kota Yerutalem aagalogwe komologwe nogo nggween paga inanep kumbunuk wonogwe, Eeko agaarik o.
11 An nanebunu mendek inenggaawak lek ogwe, Inapuri wologwe komologwe inom, elege ngget ndarak inom, o kota tu paga tu paga time inambuluk pit nogwe, Eekwi ti paga Le ari logonet nenegen piirogo panege, niniki andi lombok ee’nake, niniki awi lik-lek eerogo panege, Eeke agaarik o.
12 Elege ti nen aap inoorak kwak o kota tu paga tu paga inambuluk pit nogwe, Inagalomini inaawi paga logonet kambit nogwe, Eeko logonet, “Kwiya wae. Mbi wo’niru o. Niyo wo’niru o,” yinuk, yorogo agaarik o.
13 O Yerutalem Aagalukwe kat yi wae. Kat eekkakerak wonage ti, kin kaamunggun nduk nano wakkagak yokkege, O Tiyon Aagalukwe Aap Kigin Waka’lek kat yi wae. Kiniki eyak wappagarak nano paga wakkagak yokkege, Eeri o? Niyo laut kiiniki lombok menggi kwak kat koba kwi’nagaarak paga kiniki andi eekkake ti, Alik negen mondok iya eekkake me, ta nen obeelom eerogo pagarak? Lek aret o.
14 “Ndogop arigin o,” yinuk, yokkega nen yokkogo nogogwaarak nogo ti, pilit aret yokkugwi, Ambi eeppagarak lek kagak yokkugwi, Keele maakkeren pagi nookwak, “Maluk ndogop eeke agandik o,” yinuk, kin paga yokkega’lek kat eeke nogo kagaarogo pugwi, “Ala nen yegerak me, yokkogo o,” yinuk, yokkogo nogogwaarak nogo ti, pilit-pilit yokkugwi, Tu abe kagak alik paga nomonggeren nogwe, Eeko nogogwaarak o.
15 It aakumi nen, “O kota kigirikwe abu abe lombok aret o,” yinuk, yogwe, “It aakumi o nggween paga menggaarak abok aret iniki ale’nggen alik negen kogwe, Eeko menggaarak O Yerutalem Aagalukwe nogo, Yi aret agaarak ya?” yinuk, Kat keegak nogo logonet, “Ha!” yinuk, kagi’ndok kanggwi, Meek eerogo pagagwi, ineenggi ineyak mbanggologwe, Eeko agaarik o.
16 Kinom wim mbanak abok aret nen yonggokkabuwok nduk, inambe a aago wonogwe, “At eeppuurak niniki lunik wonogwe, Mandenom maluk eerogo puurak tokkogwe, Eeko nogogurak nogo Muk ari wagaarak me, Ninambe me muk yonggokoorak o,” yinuk, Meek eerogo pogo logonet, ineyak nggilik maakwi, Eeko agaarik o.
17 Aliku ALA nen eeriyak koonogo pereegerak nogo aret eeke. “Ndogop eerigin o,” yinuk, aa’nduk lombok wone lengganogo yoragagerak a’me nggelok eeke, Eeke logonet, Kabuwa mbaka’lek aret yigirik-noonom eerogo pagage, Kinom wim mbanak nen ineegin tiyak yinuk, “Op togon eeppogo a!” mba’nuk inale’nggen aruwak nduk eeppiige, Kinom ogoorak nen kat tebenogo paganuk inomaawi tiyak yuwak nduk, eerogo piige, Eereegerak.
18 It aakumi ti, inoone nggwok paga inogoba Ala yogwi me, O Tiyon Aagalukwe obak wurik kat yi wae. Tat yonggonggolage, kale yaga’lek puk wonage, eeka’lek niyo nage menggi kwak Liingge-oonikiya kali-kale mban nggininogo wurabit wage logot o.
19 It aap tum waka nen, nogo iniki mbere eeke paga tum ambi wakak awo eekwi iinok, mi’na’nuk koone nggwok ari, Niyo kilirogo pogo mengga kwak, kiniki mbake nogo kogoba Ala enggaanom paga kilirogo pege, Kaagalogwe mbi abu nen inambuluk pit nagaarak tu ambet-ambet paga ngginnarit nagaarak wonogwe nogo Ineenik logowak nduk, inake keenggi at paga nippunuk, yoge, eeke logot o.
