Mbuku Yunut yi, eebe mbanak pekkaga’lek logonet, aa’nduk pekkoorak yi o.
Mbuku Yunut wone yi ti, Ala nen yorage kenok, yorogo nogogwaarak liiru mbanak nogo ndak-ndak lek o. Ata, at Yunut nen eereegerak wone mban mbanak wonage o. Ala nen at Yunut nogo, it aakumi Atiyut mendek inowe endagembogut wone lengganogo yorage menggim kota Niniwe, “Nak,” yoreegerak kwe, at Yunut iniki mbake logonet, “O Niniwe inomaluk mbo pugun kenok, Ala aaninggin inoba kwippiyoorak koonogo pegerak nogo eeppiyaagin lek teppiyaagin me, yora noorak, Neebi,” mba’nuk, mbo punuk, mbaganikit nduk, eereegerak mendek, Ala nen aru non mbanogo pereegerak nogo liiru mbanak wonage. Ala nen yi mendek ndi mendek ogobakkigireegerak unde wonage nogo mbuku Yunut yi paga liiru mbanak wonage. Aakumi maluk eekwi iinok, inomaluk onggo aaninggin inoba kwippiyoorak mbake kwe, inabuwa lombok mbake menggerak me, inomaluk mbo pugwi iinok perak, teppiige menggerak nogo mbuku yi paga liiru mbanak wonage o.
YUNUT WONE
1 Ala nen kwaakkage kero, mbaganeegerak wone
1 Aliku ALA nen aap Amitayi aput Yunut wone yoreegerak nogo yi aret.
2 Aliku ALA nen ari logonet, “O kota nggwok Niniwe time inomaluk mondok iya lombok eekwi iigirak me, inomaluk mbo puwak nduk wone yora nak o,” yinuk, yoreegerak.
3 Yoreegerak kwe, at Yunut nogo, “Aliku ALA nen ambinom, Nak, yo’nirukwak,” mba’nuk, kole mbaganit o Taritit naakit nduk, o Yapo wambi nage nagagerik, o time nen yiiro ambi o Taritit noorak nduk eeke kwaakkage nagagerik, “Aliku ALA kwaa’neege kero,” yinuk, o Taritit noorak onggo pege nagagerik, yiiro nogo paga lagi nanuk, it o Taritit nogwe nogo, inom aret nggarek yereegerak.
4 Inom nogwe me, Aliku ALA nen o wiya nggwok wuppi wagagerak oone pu warit yiiro nogo punggagak eeke logonet, yigirik-noonom eerogo pikit nduk eeke kagak,
5 it aap yiiro wonok nega abok aret inagabiti aganake mbareegi, inalitak lombok inoone nggwok paga inagugi yeenggwaaraawak nduk yogwi, yiiro aaninggin teeluk aruwak nduk, yi mendek ndi mendek yonggolak nogo abok waganogo niyo laut inikime mbo wuppugwi, eereegwaarak. Ti eekwi iigak, at Yunut nogo yiiro akombaga lombok wambi nage nagagerik, time winna’nuk nogo nggaruk togon yereegerak wonage me,
6 aap yiiro unde nogo kwaakkage nagagerik, yoge logonet, “Yogop ee’ninake kagak nonggoti nogo mban yege agandik? At liippinaninuk, nit lek eerogo pinaniyak lek ninagap ndariyak kagak eerukwak, mi’na’nuk, kagugi yoru o.”
7 Yoge nagagerik, it nen at ambi yogak, at ambi yogak eeko logonet, “Aap ta nen eekerak paga maluk ee’ninake nineenu aruwok nduk, yugum paga wakkaawok o,” yinuk, wakkogo nogogwaarik, yugum nogo wa’nanok aap Yunut owagam ari nagagerak.
8 Ari nage mbareegi, it nen Yunut nogo yogo logonet, “Aap ta nen eekerak paga nit maluk eeppinanege nogo, yo’niret o. Ndi, keyabu ngge eeke menggendak? Ngga nen wagandak? Kawi ngga o? Kanebunu kunduk, aap ngge mendek? Yo’niret o.”
