Tepaniya Wone Mbuku Tepaniya yi, eebe mbanak pekkaga’lek logonet, aa’nduk pekkoorak yi o.
Yetut awo nda’naga’lek kagak tahun tujuh ratus yubunikit nduk eeke kagak, Ala nen yoge kagak yoraga Tepaniya nogo, o Yekura time logonet, at aap Yotiya nogo endagembogut a’nuk wone lengganogo yorage me, Ala wone yugu maluk age kero, ena koongge kagak wone yorage nagagerak. Mbuku Tepaniya yi nogo ti, it aap Ala nen yorage kagak yorogo nogogwaarak liiru mbanak nogo ndak-ndak mbanak wonage.
It aakumi Yekura mendek nen kugi eerit nogwe paga Ala nen, “Anggon-panggon eerogo piige, aaninggin lombok inoba kwippiige, inawi maluk eerogo pege, eerigin o,” yinuk, yoge, ndi, “It aakumi alik inom aaninggin lombok inoba kwippiyaagin o,” yinuk, yoge, eeke kenok yorage nagagerak. “Kota Yerutalem ti, yigirogo pugun kwe, obaane’me wuriyak eyom panggoni woramenggerak wukwi iinok, it aap iniki abe koonak inom, it at oone konembunuk, Nineebi, yogolik ndak-ndak eeka inom, o ti unde eeppatinuk wonogo logogun o,” yinuk, yorage nagagerak nogo liiru mbanak wonage o.
TEPANIYA WONE
Pasal 1 1 Kitikiya nen Amatiya ndake, Amatiya nen Nggeraliya ndake, Nggeraliya nen Kutiya ndake, Kutiya nen Tepaniya ndake, eereegwaarak me, at aap Amon aput Yotiya nogo aakumi Yekura inowe endagembogut a’nuk, wone lengganogo yorage kagak, Aliku ALA nen Kutiya aput Tepaniya wone yoreegerak nogo yi aret.
Ala woroorak eyom paga aaninggin inoba kwippiyoorak wone
2 “Yi mendek ndi mendek o nggween paga wonogwe abok aret an nen inenggaawak lek eerogo piyaagin o,” yinuk, Aliku ALA nen aret yegerak o.
3 “Aakumi inom, yi mendek ndi mendek ineenik nggween paga nugu menggaarak anebunu lombok inom, inenggaawak lek eerogo piige, Yi towe ndi towe oolo ya’i wiganinuk nugu menggaarak inom, yi yikwe ndi yikwe niyo nggwok yenggenak laut inikime menggaarak inom, lek eerogo piige, It aap an noone ineebi mbaka inom, aakumi o nggween paga wonogwe abok aret inom, mondok lek eerogo piige, Eerigin o,” yinuk, Aliku ALA nen aret yegerak o.
It Yekura mendek aaninggin inoba piyoorak wone
1:1 2End. 22:1-23:30, 2Mbin. 34:1-35:27
4-6 “It aakumi Yekura menggaarak inom, it Yerutalem menggaarak abok aret inom, an neenggi omaawi paga yigirogo piyaagin o. It kugi Mbaan ayuk wuko menggaarak ando pugu nogo nen Inawi kirin ndoonak paga lagi nanuk, laaluguragan inom, tut inom, oonegen inom, ayuk wukwi, Aliku ALA mugurok nogo logowok o, yinuk, Naliku ALA nendage kumbunuk nalut eeko logonet kwe, Inagugi Milokon endage kumbunuk ayuk wukwi, Eeko logonet kwe, Naliku ALA kunduk, nendage kumbunuk nalut eekwi, Naliku ALA an mu’neren nogo nogogwaarak kwe, mbo paninuk nomo agan nogwe, Ala ngge o? yinuk, kwaa’naka’- lek mbo panugwi, Ala ari ngge o? yinuk, kin wo’naka’lek wonogwe, Eeko menggaarak kugi Mbaan unde ineebe abok aret Inenggaawak lek eerogo piige neenok, inendage lek aret arugun o.
7 Naliku ALA nen eeppiyoorak eyom muk koorok panggo yegerak me, It aakumi abok aret Naliku Nitok Minggirak an ALA nenggaanom paga inoone lek puk logowak o. Ndomba warogo pogo mengga kwak, Naliku ALA nen it an napuri togop eerogo piyaawak nduk, pipuk eerogo piyareegirak me, Eeppiya woraawak nduk, inayonggo piinok, leenogo piyareegirak o.