20 “Kaliku ALA wae. An eeppanege yi kwak, Ambi ta eeppigirak, nduk eeppanege agandik? Lek aret me, An yi, kenegen pe’neege, liippanege, eeru o. It kumi inaagalogwe inikime nen lombok ndarak inabuwa mbako logonet, ndegeninakwi nogo inoorogo nunggwi, Ndi, it aap keebe unde inom, yorage keegak yoraga inom, nogoba Ala kawi wurik alik leenak me nogome nen inoorogo piigwi, Eekwi ti, op mbaken?
21 It aap inanggok inom, tawe inom, tu paga tu paga liirubu enggela’me ngginnarit nogwe, Napurilogwe komologwe tawe inom, wologwe tawe inom, wooluwak paga inoorak kambit nogwe, Eerak aret agaarik o. Kanini nen eeppiyoorak eyom ari wage kenok inoorogo piige, Inabuwa mbaka’lek logonet, inoorogo piige, Eereegindak o.
22 Inale’nggen paga lariyak inayonggo pogo mengga kwak Kat nen inamineeri ne agan noorak mendek nenaagan-nambokan wanggeri woraawak nduk, inayonggo piyareegindak o. Kaliku ALA kanini eeppaneegindak eyom paga aap ambit ambi mbagangge, agap ndakkolage, eerulik aret o. It an nen yanggoninake, tawe eeginake, eereegirak nogo nawim nen lek eerogo piyareegerak o,” yinuk, yoreegerak.
3 Andi-Pandi Aganake Kenok Iniki Eyak Wappiyoorak Wone
1 Aliku ALA anini nen aakumi yawi inooka nogo paga nooke andi kagagirak nogo ti an aret o.
2 An o eya paga naakit nduk, wo’neren noolik, o apit aago me naakit nduk mbo panege,
3 Kulinik-kalinik kuubondendok nen nok, oonikiya nabuwa mbaka’lek nookak mban eeke, Eeke nagagerak o.
4 Neebe mbuuluk eerogo panege, nagabolo mbuk eerogo panege, Nowak neno eerogo panit unggwage, Eereegerak o.
5 O tebenogo pi ungguwok nduk wanggeppunuk, nda’nggi pogo mengga kwak, at nen aaninggin- paaninggin noba kwippanege, Niniki andi lombok eerogo panege,
6 It aap maan kambeegwaarak o apit me wonogo mengga kwak, at nen niniki apit eerogo panege, Eereegerak.
7 An wungge neyo, yagat wurogo negen panege, Mbagangge neyo, mbuti keele aaninggin lombok paga maarogo panege, 8 Noone nggwok paga, “Yeenggwa niru o,” yinuk, yoge kwe, an tamban eeke nogo at aruk konengga’lek mbo pege,
9 Yugum poorak paga naru non mbanogo pit nage, Tu ti paga noorak meek kenok, yelok-nggolok naakit nduk eeppanege, Eereegerak o.
10-11 Beruang enaarak wonage, singa kiraarak wonage, Eeko nagaatik, it noorak mendek wage kenok, kok nggerembunuk, Nikkenok ku’mbanak me unggunuk nibinik-ndelenak eerogo mbo punuk mbaganggo mengga kwak, an neebe togop aret eerogo panege,
12 At eegin agale wuppunuk, omaale namburogo neebe paga nappi wage, Eereegerak o.
13 Maale ta’mbanak eenggime wonok nege nogo paga ninikime polonogo paneegerak.
14 An nanebunu mendek abok aret nen nagi’ndok kanggwi, O kuubondendok nen nok, oonikiya ndawi meek eerogo paniyak mendek wakwi, Eeko agaarik o.
15 Eyoonggen ale mendek ndonggorogon naakit nduk wo’nege, Wam ambiki kwak amburu naakit nduk wo’nege, Eereegerak o.
16 Yugum anggen naakit nduk, wo’nereegerak paga neyak langgunik-panggunik eerogo panege, Liirubu paga aan lebenogo panege, Eereegerak me,
17 Niniki ugun tayenak wonagagirak nogo lek age, Niniki ale’nggen wonagagirak nogo kobak age, Eereegirak wonage neegak,
18 Nendage tiyanak, “Wi!” nugwi nogo lek age, Aliku ALA eeppaniyak niniki lunik nogo lek aret age, Eereegerak.
19 An yagan wake, ya agak nda agak nege, ale mendek nengge, wam ambiki kwak nengge, Eeke nagagirak nogo niniki aberak aret agarik o.