1:1 2End. 14:25
9 Yogo mbareegwa, it yorage logonet, “An aap Iberani mendek aret me, niyo nggwok yenggenak laut inom, nggween inom, wakkagagerak mbogut unde menggerak Aliku Ala ayuk wuke minggirak an aret o,” yinuk, yoragagerak.
10 Yoragagerak nogo konembunuk, inagabiti ambik aganake mbareegi, “Aliku ALA nen kwaa’neege kero, mbaganit wagi o,” yinuk, muk yoragagerak ineenu me, at yogo logonet, “Kat nonggop eekendak o?” yinuk, yoreegwaarak.
11 Yogwi iigak, niyo kole yenggenak laut nogo kilaarak-mogonik eerit lagangge me, at yogo logonet, “Nit lebenninabukwak niyo nggwok yenggenak laut yi, tebe agan wambuwak nduk, kat nonggop eeppagagwi o?”
12 Yogo mbareegwa, it yorage logonet, “O wiya nggwok warit wage logonet, kit niyo lebengginaburak eeke ti, alom an eekirak paga eeke an neenu aret me, an neebe waganogo niyo kole yenggenak laut inikime mbo wuppanugwi kiinok, niyo kilaarak-mogonik eeke yi, lek aret arigin o.”
13 Yorage mbareegi, eyo paga alelo mbaniyak eereegwaarak kwe, o wiya nen niyo abunuk kilaarak-mogonik eeke kenok, meek agagerak me,
14 inoone nggwok paga Aliku ALA yogo logonet, “Kaliku ALA o. Aap yi, ane’me nineebe lek eerogo pinanugun o. Kaliku ALA wae. Kat eeriyak mbakendak nogo aret eekendak me, aap maluk eeka’lek kagak wakwi niinok, nit ninoba pinaniyak mage o.”
15 Yo’nuk, Yunut nogo waganogo niyo kole yenggenak laut inikime mbo wuppereegwaarak. Mbo wuppogo mbareegwa, niyo kilaarak-mogonik eeke nogo, abolok lek agagerak.
16 Lek age mbareegi, it aap ti nen Aliku ALA inagabiti ambik mbako nogogwaarik, Aliku ALA ake warogo wogogo logonet, “Nit kat mban kayuk wuko logonet, Yogop aret eerit nogo logogun o,” yinuk, kumbuk mbaneegwaarak.
17 Ti eekwi iigak, Aliku ALA nen Yunut nogo ambeme yonggoluwak nduk, yikwe nggwok ambi nappi wagagerak yonggoleegerak inikime wonage kagak nogo kenagan aret yereegerak o. 1:17 Mat. 12:40
2 Yunut nen tamban eereegerak wone
1 Yunut nogo yikwe inikime nogome yonggolak wonage logonet, Aliku ogoba Ala yoreegerak.
2 Tamban eeke logonet, “An niniki aaninggin ndugu aago logonet, noone nggwok paga Kaliku ALA yokkege neenok, onggo yo’nege, Aakumi kambunuk nogo menggam kiiniki paga wonage logonet, Yeenggwa niru o, yinuk, noone nggwok paga yokkege me, noone yi, karuk konengge, Eekendak o.
3 Kat nen niyo nggwok yenggenak laut oolo kiiniki paga lombok mbo wuppanege, Niyo alelo uwe ndingge logonet, nombok-kombok eerogo panege, Niyo kilaarak-mogonik eeke logonet, neebe taanogo panege, Eeke me,
4 An nogo, kat wonage me nen mbo panegendak kwe, Kat kawi wurik abu alik leenak nogo an ambinom kaagin aret o, mbake neegak,
5 Niyo alobok nen taanogo paniyak eeke, Niyo inikime lombok nen neebe logo eerogo panege, Wore-wore nanobak paga perenogo panege,
6 Puut-puut iyok niyo inikime yarak me, ari wangge, Nggween o’luwam lombok wangge neegak, mondok-mondok logorak nduk, nambokan tu narogo panege, Eeke me, Kaliku nogoba Ala o. Niyo kiiniki paga lombok wonage me, pilanogo nippanu o, yinuk, yokkigirak o.