8 Naliku ALA napuri ineebe lek eerogo piyoorak inayonggo piyareegirak ti eyom paga It aap inoweewi inendage warak inom, it aap inendagembogut inapuri inom, it aakumi inambik eeko menggaarak mugurok nogwe nogo inom, An nen it maluk eekwi onggo inoba kwippiige,
9 Ne ti eyom paga it aap an neebe ineenggo’lek nen inagugi eeko mengga kwak it eerit nugwi, Aakumi inoorit nugwi, wi-wi aganakwi, Eeko logonet, Inamendek kugun wonok inowe endagembogut awi nggwok abe wurik me yagabit eerogo pi unggwogo menggaarak nogo, aaninggin inoba kwippiyaagin o,” yinuk, yegerak o.
10 Aliku ALA nen ari logonet, “Ne ti eyom paga tu unggwogo menggam endage Yikwe Mbanak Me nen le yogwe, It aakumi o yaga’lelo endage Ngget Wurik Me wonogwe nogo nen leenggu maakwi, It puut-puut teberogon wonage nogo abu iya lombok yigirogo wurabit wage oone ari nogo, inaruk konenggwi, Eerugun o.
11 Togop me, it aakumi o teberogon kobappaga wuppunuk wonogo menggaarak ti, Aap yi mendek ndi mendek kungga inom wonogwe abok aret inenggaawak lek ogwe, It mbuti perak wakkagak kungga nogo ineebe lek ogwe, Eerugun me, Le yogo logowak o.
12 Ne ti eyom paga an nen ndi wuninik wonok o Yerutalem maleninabit nage logonet, Anggur amburu abe tookwi iigak, ogogwe o’luwam linogo pege menggi kwak, it aap togop aago wonogo logonet, Aliku ALA nen obeelom eeppinanege, maluk eerogo pinanege, Eerigin lek, mba’nuk, Iniki ugun kobak aago wonogwe nogo, kwaappiinok, aaninggin inoba kwippiyaagin o
13 Inamindik-inamendek ambik wonage nogo abok aret kabologo waganggwi, Inawi wurik nogo yinik-minik eerogo pugwi, Eerugun o. Inawi logorak wukkolamenggaarak kwe, time wonaga’lek wum aret age, Anggur awi ineyabume yaremenggaarak kwe, anggen amburu mbiranogo nengga’lek mbo pugwi, Eerugun o,” yinuk, yegerak me, yokkiragi o.
14 Aliku ALA nen iya lombok eeri woroorak ne nogo, abu panggo yi wagaarak me, Puk arigin lek mbet-mbet aret eeri woraagin o. Togop me, wone yi liirogon konenggo logonip o. Aliku ALA eeri woroorak ne ti, aakumi iniki wakkoloorak eyom aret me, It aap wim wakaa’ngget nogo kunduk, le yogo logogun o.
15 Ne ti ari woroorak nogo ti, Aliku ALA anini eeppiyoorak eyom aret me, Ne ti paga it aakumi iniki wakkologwe, Nonggop eeruwi o? yinuk, iniki aaninggin ndugu aago nugwi, Ne ti paga aakumi maluk lombok eerogo piigwi, yi mendek ndi mendek pup eerogo pugwi, Ne ti paga o apit age, o yumaak lombok eerogo pege, Ne ti paga o ndugwi narogo pege, o ogum lombok eerogo pege,
16 Ne ti paga oone nggwok eeka trompet nogo oone pu eekwi, O kota-kota yugum pak wurik kagak wim namburi ungguwok nduk, keekok piyanggogwe, O tum wako logorak yerek-nggorek pak wurik unggut-unggut wurik kagak aan lebeni unggwuwok nduk, inanggutnggut wakkogwe, Eekwi iyaagun o.
17 Aliku ALA nen ari logonet, “It aakumi nen Naliku an ALA maluk eerogo paneegwaarak me, An nen it aakumi ti anggon-panggon lombok eerogo piige neenok, aakumi inigen mbuk yu’nduk agan nogo mengga kwak nugu logogun o. Liirubu kale’ngga eerogo mbo pogo mengga kwak, aakumi inamiya togop aret eerogo pugwi, Inaan wurik ogole o, yinuk, mbo pogo mengga kwak, inaanagale togop aret kilirogo mbo pugwi, Eerugun o.