20 Ti nogo abet aret abe’nage kenok, ninikime kiyo agan unggwage kwe,
21 An wone ambi liippege nagarik, niniki lunik wonage ti,
22 Aliku ALA ninabuwa mbake logonet eeppinanege nogo ti, lek aga’lek eeppinanegak mban eeke, Iniki kunik lombok ee’ninake paga ninoorogo pinanega’lek teppinanege, Eeke menggerak ti aret.
23 Ninabuwa nen eeppinanege nogo ti, kubondendok ari wagak eeke paga alik ngget mendek mban eeppinanege, Iniki kunik nen liirogon eeppinanege ti, abu nggwok lombok eeppinanege, Eeke menggerak.
24 An niniki nen mbake logonet, “Yate kwak niniki kundugu ti, Aliku ALA aret me, At nen eeppaniyak nogo mban niniki lunik aret agaarik o,” yinuk, ari minggirak o.
ITERALI NEN INIKI LUNIK LOGORAK WONE
25 It aakumi Aliku ALA iniki lunik wonogwe, Iniki nen at mugurok nugwi, Eekwi iinok, At nen obeelom eeppiige menggerak o.
26 “Aliku ALA nen aret yeenggwa niraawak o,” yinuk, Iniki nu’lek kwi’ndak logonet at tokkogwe nogo ti, obeelom lombok aret o.
27 Eyo aaninggin tapi uut paga pugu kwak aap ambi awo tawe wonage logonet aaninggin piyaninuk nage logorak ti op aret o.
28 Aap ti nogo, aaninggin oba age kenok, “Aliku ALA nen aret noba panegerak o,” yinuk, Yi yagak ndi yagak yaga’lek oone lek alik aret logowak o.
29 Iniki lunik nogo, eeppege kagak eerukwak, iniki tebeppatinuk liirubu enggela’me anep kumbunuk logowak o.
30 Aap ambi nen aap ti wariyak eeke kenok, waruwak nduk, agandin wogoge, Endage maluk eerogo pugwi iinok, “Nendage maluk aret aruwak o,” yinuk, puk age, Eeruwak o.
31 Ninogoba Ala nen nit mondokmondok mbo pinanegeelik o.
32-33 At Aliku ALA ninabuwa nen iniki kunik ee’ninake nogo, lek aga’lek itok kunik aret menggerak me, Inikilom ninombake logonet, nit aakumi nen ndarak nogo aaninggin eeppinanege, Nit niniki puru yuwak nduk eeppinanege, Eekeelik o Ata, niniki puru yuwak nduk eeppinanege nagaatik, ti’nuk, ninabuwa mbake menggerak o.
34 It o nggween paga keele maarak wonogwe nogo, aakumi nen iniyok aan lebenogo piinet nogwe,
35 At Tiyanak Lombok Menggerak enggaanom paga obeelom eeppiyoorak kagak alik eeppiigwi,
36 Inowak longgo logonet, inawone liirogon mbaniyak kagak yiluk-yiluk mbanggwi, Eekwi nogo ti, Ninogoba Ala enegen iigeelik mbakop? Lek o! Abok aret liippiige menggerak o.
37 Ninogoba Ala nen eeriyak wone lengganogo wumbenetak lek en aap ta nen, “Togop aruwak o,” ari kenok, a’ne mbakop?
38 At Tiyanak Lombok Menggerak nen ari kenok, maluk mendek inom, obeelom mendek inom, ninoba age menggerak nogo lek a?
39 Nit aakumi aret me, maluk eekwi paga aaninggin ninoba kwippinanege kenok, nonggop togon, “Yi eeppinanege ao,” yinuk, yuurak mbakop?
40 Nit eerit nugwi nogo maloppakwi, ninabut mbanggologwe, eeppunuk, yungguk togon Aliku ALA mugurok nogwe,
41 At Ala mbogut paga wonage me nineenggi nippugwi, niniki wogogwi, eeppunuk, at yogo logonet,
42 “Nit nen maluk eekwi, Eeriyak, yo’nirage nogo nineebi nen mbo pugwi, eekoorak me, Kat kunduk ninomaluk lek eerogo pinangga’lek aret agandik o.
43 Yum tabak lenggenggologo mengga kwak kanini keebe paga luurik logonet mu’niren nege, Ninabuwa mbaka’lek aret ninoorit nage, Eereegindak o.
44 Ndugwi apit aago kwak keebe togop aago wonage me, nit tamban eekwi nogo kat wonage me ari naga’lek aret agaarik o.
45 Yi aakumi ndi aakumi inenggela’me, Inambeebuk kwak yi, Inogole o, yinuk, yogo logowak nduk eerogo pinaneegindak o.
46 Ninom ogoorak nen inambeme yonggo’ninabuwok nduk inambe a aago wonogwe,
47 Niniki mak eerogo pinanugwi, Labu pugume wambuwok nduk, eerogo pinanugwi, Nineebe lek eerogo pinanugwi, maluk eerogo pinanugwi, Eeko agaarik o,” Yinuk, yogo logowok o.