7 An niniki abu woroniyak ee’nake kagak Kaliku ALA koba abekkake, An tamban eeke nogo noone ndayondayo karuk me unggwi nage, Kat kawi wurik alik leenak nogome ari unggwage, Eekerak o.
8 It inagugiwak we aanom warogo kagak, pippatinuk, eerit nugwi ti, Kat inabuwa nen obeelom eeppiyoorak nogo, it mbo pugwi kwe,
9 An perak, Wa! yokkege logonet, kake warogo wokkege, An ndogop eeke logogin o, yinuk, kumbuk mbanggirak nogo ndak-ndak aret eeke, Eerigin o. Ninagap ndaka nogo ti, Kaliku ALA kat aret o,” yinuk, tamban eereegerak.
10 Tamban eeke mbareegi, Yunut eebe kilirogo wumbuwak nduk, Aliku ALA nen yikwe nogo yoge mbareegi, at Yunut nogo peyak negen wurogo niyo aa’nggi paga wumbereegerak.
3 Aakumi Niniwe mendek nen inomaluk mbo pereegwaarak wone
3:4-5 Mat. 12:41, Luk. 11:32
1 Ti’nuk, Aliku ALA nen ne ambinom Yunut yoreegerak.
2 Yoge logonet, “Kat o kota nggwok Niniwe time nage logomenggendik, It ndogop yoret o, yokkege nogo, koone nggwok paga yoraamunggun o.”
3 Yoge mbareegi, at Yunut nogo, “Aliku ALA nen yo’negerak ti, eerikit aret o,” yinuk, o Niniwe nagagerak. O kota Niniwe nogo ti, o nggwok aret nenaarak me, irip me nen irip me noorak kenok, nogo kenagan yegak nogo menggaarak me,
4 Yunut nogo, o kota time unggwi nage nagagerik, nage kagak nogo ambit yegak nage nagagerik, wone yorage logonet, “Nogo 40 yinuk, o kota Niniwe yi, mondok lek eerogo pigin o,” yinuk, yoragagerak.
5 Yorage mbareegi, it aakumi o Niniwe mendek nogo, “Ala nen yegerak ti, abet aret o,” yinuk, inendage warak inom, inendage lek inom, abok aret inayum maluk nibinik mendek yikkologo nogogwaarik, “Ninambe mage negen eeppunuk logowok o,” yinuk, yereegwaarak.
6 At Yunut wone yoragagerak nogo, aap endagembogut o kota Niniwe mendek aruk konengge nagagerik, kwi’- ndak logonet wone lengganogo yorage menggim nen wambi wa’nuk, aap inendagembogut inayum yiko menggaarak yirik nogo, nggoorogo punuk, yum maluk nibinik mendek yikkolage nagagerik, liirubu paga kwi’nagagerak.
7 Kwi’ndak logonet, it o kota Niniwe eeko logorak wone lengganogo wumbereegerak nogo yi aret. “Aap inowe endagembogut inom, awuri nagawan-nagawan inom, wone lengganogo wumbogo logonet, Kit aakumi inom, wam inom, lembu-tapi inom, kambin-ndomba inom, abok aret nen yi mendek ndi mendek nunggwi, niyo nunggwi, eeriyak mage o. Ambit iluk ambi ombat wakkoorak mondok mage o.
8-9 At Ala anini nen lek eerogo pinaniyak mbakerak nogo, iniki yanggo yinuk, ninabuwa nen teppinanege kagak eerukwak, kit aakumi yum maluk nibinik mendek yikkologwe, kinaanggumi purok yikut eerogo piigwi, eeko logomonggotik, kinalitak lombok maluk eerit nugwi, kinanini paga eerit nugwi, eeko monggotak nogo, abok aret nggonenogo mbo punuk, yungguninuk, Ala owagam wogo logomonggotik, kinoone nggwok paga Ala yogo logonip o,” yinuk, wone lengganogo wumbereegwaarak ti aret.