18 Naliku ALA woroorak ne nogo ti, aakumi apit ineenggo’lek kobak wonogwe iigak woraagin me, Wage logominggirik, it o nggween paga wonogwe nogo abok aret lek eerogo piyaakit nduk, eeke logonet, It an mu’neren woroorak kwe, alik mugurok nogwe yi neebi a, yinuk, nanini kani kunik negen inoba kwippiige neenok, ineebe lek arugun me, Inamendek mbuti perak paga, mbuti emas paga, inagap ndakkolaagun mondok lek aret o,” yinuk, yegerak me, yokkiragi o.
2 “Kinomaluk mbo punuk woraanip o,” yoragagerak wone
1 Kit aakumi kinenggali lek eerit nega yi wae.
2 At Aliku ALA anini kinoba pi wage logonet, iri’ngga wiirik o wiya nen wonok lek age menggi kwak, Kit togop aret lek eerogo pinagarak eyom koonak nogo, awo ari waga’lek kagak, Aliku ALA anini kani kunik negen eeppinagarak eyom panggoni waga’lek kagak, Aliku ALA mi’nage logonet, anini kinoba kwippinagarak ne nogo awo ari waga’lek kagak, Kinanggena luk togon kuwak ari wa’nip o.
3 Kit aakumi o yime kiniki tebenak logonet, Aliku ALA nen, Yogop ee’nu ndogop ee’nu, ari menggerak ndak-ndak eekwi yi, Aliku ALA mugurok nogo logonip o. Aliku ALA anini eeppinagi woroorak eyom paga kit kinoba pinagage kagak eerukwak, Kit abe koonak mban eerit nugwi, Kiniki tebenak logonet, eerit nugwi, Eeko logonip o.
It Pilitin wonogo menggam eeppiyoorak wone
2:4-7 Yet. 14:29-31, Yer. 47:1-7, Yeti. 25:15-17, Yow. 3:4-8, Amot 1:6-8, Tak. 9:5-7
4 O kota Nggata ti, o wogo age, O Atekelon yi oone ndi oone lek age, Eerigin o. It aakumi o Atorot wonogwe nogo o liingge yini-panip aret mugogo wumbiigwi, It aakumi o Ekeron menggaarak nogo mugogo wumbiigwi, Eerugun o.
5 Niyo kole yenggenak laut aa’nggi paga monggotak kit Kereti mendek yi, kinabuwa o! Aakumi Pilitin wonogo menggam kit Kanan mendek yi, Aliku ALA nen aaninggin kinoba kwippinagarak yegerak me, kinabuwa o! “An nen inenggaawak lek eerogo piige logonet, ambiriluk ambi teppiyaagin mondok lek aret o,” yinuk, Aliku ALA nen aret yegerak me,
6 Kit kinawi niyo nggwok yenggenak laut aa’nggi paga monggo’- nom nogome Kambin-ndomba ndegeninaka inawooliya time wukkologwe, Kambin-ndomba inanggenogo wurogo piigwi, Eerugun o.
7 Kit monggo’nom time aap Yekura paga wiganak eegu yumbunik nogo, unde eeppatinuk wonogo logonet, Inaanggumi kambin-ndomba inagari’ngga mbanogo nonggo logowak nduk, time piigwi, Ndi, oonikiya paga it Atekelon mendek inawi wurik me time inanogo yikkologwe, Eekwi iigak, At Aliku inogoba Ala nen ineebe liirogon aret ndegeninake, Aa’nduk wonogogwa kwak eerogo piige, Eerigin o.
O Mowap inom, Amon inom, eeppiyoorak wone
8 At Aliku ALA nen ari logonet, “It aakumi Mowap mendek nen an napuri meek eerogo piigwi, It Amon mendek nen an napuri mbelaappiigo logonet, inagi’- ndok kanggwi, Eekwi nogo An muk naruk konenggirak o. It nen an napuri meek eerogo piigwi, Nit iya me, kinanggween tebenggologwe niinok, kit nonggop eerumunggup o? yinuk, yorogwe, Eekwi me,
9 An Nomaawi Lombok Minggirak Naliku Iterali inogoba Ala nen o Mowap nogo, o Torom kwak eerogo pege, Ndi, it aakumi Amon mendek ti, aakumi Nggomora eerogo piyareegi kwak, eerogo piige, Eerigin o, Yinuk, an mondok neenik menggirak nendage kumbatinuk yagi o. O Mowap ti, alok-palok mban age, Mayu kwaako logonet, nggween kabuneegwa kwak age, Eerak me, Eeri’ngga-kale’ngga lagangga’lek puluk ko eerogo piminggirak me, It an napuri eegu yumbunik wonogwe nogo nen inamendek kugun kologwe, It an napuri eegu pugu wonogwe nogo nen inanggween ineyate kwak unde eekkologwe, Eerugun o,” yinuk, yegerak o.