48 An nanebunu mendek pup eerogo piigwi me, nale niyo wurik negen wurabit wage agaarik o.
4 Neebe mbuuluk eerogo panege, nagabolo mbuk eerogo panege, Nowak neno eerogo panit unggwage, Eereegerak o.
5 O tebenogo pi ungguwok nduk wanggeppunuk, nda’nggi pogo mengga kwak, at nen aaninggin- paaninggin noba kwippanege, Niniki andi lombok eerogo panege,
6 It aap maan kambeegwaarak o apit me wonogo mengga kwak, at nen niniki apit eerogo panege, Eereegerak.
7 An wungge neyo, yagat wurogo negen panege, Mbagangge neyo, mbuti keele aaninggin lombok paga maarogo panege, 8 Noone nggwok paga, “Yeenggwa niru o,” yinuk, yoge kwe, an tamban eeke nogo at aruk konengga’lek mbo pege,
9 Yugum poorak paga naru non mbanogo pit nage, Tu ti paga noorak meek kenok, yelok-nggolok naakit nduk eeppanege, Eereegerak o.
10-11 Beruang enaarak wonage, singa kiraarak wonage, Eeko nagaatik, it noorak mendek wage kenok, kok nggerembunuk, Nikkenok ku’mbanak me unggunuk nibinik-ndelenak eerogo mbo punuk mbaganggo mengga kwak, an neebe togop aret eerogo panege,
12 At eegin agale wuppunuk, omaale namburogo neebe paga nappi wage, Eereegerak o.
13 Maale ta’mbanak eenggime wonok nege nogo paga ninikime polonogo paneegerak.
14 An nanebunu mendek abok aret nen nagi’ndok kanggwi, O kuubondendok nen nok, oonikiya ndawi meek eerogo paniyak mendek wakwi, Eeko agaarik o.
15 Eyoonggen ale mendek ndonggorogon naakit nduk wo’nege, Wam ambiki kwak amburu naakit nduk wo’nege, Eereegerak o.
16 Yugum anggen naakit nduk, wo’nereegerak paga neyak langgunik-panggunik eerogo panege, Liirubu paga aan lebenogo panege, Eereegerak me,
17 Niniki ugun tayenak wonagagirak nogo lek age, Niniki ale’nggen wonagagirak nogo kobak age, Eereegirak wonage neegak,
18 Nendage tiyanak, “Wi!” nugwi nogo lek age, Aliku ALA eeppaniyak niniki lunik nogo lek aret age, Eereegerak.
19 An yagan wake, ya agak nda agak nege, ale mendek nengge, wam ambiki kwak nengge, Eeke nagagirak nogo niniki aberak aret agarik o.
20 Ti nogo abet aret abe’nage kenok, ninikime kiyo agan unggwage kwe,
21 An wone ambi liippege nagarik, niniki lunik wonage ti,
22 Aliku ALA ninabuwa mbake logonet eeppinanege nogo ti, lek aga’lek eeppinanegak mban eeke, Iniki kunik lombok ee’ninake paga ninoorogo pinanega’lek teppinanege, Eeke menggerak ti aret.
23 Ninabuwa nen eeppinanege nogo ti, kubondendok ari wagak eeke paga alik ngget mendek mban eeppinanege, Iniki kunik nen liirogon eeppinanege ti, abu nggwok lombok eeppinanege, Eeke menggerak.
24 An niniki nen mbake logonet, “Yate kwak niniki kundugu ti, Aliku ALA aret me, At nen eeppaniyak nogo mban niniki lunik aret agaarik o,” yinuk, ari minggirak o.
ITERALI NEN INIKI LUNIK LOGORAK WONE
25 It aakumi Aliku ALA iniki lunik wonogwe, Iniki nen at mugurok nugwi, Eekwi iinok, At nen obeelom eeppiige menggerak o.
26 “Aliku ALA nen aret yeenggwa niraawak o,” yinuk, Iniki nu’lek kwi’ndak logonet at tokkogwe nogo ti, obeelom lombok aret o.
27 Eyo aaninggin tapi uut paga pugu kwak aap ambi awo tawe wonage logonet aaninggin piyaninuk nage logorak ti op aret o.
28 Aap ti nogo, aaninggin oba age kenok, “Aliku ALA nen aret noba panegerak o,” yinuk, Yi yagak ndi yagak yaga’lek oone lek alik aret logowak o.