10 Eerogo wumbogo mbareegwa, Ala nen it maluk eekwi nogo mbo punuk, yungguninuk, at owagam wogwe maloppiige nagagerik, aaninggin inoba piyaakit mbareegerak nogo, “Eeppiyaagin lek o,” yinuk, inabuwa nen teppiyareegerak.
4 Ala nen aakumi alik inabuwa mbake nogo mamunggolagagerak wone
4:2 Wund. 34:6 4:3 1End. 19:4
1 Teppiige mbareegi, at Yunut nen, “Abu neebi a!” yinuk, anini mbareegerak.
2 Anini mbake nagagerik, Aliku ALA yoge logonet, “Kaliku ALA wae. Kat koone yanggorogon yo’nirage, nit aakumi ninabuwa mbake, kiniki aanaganggenggwi lek liippunuk eeppinanege, kiniki kunik lombok ee’ninabit unggwage, eekwi onggo aaninggin ninoba pinanege logonet, Yi eeppigi ao, yinuk, mbake, eeke menggendak an neenu me, an yime waga’lek name awo logonet, Time yora naminggirak kwe, Ala nen maluk eeppiyaagin lek teppiyaagin mbaki o, yinuk, yagarak nogo lek a? Alom ti paga an mbet-mbet aret kole mbaganit o Taritit nagagerak nogo o.
3 Togop aret me, Kaliku nogoba Ala o. An neenik logorak neebi o. Ndi, kambuurak ti op aret, mbake me, nggaruk togon kambikit nduk, eeppanu o.”
4 Yoreegerak kwe, Aliku ALA nen at yoge logonet, “Kat kanini mbake ti, op aret mbake agandik ya?” yoreegerak.
5 Yoge mbareegi, Yunut nogo o kota nogome mbo punuk, wundi nage nagagerik, o kota oonegen lagi wage menggim pa’nggwe time kwi’nagagerak. Time ooliya ambi wuppake nagagerik, ngguna’me time kwi’na’nuk logonet, “O kota time nano age kaamun?” yinuk, enegen wagangge puk wonagagerak.
6 Ooliyana nogome wonage kagak, Aliku Ala nen nggiyo ambi wunduwak nduk kooneegerak me, at Yunut mo andi anobak tele-tele eeke kenok, ngguna’me logowak nduk, anggupengga paga nobarogo pege mbareegi, Yunut nogo nggiyo wundeegerak paga ale’nggen ambik mbareegerak.
7 Ale’nggen mbareegerak kwe, nogo yinuk, ko’lu o wigangge kagak, Ala nen nggoon ambi nappi wagagerak nggiyo ero nogo mbanogo pege mbareegi, mbuk agagerak.
8 Mbuk age kagak, oonegen lagi wage mbareegi, Ala nen kooneegerak paga o wiya oonegen lagi wage menggim pa’nggwe nen aganggen ambik lombok warit wage logonet, mo andiigwi lombok tele agan Yunut anobak paga kere-kere eeke logonet, eebe ndeyak a’nuk, “Kambikit aret,” mbake logonet, “An neenik logorak neebi me, kambuurak op aret o,” yinuk, yereegerak.
9 Yereegerak kwe, Ala nen Yunut yoge logonet, “Nggiyo mbuk agaarak ti paga kanini wungge logorak op mbaken?” Yoge mbareegi, at nen, “Nanini wundiyak op aret mbake agarik o. Nanini mbake logonet, aret kambi o.”
10 Yoge mbareegi, Aliku ALA nen ari logonet, “Nggiyo nogo ti, kat nen awi yake, ligak wuundamo wola yege, eerulik ne ambit oonikiya paga alik en mbilambunuk, lagangge, ti’nuk, o liingge paga mbuk age, eekerak ti paga kanini wundiyak op aret mbake kwe,
11 o kota nggwok Niniwe time aakumi nen, Yi op kagi, yi maluk kagi, maloppega’lek ineebe ambik lombok seratus dua puluh ribu wonogwe inom, inaanggumi ambik inom, wonogwe me, an nen o kota nggwok Niniwe nogo, inabuwa mbaka’lek nonggoti mbo piyoobok kenok, liippunuk eeppiyoorak koongge ti, meek nombake agandik ya?” yinuk, yoreegerak o.