10 It aakumi Mowap mendek inom, Amon mendek inom, iniki, “Nit abu iya lombok,” mbako logonet, At Omaawi Lombok Menggerak Aliku ALA apuri nogo, meek eerogo piigwi, inagi’ndok kanggwi, Eeko nogogwaarak onggo it togop aret eerogo piyaagin o.
11 At Aliku ALA nen it aakumi o nggween paga yime inagugi lek eerogo piige kenok, Inagabiti nen, “Aliku ALA ti, iya!” yinuk, yi aakumi ndi aakumi nggween paga wonogwe abok aret inalitik-inalitak menggam logonet, Aliku ALA abu’me tebe yinuk, at alut eeko logogun o.
O Kuti eeppuurak wone
12 “Kit aakumi Kuti mendek yi wae. Kit kunduk an nawooluwak paga kinoorigin o,” yinuk, Aliku ALA nen aret yorage kagarak o.
O Atiyut eeppuurak wone
13 O omarip paga pa’nggwe wonogwe eeppiyoorak nogo, at eenggi nippunuk kagak, o Atiyut lek eerogo pogo logonet, O Niniwe yi oone lek ndi oone lek logowak nduk eerogo pugwi, Aakumi lek karume nggween mbuk menggi kwak eerogo pugwi, Eerugun o.
14 O time kambin-ndomba inom, lembu-tapi inom, ndiimbu-nggwiya inom, winnari unggwagak eekwi, Towe mumayo inom, tiyu inom, o owak nigabak abo paga kwi’- narit nanuk nogo yugwi, Eerugun o. It towe ti, inoone nggek-nggek yogwe nogo wonok ambime nagak eeke, Tu unggwogo menggam o langgu-langgu aago nigabak wonage, Eeremenggerak wonage logogin o. Ndi, eyo nggabina omaawi paga wurik me mininuk ndi yogo logogun o.
15 O kota ineebe op wonogo logonet, iniki ugun tayenak inale’nggen paga wonogwe eeppiyoorak nogo ti aret. At mbake logonet, “An neebe yi ti, iya aret me, an kokwak ambi lek aret,” mbareegerak kwe, O karume aakumi lek nggween mbuk aago menggi kwak aago wonage, Ndiimbu-nggwiya eyonggaame mendek time ye mbambatinuk wonogwe, Eekwi yi, mondok iya o! It aakumi tu ti paga nogo logonet, “Kayik a! Op togon eerogo pigi,” yinuk, enggali wappegak nogo logogun o.
2:8-11 Yet. 15:1-16:14, 25:10-12, Yer. 48:1-47, Yeti. 25:8-11, Amot 1:13-15, Yer. 49:1-6, Yeti. 21:28-32, 25:1-7, Amot 1:13 2:9 Wak. 19:24 2:12 Yet. 18:1-7 2:13-15 Yet. 10:5-34, 14:24, Nak. 1:1-3:19
3 Kota Yerutalem eeppuurak wone
3:13 Wayu 14:5
1 Aakumi tebenogo piigwi, Ala nen yorage nogo eeriyak ineebi mbakwi, O kota enete maluk eerogo pugwi, Eeko menggam o kota Yerutalem ti, abuwa o!
2 At Ala nen aruk wake nogo liirogon konengge, Wone yoge nogo, E o, yinuk, wagangge, Aliku ALA paga iniki panggombege, At ogoba Ala owagam woraanuk yoge, Eeka’lek aret menggerak o.