29 Iniki lunik nogo, eeppege kagak eerukwak, iniki tebeppatinuk liirubu enggela’me anep kumbunuk logowak o.
30 Aap ambi nen aap ti wariyak eeke kenok, waruwak nduk, agandin wogoge, Endage maluk eerogo pugwi iinok, “Nendage maluk aret aruwak o,” yinuk, puk age, Eeruwak o.
31 Ninogoba Ala nen nit mondokmondok mbo pinanegeelik o.
32-33 At Aliku ALA ninabuwa nen iniki kunik ee’ninake nogo, lek aga’lek itok kunik aret menggerak me, Inikilom ninombake logonet, nit aakumi nen ndarak nogo aaninggin eeppinanege, Nit niniki puru yuwak nduk eeppinanege, Eekeelik o Ata, niniki puru yuwak nduk eeppinanege nagaatik, ti’nuk, ninabuwa mbake menggerak o.
34 It o nggween paga keele maarak wonogwe nogo, aakumi nen iniyok aan lebenogo piinet nogwe,
35 At Tiyanak Lombok Menggerak enggaanom paga obeelom eeppiyoorak kagak alik eeppiigwi,
36 Inowak longgo logonet, inawone liirogon mbaniyak kagak yiluk-yiluk mbanggwi, Eekwi nogo ti, Ninogoba Ala enegen iigeelik mbakop? Lek o! Abok aret liippiige menggerak o.
37 Ninogoba Ala nen eeriyak wone lengganogo wumbenetak lek en aap ta nen, “Togop aruwak o,” ari kenok, a’ne mbakop?
38 At Tiyanak Lombok Menggerak nen ari kenok, maluk mendek inom, obeelom mendek inom, ninoba age menggerak nogo lek a?
39 Nit aakumi aret me, maluk eekwi paga aaninggin ninoba kwippinanege kenok, nonggop togon, “Yi eeppinanege ao,” yinuk, yuurak mbakop?
40 Nit eerit nugwi nogo maloppakwi, ninabut mbanggologwe, eeppunuk, yungguk togon Aliku ALA mugurok nogwe,
41 At Ala mbogut paga wonage me nineenggi nippugwi, niniki wogogwi, eeppunuk, at yogo logonet,
42 “Nit nen maluk eekwi, Eeriyak, yo’nirage nogo nineebi nen mbo pugwi, eekoorak me, Kat kunduk ninomaluk lek eerogo pinangga’lek aret agandik o.
43 Yum tabak lenggenggologo mengga kwak kanini keebe paga luurik logonet mu’niren nege, Ninabuwa mbaka’lek aret ninoorit nage, Eereegindak o.
44 Ndugwi apit aago kwak keebe togop aago wonage me, nit tamban eekwi nogo kat wonage me ari naga’lek aret agaarik o.
45 Yi aakumi ndi aakumi inenggela’me, Inambeebuk kwak yi, Inogole o, yinuk, yogo logowak nduk eerogo pinaneegindak o.
46 Ninom ogoorak nen inambeme yonggo’ninabuwok nduk inambe a aago wonogwe,
47 Niniki mak eerogo pinanugwi, Labu pugume wambuwok nduk, eerogo pinanugwi, Nineebe lek eerogo pinanugwi, maluk eerogo pinanugwi, Eeko agaarik o,” Yinuk, yogo logowok o.
48 An nanebunu mendek pup eerogo piigwi me, nale niyo wurik negen wurabit wage agaarik o.
49-50 Nale amburu lek aga’lek ko’lu-kii’me nali-nale ngganggik- ngganggok eerogo wurabit wage tit wonage me, Aliku ALA mbogut paga nen wu’- neya wage, liippanege, eeke kenok perak, nale nggaruk yigin o.