Yunut 4
Mbuku Yunut wone yi ti, Ala nen yorage kenok, yorogo nogogwaarak liiru mbanak nogo ndak-ndak lek o. Ata, at Yunut nen eereegerak wone mban mbanak wonage o. Ala nen at Yunut nogo, it aakumi Atiyut mendek inowe endagembogut wone lengganogo yorage menggim kota Niniwe, “Nak,” yoreegerak kwe, at Yunut iniki mbake logonet, “O Niniwe inomaluk mbo pugun kenok, Ala aaninggin inoba kwippiyoorak koonogo pegerak nogo eeppiyaagin lek teppiyaagin me, yora noorak, Neebi,” mba’nuk, mbo punuk, mbaganikit nduk, eereegerak mendek, Ala nen aru non mbanogo pereegerak nogo liiru mbanak wonage. Ala nen yi mendek ndi mendek ogobakkigireegerak unde wonage nogo mbuku Yunut yi paga liiru mbanak wonage. Aakumi maluk eekwi iinok, inomaluk onggo aaninggin inoba kwippiyoorak mbake kwe, inabuwa lombok mbake menggerak me, inomaluk mbo pugwi iinok perak, teppiige menggerak nogo mbuku yi paga liiru mbanak wonage o.
YUNUT WONE
1 Ala nen kwaakkage kero, mbaganeegerak wone
1 Aliku ALA nen aap Amitayi aput Yunut wone yoreegerak nogo yi aret.
2 Aliku ALA nen ari logonet, “O kota nggwok Niniwe time inomaluk mondok iya lombok eekwi iigirak me, inomaluk mbo puwak nduk wone yora nak o,” yinuk, yoreegerak.
3 Yoreegerak kwe, at Yunut nogo, “Aliku ALA nen ambinom, Nak, yo’nirukwak,” mba’nuk, kole mbaganit o Taritit naakit nduk, o Yapo wambi nage nagagerik, o time nen yiiro ambi o Taritit noorak nduk eeke kwaakkage nagagerik, “Aliku ALA kwaa’neege kero,” yinuk, o Taritit noorak onggo pege nagagerik, yiiro nogo paga lagi nanuk, it o Taritit nogwe nogo, inom aret nggarek yereegerak.
4 Inom nogwe me, Aliku ALA nen o wiya nggwok wuppi wagagerak oone pu warit yiiro nogo punggagak eeke logonet, yigirik-noonom eerogo pikit nduk eeke kagak,
5 it aap yiiro wonok nega abok aret inagabiti aganake mbareegi, inalitak lombok inoone nggwok paga inagugi yeenggwaaraawak nduk yogwi, yiiro aaninggin teeluk aruwak nduk, yi mendek ndi mendek yonggolak nogo abok waganogo niyo laut inikime mbo wuppugwi, eereegwaarak. Ti eekwi iigak, at Yunut nogo yiiro akombaga lombok wambi nage nagagerik, time winna’nuk nogo nggaruk togon yereegerak wonage me,
6 aap yiiro unde nogo kwaakkage nagagerik, yoge logonet, “Yogop ee’ninake kagak nonggoti nogo mban yege agandik? At liippinaninuk, nit lek eerogo pinaniyak lek ninagap ndariyak kagak eerukwak, mi’na’nuk, kagugi yoru o.”
7 Yoge nagagerik, it nen at ambi yogak, at ambi yogak eeko logonet, “Aap ta nen eekerak paga maluk ee’ninake nineenu aruwok nduk, yugum paga wakkaawok o,” yinuk, wakkogo nogogwaarik, yugum nogo wa’nanok aap Yunut owagam ari nagagerak.
8 Ari nage mbareegi, it nen Yunut nogo yogo logonet, “Aap ta nen eekerak paga nit maluk eeppinanege nogo, yo’niret o. Ndi, keyabu ngge eeke menggendak? Ngga nen wagandak? Kawi ngga o? Kanebunu kunduk, aap ngge mendek? Yo’niret o.”