3 At inom eeka aap inendage warak wonogwe nogo ti, Singa at nengge menggerak naakit nduk oone nggwok ari menggi kwak, wonogwe, At aagalogwe inowak loongga ti, nggeewo owo nen nggwiya wappunuk ko’lu noorak mbakulik, o ne ambit weege paga awiirogo wurako mengga kwak, wonogwe,
4 At enggela’me it Ala nen yorage kagak yoraga nogo ti, liirogon yoraga’lek ugun-ugun yorogwe me, “Yi abet aret yo’nirogwe,” mbaka’lek wonogwe, At enggela’me it aap Ala unde nogo nen Ala ake leenogo pugu nogo, maluk eerogo pugwi, Ala wone Muta nen liiru mbaneegerak nogo, taganogo punuk, it mbakwi nogo mban mugurok nogwe, Eeko menggaarak o.
5 Aliku ALA at enggela’me wonage logonet, maluk ambi eeppiigeelik obeelom mban eeppiige, At puk aga’lek ko’lu-kii’me o kubondendok nen inawone amburu mbanogo punuk, a’me nggelok mban eeppiige, Eeke menggerak kwe, It aap maluk eeka iniki nggolawe nogo, inenggali mbaka’lek maluk mban eerit nugu menggaarak o.
6 Aliku ALA nen ari logonet, “An nen yi aakumi ndi aakumi inenggaawak lek eerogo piige, O arum logorak pak wurik unggut-unggut me o nggorek wurik nogo yigirogo pege, It tu nogo menggam maluk eerogo pigirak me, aakumi tu ti paga naga’lek wonogwe, Inawi kota-kota o wogo eerogo pege logonet, Aakumi ambiriluk ambi teppiyoolik tigitogon lek eerogo piige, Eereegirak o.
7 Eeppege nagagirik, an nen mbake logonet, Yogondak it nen an nayuk wukwi, An yorage nogo liippunuk eekwi, It eeriyak yorage nogo, ambi kobak eerogo mbo pugun lek ndak-ndak aret eekwi, Eeko logogun, Mbareegirak kwe, It maluk eerit nugwi nogo mbo puurak mbakulik abunuk iniki aganggen kerek togon eerit nugwi iyareegirak o,” yinuk, yegerak me, yagi o.
8 Aliku ALA nen ari logonet, “Togop eekwi me, an nen yi aakumi ndi aakumi abok aret kuwak eerogo piya wage, It aakumi inabu’me piinok menggam nen kuwak eerogo piya wage, Eeppiinok, Nanini inoba piige, An nanini kani kunik negen eeppiige, Eeriyak koonogo pereegirak nogo eeke logonet, An mban mu’neren woraawak lak, it alik mugurok nogwe yi, neebi a, yinuk, Aakumi o nggween paga wonogwe abok aret nanini kani wunuk ari kwak ineebe pup eerogo nawak nduk, eeppiyaagin me, An mi’nage logominggirik, Kit togop eekwi kiigirak o, yinuk, yoroorak eyom ari woraawak nduk, to’neego logowak o.
9 Ti eeppiinok, it yi aakumi ndi aakumi abok aret Naliku ALA an mban nendage kumbunuk yo’nugwi, It iniki ambit eeppunuk, an mban nalut eekwi, Eeko logowak nduk, Wone wunako nogogwaarak paga inambe maluk agagerak nogo, obeelom eerogo piyaagin o.
10 It an nalut eeko menggaarak napuri ma’nogogwaarak niyo Kuti enebagan wonogwe nogo nen Yi mendek ndi mendek wonok an nake pi wogo logogun o.
11 Ne ti eyom paga it an noone taganogo mbo punuk, maluk eerogo panugo nogogwaarak nogo, inenggali wappiyaagin lek o. It inoreewi, Nit iya o, yinuk, iniki wogoppako logomenggaarak nogo, o yime nen mbo wumbiyaagin me, It ando perak, nabuut alik leenak paga yime wonogo logonet iniki wogoppako logogun lek aret o.
12 At kota enggela’me time it aap iniki tebenak logonet, yanggonak mban eekwi, It iniki Naliku an ALA noba panggombunuk, mu’neren wogwe, Eeko logomenggaarak nogo perak, O kota yime logowak nduk, teppiyaagin o.
13 It aakumi Iterali mendek eegu yumbunik wonogwe nogo nen maluk eekwi, Inoone pilit pugunggwi, Wone mbanggo logonet, inoone pilit ambi pugunogo yorogwe, Eeko logogun lek aret o. Ndomba iri’ngga nenok, iniki ugun nogo yege menggi kwak, it togop aret eerogo piyaagin me, Aakumi ambi nen mbaaninako logogun lek aret,” yegerak me, yokkiragi o.