51 Nagota aagalogwe komologwe eeginakerak wonogwe iinok, niniki andi lombok ee’nake agaarik o.
52 Towe mugurok-magarok nugu mengga kwak it alom lek kagak ineebi nombakwi nogo nen an mu’neren nugwi,
53 An kambikit nduk nggween kabunik me mbo wuppaninuk yugum paga togu eerogo nookwi, Eereegwaarak o.
54 Ti eekwi iigak, niyo nanobak kuli taani lagangge mbareegi, “An abu tebennabigin kagi,” mbareegirak.
55 Togop mbake logonet, Kaliku ALA wae. An nggween kabunik kiiniki paga lombok logonet, kendage kunogo yokkege,
56 “Yeenggwa niru o, yinuk, noone nggwok paga yokkege yi, karuk nappatinuk logorak mage o,” yinuk, yokkege, eeke mbareegi, An nggino yokkereegirak nogo karuk konengge,
57 Noone yokkereegirak karuk konembunuk, neya wage nagagindik, “Kagabiti mbarugun o,” yinuk, yo’nege, Eereegindak o.
58 Nogoba wae. An nawone mondok koonogo panege, Neenik logokit nduk, nagap ndarogo panege, Eereegindak o.
59 Kaliku ALA wae. An maluk eeppanugwi nogo iyareegindak me, naana’le mbanogo panu o.
60 It ineebi lombok nombakwi abok aret kenegen iige, An maluk eeppanuwok nduk iniki ambit eeppunuk koonggwi nogo maloppiige, Eereegindak o.
61-62 Kaliku ALA wae. It an ninom ogoorak nen an miyukmeya eerogo panugwi nogo karuk konengge, Iniki ambit eeppunuk, inoone yagap wone paga an eeppaniyak o kubondendok nen nok, oonikiya ari nage kagak koonogo pugwi nogo keenu age, Eereegindak o.
63 It kwi’ndak logonet, mi’ndak logonet, ndawi an meek eerogo paniyak mendek tiyanggwi yi, pegiyet o.
64 Kaliku ALA wae. It ineenggi eereegwaarak mugurok onggo ndak-ndak eeppiige,
65 Iniki omaawi eerogo piinok, pulunogo piige, eeru o.
66 Kaliku ALA wae. Kanini nen muguren-magaren nege logonet, o mbogut abu’me yime nen ineebe lek eerogo piyet o.
4 O TIYON AANINGGIN IYA LOMBOK OBA PEREEGERAK WONE
1 Mbuti emas abinak pindan-pindan eeke nogo lek age, Mbuti emas at mendek mban wonage nogo abinak lek arit wangge, Yi yugum ndi yugum onggo nggwok Ala awi wurik me menggerak nogo, tu paga ugun mbo pit nogogwaarak wonage, Eereegerak yi, ao!
2 Mbuti emas at mendek mban eerak kenok, onggo ambik menggi kwak, “O Tiyon aagalogwe ti, niniki kundugu o,” yogo nogogwaarak nogo, “Yogondak aap nggween nggabok paga ogobakkigika nen niyoowak nggween paga ogobakkigikerak kwak aga o,” yinuk, yogwe me, ao!
3 Mba’ngge nen inaagalogwe inelak kuninako menggaarak kwe, An nanebunu mendek perak, ndiimbu o karume logonet, inaagalogwe inabuwa mbaka’lek mbo piinet nugu mengga kwak Togop aret eerit nugu agaarik o.
4 Elege ngget ndarak elak abu nen inamili lobok ari, Elege-aabologwe mbi nggino yorogwe kwe, wogoraga’lek aret wonogwe, Eerak aret agaarik o.
5 It aa’nduk nen mbi-mbiingga ombat abe mban nunggo nogogwaarak nogo, yogondak inambi abu nen tu paga kambit nogwe, It maan nen nogo yum abe laambu paga nogo yogo nogogwaarak nogo yogondak nen aakumi inambeebuk pugu logonak paga nogo yugwi, Eeko agaarik o.
6 O Torom mendek eekwi onggo aaninggin inoba piyareegerak nogo ti, it ambi nen yeenggwaaraga’lek iigak, Ala nen aret ne ambit liingge nippiigak-wuppiigak eerogo inooreegerak nogo ti, iya negen kwe, An nanebunu mendek inoba piyareegerak nogo ti, mondok iya!
7 It inoweewi nagawan-nagawan ti, ndugu-ndugu abinak kwak lek, ineebe abu abe kikak naka’lek wonogwe, Inagabolo ti, yanggwi lan ari menggi kwak lek, abu alik lombok wonogwe, Ineebe ti, anen pera aago wonogwe, Ndi, yugum abinak lan ari menggi kwak inete togop aret wonogwe, Eerak wonogogwaarak kwe,
8 Yogondak nen it inagabolo paga ka’luk nen wande’ndak mili ku agago pege menggi kwak eerogo piige, Inagabolo amironggok eerogo piige, Eyo mbuk kwak inowak wono eerogo piige, Eerak tu paga nugwi kwe, Aakumi nen, “Yi nugu agaarik,” mbaka’lek aret agaarik o.