1:1 2End. 14:25
9 Yogo mbareegwa, it yorage logonet, “An aap Iberani mendek aret me, niyo nggwok yenggenak laut inom, nggween inom, wakkagagerak mbogut unde menggerak Aliku Ala ayuk wuke minggirak an aret o,” yinuk, yoragagerak.
10 Yoragagerak nogo konembunuk, inagabiti ambik aganake mbareegi, “Aliku ALA nen kwaa’neege kero, mbaganit wagi o,” yinuk, muk yoragagerak ineenu me, at yogo logonet, “Kat nonggop eekendak o?” yinuk, yoreegwaarak.
11 Yogwi iigak, niyo kole yenggenak laut nogo kilaarak-mogonik eerit lagangge me, at yogo logonet, “Nit lebenninabukwak niyo nggwok yenggenak laut yi, tebe agan wambuwak nduk, kat nonggop eeppagagwi o?”
12 Yogo mbareegwa, it yorage logonet, “O wiya nggwok warit wage logonet, kit niyo lebengginaburak eeke ti, alom an eekirak paga eeke an neenu aret me, an neebe waganogo niyo kole yenggenak laut inikime mbo wuppanugwi kiinok, niyo kilaarak-mogonik eeke yi, lek aret arigin o.”
13 Yorage mbareegi, eyo paga alelo mbaniyak eereegwaarak kwe, o wiya nen niyo abunuk kilaarak-mogonik eeke kenok, meek agagerak me,
14 inoone nggwok paga Aliku ALA yogo logonet, “Kaliku ALA o. Aap yi, ane’me nineebe lek eerogo pinanugun o. Kaliku ALA wae. Kat eeriyak mbakendak nogo aret eekendak me, aap maluk eeka’lek kagak wakwi niinok, nit ninoba pinaniyak mage o.”
15 Yo’nuk, Yunut nogo waganogo niyo kole yenggenak laut inikime mbo wuppereegwaarak. Mbo wuppogo mbareegwa, niyo kilaarak-mogonik eeke nogo, abolok lek agagerak.
16 Lek age mbareegi, it aap ti nen Aliku ALA inagabiti ambik mbako nogogwaarik, Aliku ALA ake warogo wogogo logonet, “Nit kat mban kayuk wuko logonet, Yogop aret eerit nogo logogun o,” yinuk, kumbuk mbaneegwaarak.
17 Ti eekwi iigak, Aliku ALA nen Yunut nogo ambeme yonggoluwak nduk, yikwe nggwok ambi nappi wagagerak yonggoleegerak inikime wonage kagak nogo kenagan aret yereegerak o. 1:17 Mat. 12:40
2 Yunut nen tamban eereegerak wone
1 Yunut nogo yikwe inikime nogome yonggolak wonage logonet, Aliku ogoba Ala yoreegerak.
2 Tamban eeke logonet, “An niniki aaninggin ndugu aago logonet, noone nggwok paga Kaliku ALA yokkege neenok, onggo yo’nege, Aakumi kambunuk nogo menggam kiiniki paga wonage logonet, Yeenggwa niru o, yinuk, noone nggwok paga yokkege me, noone yi, karuk konengge, Eekendak o.
3 Kat nen niyo nggwok yenggenak laut oolo kiiniki paga lombok mbo wuppanege, Niyo alelo uwe ndingge logonet, nombok-kombok eerogo panege, Niyo kilaarak-mogonik eeke logonet, neebe taanogo panege, Eeke me,
4 An nogo, kat wonage me nen mbo panegendak kwe, Kat kawi wurik abu alik leenak nogo an ambinom kaagin aret o, mbake neegak,
5 Niyo alobok nen taanogo paniyak eeke, Niyo inikime lombok nen neebe logo eerogo panege, Wore-wore nanobak paga perenogo panege,
6 Puut-puut iyok niyo inikime yarak me, ari wangge, Nggween o’luwam lombok wangge neegak, mondok-mondok logorak nduk, nambokan tu narogo panege, Eeke me, Kaliku nogoba Ala o. Niyo kiiniki paga lombok wonage me, pilanogo nippanu o, yinuk, yokkigirak o.