9 It mbi abu nen kanggwi ti, Ineyabu yarak lek kenok, mbi abu nen yagan wako logonet, ineebe mbuuluk eerogo piige menggerak me, Wooluwak paga inoorak kanggwi ti, op aret kwe, mbi abu nen kanggwi ti perak, mondok aaninggin aret o!
10 Togop me, it an nanebunu mendek inoorogo piinet nogogwaarak ti eyom paga Kumi iniki yanggonak mendek nen it inaagalogwe lombok aret kagak inambi negen inoorogo lakkologo nogogwaarak.
11 Aliku ALA anini tayoppega’lek tek eerogo nappege, Anini kani kunik negen aakumi inoba kilirogo piinet nage, Eeke nagagerik, O Tiyon paga kani negen wuninogo pereegerak pup eerogo nenet nage logonet, nggween mban teppereegerak.
12 Aap inendagembogut o nggween paga wonogwe inom, aakumi yi awi ndi awi wonogwe abok aret inom, nen “It o Tiyon inom wim mbanak kunduk, inom ogoorak kunduk, o Yerutalem tu unggwogo menggam ungguurak abu meek,” Mbako nogogwaarak kwe, kagak aret unggwogogwaarak o.
13 Ti unggwogogwaarak nogo ti, it Ala yorage kagak yoraga nen maluk eekwi, Ndi, it aap iniki abe koonak kagak inamiya kilirogo piyareegwaarak Ala unde nen kunduk maluk eerit nugwi, Eereegwaarak kenok unggwogogwaarak o.
14 It aap maluk eeko nogogwaarak nogo ti, aap inigen mbuk ineenggi nduk nugu mengga kwak, tu paga nugu agaarik o. Inayum irip paga aakumi inamiya lengge eerak wonage me, “Inayum mbaanggoorak inogole,” yogwe,
4:6 Wak. 19:24 4:10 Pel. 28:57, Yeti. 5:10
15 “Kit kinogole warak lombok me, nanip o,” yorogwe, “Nit mbaanniyokwak kineebe tayo yinip. Tayo yinip,” yorogwe, eekwi iinok, It mbaganit yi aap ndi aap wonogwe me ya yembanggak nda yembanggak nugwi iinok, It aakumi ti nen, “Ninom yime elaambirik logorak mage o,” yinuk, yorogo menggaarak.
16 Aliku ALA nen aret it ineebe mugogo-magago nappiyareegerak me, enegen wogonaka’lek aret wonage agaarik o. Togop me, aakumi nen it at eebe unde nogo inayuk wukwi, It aap inanggok inabuwa mbakwi, Eeka’lek aret menggaarak o.
17 “Nit yeenggwa niraawak lak, ao,” mba’nuk, ninigen na’nagak mban eereegurak kwe, We aanom warogo aret ninigen andi mban ee’ninabeegerak. Aakumi inanebunu ambi nen yeenggwa nira woraagun nduk, o nggayo logorak wurik paga nen toriigo nogogurak kwe, Yeenggwa nira woroolik aret o.
18 Tu nugwi niinok, ninom ogoorak nen inigen wo’niren nugu nogogwaarak me, Ninawoore’nggam nen wundi naga’- lek puk aret wonogogurak o. Nit nda’nogogurak eyom abu aret lek arit nage, Nineenik logorak kuli abu aret ari nage, Ndi, nit kambuurak eyom panggoni wage, Eereegerak me,
19 Towe nggindooni o oolo ya’i nggare agan nege ti, iya negen kwe, It nit mu’niren-ma’niren nugwi inogowa perak, iya lombok wonogwe me, Puut-puut paga mu’niren nugwi, o karume paga wangge’ninakwi, Eeko nogogwaarak o.
20 Nit nineenik logorak unde wo’- ninaka Aliku ALA nen at amburu eerogo mippuurak leenogo pereegerak nogo, labu pugume wangge me pigaganggwi, Yi aakumi ndi aakumi inenggela’- me logonet, at abu’me op logorak mbareegurak kwe, pigaganggwi, Eereegwaarak o.
21 O Erom Aagalukwe o Uyut paga wonage menggendak kat yi wae. I’ndok kangge, kale’nggen mbake, eeriyak mbake kenok ari logot o. Kat kunduk amburu toolak wokkeremenggerak nengge keenok, kumili kumbunuk wonage keegak, Kayum nggoorogo kagabolo kin eerogo pagagun o.