7 An niniki abu woroniyak ee’nake kagak Kaliku ALA koba abekkake, An tamban eeke nogo noone ndayondayo karuk me unggwi nage, Kat kawi wurik alik leenak nogome ari unggwage, Eekerak o.
8 It inagugiwak we aanom warogo kagak, pippatinuk, eerit nugwi ti, Kat inabuwa nen obeelom eeppiyoorak nogo, it mbo pugwi kwe,
9 An perak, Wa! yokkege logonet, kake warogo wokkege, An ndogop eeke logogin o, yinuk, kumbuk mbanggirak nogo ndak-ndak aret eeke, Eerigin o. Ninagap ndaka nogo ti, Kaliku ALA kat aret o,” yinuk, tamban eereegerak.
10 Tamban eeke mbareegi, Yunut eebe kilirogo wumbuwak nduk, Aliku ALA nen yikwe nogo yoge mbareegi, at Yunut nogo peyak negen wurogo niyo aa’nggi paga wumbereegerak.
3 Aakumi Niniwe mendek nen inomaluk mbo pereegwaarak wone
3:4-5 Mat. 12:41, Luk. 11:32
1 Ti’nuk, Aliku ALA nen ne ambinom Yunut yoreegerak.
2 Yoge logonet, “Kat o kota nggwok Niniwe time nage logomenggendik, It ndogop yoret o, yokkege nogo, koone nggwok paga yoraamunggun o.”
3 Yoge mbareegi, at Yunut nogo, “Aliku ALA nen yo’negerak ti, eerikit aret o,” yinuk, o Niniwe nagagerak. O kota Niniwe nogo ti, o nggwok aret nenaarak me, irip me nen irip me noorak kenok, nogo kenagan yegak nogo menggaarak me,
4 Yunut nogo, o kota time unggwi nage nagagerik, nage kagak nogo ambit yegak nage nagagerik, wone yorage logonet, “Nogo 40 yinuk, o kota Niniwe yi, mondok lek eerogo pigin o,” yinuk, yoragagerak.
5 Yorage mbareegi, it aakumi o Niniwe mendek nogo, “Ala nen yegerak ti, abet aret o,” yinuk, inendage warak inom, inendage lek inom, abok aret inayum maluk nibinik mendek yikkologo nogogwaarik, “Ninambe mage negen eeppunuk logowok o,” yinuk, yereegwaarak.
6 At Yunut wone yoragagerak nogo, aap endagembogut o kota Niniwe mendek aruk konengge nagagerik, kwi’- ndak logonet wone lengganogo yorage menggim nen wambi wa’nuk, aap inendagembogut inayum yiko menggaarak yirik nogo, nggoorogo punuk, yum maluk nibinik mendek yikkolage nagagerik, liirubu paga kwi’nagagerak.
7 Kwi’ndak logonet, it o kota Niniwe eeko logorak wone lengganogo wumbereegerak nogo yi aret. “Aap inowe endagembogut inom, awuri nagawan-nagawan inom, wone lengganogo wumbogo logonet, Kit aakumi inom, wam inom, lembu-tapi inom, kambin-ndomba inom, abok aret nen yi mendek ndi mendek nunggwi, niyo nunggwi, eeriyak mage o. Ambit iluk ambi ombat wakkoorak mondok mage o.
8-9 At Ala anini nen lek eerogo pinaniyak mbakerak nogo, iniki yanggo yinuk, ninabuwa nen teppinanege kagak eerukwak, kit aakumi yum maluk nibinik mendek yikkologwe, kinaanggumi purok yikut eerogo piigwi, eeko logomonggotik, kinalitak lombok maluk eerit nugwi, kinanini paga eerit nugwi, eeko monggotak nogo, abok aret nggonenogo mbo punuk, yungguninuk, Ala owagam wogo logomonggotik, kinoone nggwok paga Ala yogo logonip o,” yinuk, wone lengganogo wumbereegwaarak ti aret.
10 Eerogo wumbogo mbareegwa, Ala nen it maluk eekwi nogo mbo punuk, yungguninuk, at owagam wogwe maloppiige nagagerik, aaninggin inoba piyaakit mbareegerak nogo, “Eeppiyaagin lek o,” yinuk, inabuwa nen teppiyareegerak.