22 O Tiyon Aagalukwe kat yi wae. Eereegindak onggo aaninggin koba pagagwi ti, lek aret age, Wokkeren mbo pagi nagagerak elaambirik logorak lek kuli pugume aret ari nage, Eerigin kwe, O Erom Aagalukwe kat perak, Aliku ALA nen maluk eekendak onggo eeppagage, Komaluk kin eerogo pagage, Eerigin o.
5 AA’NDUK WONOGOGWA KWAK EEPPIYOORAK TAMBAN
EEREEGWAARAK WONE
1 Kaliku ALA wae. Nit ninoba agagerak nogo abe’ninake, Nit tebenogo pinaneegwaarak ninendage lek agagerak nogo kenegen pe’niige, liippinanege, Eeru o.
2 Yate kwak ninanggween nogo aakumi inambik ineenggime age, Ninawi wurik me aap nggiru nen ye mbanggola unggwogwe, Eereegwaarak o.
3 Nit ninogobamini lek moono aret wonogwe, Ninagalomini nogo nanu pugu aret wonogwe, Eerak aret ogoorik o.
4 Ninaniyo noorak ti, onggo punuk nunggwi, Ninaga’ni kunduk, onggo mbanggologwe, Eeko ogoorik o.
5 Eyo aaninggin tapi uut paga pugu kwak, inoone omaawi nabek lek yo’nirogwe, Nineebe ndeyak ee’ninake kwe, “Yonggonggolaanip o,” yinuk, yo’niraga’lek wonogwe, Eeko agaarik o.
6 Ninambi ndak noorak wo’niraawak nduk, aakumi Metit mendek nineenggi ndek yorogwe, Aakumi Atiyut mendek nggino yorogwe, Eereegurak o.
7 Nit ninogobamini nen maluk eeko nogogwaarak nogo ineebe lek ogogwaarak iigak, It inomaluk onggo inoba piyoorak nogo nit aret ninoba agagerak o.
8 Aakumi inayeloman nen wone lengganogo yo’nirogwe me, it ineenggime nen wondet eerogo pinaniyak aap ambi lek aret o.
9 O karume time wooluwak mban mik-kwit aago wonage me, “Ninoorugun ilik?” mbako logonet, ninambi kwaakko’net wundi nogo monggoorak o.
10 Kani kunggaatak ka’luk nen mili purunogo pege menggi kwak, ninambi abu nen ninetenggen paga kuri’nggin luk-lak eerak wonogo ogoorik o.
11 O Tiyon time kumi maluk eerogo piigwi, O Yekura kota-kota time komologwe aap kigin waka’lek mendek maluk eeppiigwi,
12 It ninoweewi nagawan-nagawan nogo ineenggi keele maappiinok tugunogo piigwi, Aap inanggik-inanggok inayuk wuka’lek mbo piigwi,
13 Ninapuri wologwe tawe nen gandum yigiruwak nduk, inoone omaawi paga yorogwe, Wologwe kani wurik wonok nogo logonet, aaninggin nen ngginnarit nogwe,
14 Aap inanggok o kota tu unggwogo menggam kuwak ari waga’lek wonogwe, Wologwe tawe nggitat oone eeka’lek wonogwe, Eeko agaarik o.
15 Niniki ale’nggen wonogogurak nogo lek aret age, Ninale’nggen nen kwirabik-kwirabok yogo nogogurak nogo obaane’me le yuurak mban ee’ninake,
16 Nggare-nggare ninanobak paga yirik wonagagerak nogo nggorok togon wambit nage, Eereegerak o. Nit maluk lombok eeko nogogurak paga ee’ninake me, ninabuwa o!
17-18 Puut Tiyon ti, yi oone ndi oone lek o wogome mba’ngge mban nugwi iinok, Niniki andi lombok ee’ninake, Ninigen yumaak eerogo pinanege, Eeke agaarik o.
19 Kaliku ALA wae. Kendagembogut logonet, wone lengganogo mondok-mondok yo’nirage logot o. Kat wone lengganogo yorage menggenom ti, lek aga’lek wonage aret kagak aakumi nda’narit wundi wogo logogun o.
20 Kat nonggop nduk kobak eerogo pinanege, Nonggop nduk o maan togon mbo pinanege, Eereegindak o?
21-22 Kaliku ALA wae. Kat nen nit mondok-mondok mbo pinanege, Kanini kuli pega’lek ninoba pinanegak mban eeke, Eeriyak mbaka’lek lek keenok, Niniyokan wo’niren kat wonage me pinani woraanok nduk, wo’ninake, Aa’nduk wonogogu kwak eerogo pinanege, Eeke logot o.
Mbuku Lendawi
BalasHapus