4 Ala nen aakumi alik inabuwa mbake nogo mamunggolagagerak wone
4:2 Wund. 34:6 4:3 1End. 19:4
1 Teppiige mbareegi, at Yunut nen, “Abu neebi a!” yinuk, anini mbareegerak.
2 Anini mbake nagagerik, Aliku ALA yoge logonet, “Kaliku ALA wae. Kat koone yanggorogon yo’nirage, nit aakumi ninabuwa mbake, kiniki aanaganggenggwi lek liippunuk eeppinanege, kiniki kunik lombok ee’ninabit unggwage, eekwi onggo aaninggin ninoba pinanege logonet, Yi eeppigi ao, yinuk, mbake, eeke menggendak an neenu me, an yime waga’lek name awo logonet, Time yora naminggirak kwe, Ala nen maluk eeppiyaagin lek teppiyaagin mbaki o, yinuk, yagarak nogo lek a? Alom ti paga an mbet-mbet aret kole mbaganit o Taritit nagagerak nogo o.
3 Togop aret me, Kaliku nogoba Ala o. An neenik logorak neebi o. Ndi, kambuurak ti op aret, mbake me, nggaruk togon kambikit nduk, eeppanu o.”
4 Yoreegerak kwe, Aliku ALA nen at yoge logonet, “Kat kanini mbake ti, op aret mbake agandik ya?” yoreegerak.
5 Yoge mbareegi, Yunut nogo o kota nogome mbo punuk, wundi nage nagagerik, o kota oonegen lagi wage menggim pa’nggwe time kwi’nagagerak. Time ooliya ambi wuppake nagagerik, ngguna’me time kwi’na’nuk logonet, “O kota time nano age kaamun?” yinuk, enegen wagangge puk wonagagerak.
6 Ooliyana nogome wonage kagak, Aliku Ala nen nggiyo ambi wunduwak nduk kooneegerak me, at Yunut mo andi anobak tele-tele eeke kenok, ngguna’me logowak nduk, anggupengga paga nobarogo pege mbareegi, Yunut nogo nggiyo wundeegerak paga ale’nggen ambik mbareegerak.
7 Ale’nggen mbareegerak kwe, nogo yinuk, ko’lu o wigangge kagak, Ala nen nggoon ambi nappi wagagerak nggiyo ero nogo mbanogo pege mbareegi, mbuk agagerak.
8 Mbuk age kagak, oonegen lagi wage mbareegi, Ala nen kooneegerak paga o wiya oonegen lagi wage menggim pa’nggwe nen aganggen ambik lombok warit wage logonet, mo andiigwi lombok tele agan Yunut anobak paga kere-kere eeke logonet, eebe ndeyak a’nuk, “Kambikit aret,” mbake logonet, “An neenik logorak neebi me, kambuurak op aret o,” yinuk, yereegerak.
9 Yereegerak kwe, Ala nen Yunut yoge logonet, “Nggiyo mbuk agaarak ti paga kanini wungge logorak op mbaken?” Yoge mbareegi, at nen, “Nanini wundiyak op aret mbake agarik o. Nanini mbake logonet, aret kambi o.”
10 Yoge mbareegi, Aliku ALA nen ari logonet, “Nggiyo nogo ti, kat nen awi yake, ligak wuundamo wola yege, eerulik ne ambit oonikiya paga alik en mbilambunuk, lagangge, ti’nuk, o liingge paga mbuk age, eekerak ti paga kanini wundiyak op aret mbake kwe,
11 o kota nggwok Niniwe time aakumi nen, Yi op kagi, yi maluk kagi, maloppega’lek ineebe ambik lombok seratus dua puluh ribu wonogwe inom, inaanggumi ambik inom, wonogwe me, an nen o kota nggwok Niniwe nogo, inabuwa mbaka’lek nonggoti mbo piyoobok kenok, liippunuk eeppiyoorak koongge ti, meek nombake agandik ya?” yinuk, yoreegerak o.
Yunut 4
Mbuku Yunut
BalasHapus