Inale’nggen logonet, ndawi tiyanggo logorak wone
14-15 At Aliku ALA nen aaninggin kinoba pinagarak nogo lek eerogo pege, Kinom wim mbanak nogo wogwe iinok, munogo nappiige, Eeke logomenggerik, Kit Iterali mendek kinowe endagembogut Aliku ALA kinenggela’me logonet, kinarum wonage me, “Maluk ambi eeppinani wogwe iyo, iya!” yinuk, kinagabiti mbarumunggup lek o. Togop me, o Tiyon aagalogwe kit yi wae. Ndawi wakwi, Iterali mendek kit yi wae. Ndawi lubuk yogwe, Kota Yerutalem aagalogwe kit yi wae. Kinale’nggen nen keekok piyanggogwe, Eeko logonip o.
16 Ne ti eyom ari wage kenok, it aakumi nen at Yerutalem yogo logonet, “Kat Tiyon yi wae. Kagabiti nen komanggen tayok ari ti, mage o.
17 Aap wim wakaa’ngget nen inawuri inagap ndako mengga kwak, Aliku kogoba Ala kenggela’me logonet, kagap ndake, Iniki kunik lombok eekkake, Kabuwa mbake paga kiniki kwippagage, Kale’nggen nen ndawi wake, Eerigin o,” Yinuk, yogo logogun o.
18 Aliku ALA nen ari logonet, “O kota Yerutalem aagalogwe inale’nggen nen laago lako logorak koonak nogo laka’lek kenok iniki aaninggin wonogwe, Eeka’lek kenok, aakumi nen meek eerogo piigwi iinok, inenggali mbakak nugwi, Eekwi nogo An nen lek eerogo pigin o.
19 Ne ti eyom paga it aakumi nen o Tiyon aagalogwe tebenogo piigwi nogo, an nen mi’na’nuk it lek eerogo piige, Iniyok yilugu wonogwe nogo, inagap ndarogo piige, It mappiyareegwaarak aakumi inenggela’me wonogwe nogo, kuwak eerogo piya wage, Eeke logominggirik, Yi o ndi o it o Tiyon aagalogwe inendage maluk eerogo piyareegwam nogome nen inendage tiyappiigwi, inayuk wukwi, Eeko logowak nduk Eerogo piyaagin o.
20 Ne ti eyom paga an nen kuwak eerogo piige, Ne ti eyom paga iname piya wage, Eerigin o. Ndi, inigen iigak, aa’nduk inale’- nggen paga wonogogwaarak kwak eerogo piige neenok, It yi aakumi ndi aakumi o nggween paga wonogwe yi abok aret inendage tiyappiigwi, inayuk wukwi, Eeko logogun o,” yinuk, yegerak me, yokkiragi o, yoragagerak.
Tepaniya 3 psl
Yetut awo nda’naga’lek kagak tahun tujuh ratus yubunikit nduk eeke kagak, Ala nen yoge kagak yoraga Tepaniya nogo, o Yekura time logonet, at aap Yotiya nogo endagembogut a’nuk wone lengganogo yorage me, Ala wone yugu maluk age kero, ena koongge kagak wone yorage nagagerak. Mbuku Tepaniya yi nogo ti, it aap Ala nen yorage kagak yorogo nogogwaarak liiru mbanak nogo ndak-ndak mbanak wonage.
It aakumi Yekura mendek nen kugi eerit nogwe paga Ala nen, “Anggon-panggon eerogo piige, aaninggin lombok inoba kwippiige, inawi maluk eerogo pege, eerigin o,” yinuk, yoge, ndi, “It aakumi alik inom aaninggin lombok inoba kwippiyaagin o,” yinuk, yoge, eeke kenok yorage nagagerak. “Kota Yerutalem ti, yigirogo pugun kwe, obaane’me wuriyak eyom panggoni woramenggerak wukwi iinok, it aap iniki abe koonak inom, it at oone konembunuk, Nineebi, yogolik ndak-ndak eeka inom, o ti unde eeppatinuk wonogo logogun o,” yinuk, yorage nagagerak nogo liiru mbanak wonage o.
TEPANIYA WONE
Pasal 1 1 Kitikiya nen Amatiya ndake, Amatiya nen Nggeraliya ndake, Nggeraliya nen Kutiya ndake, Kutiya nen Tepaniya ndake, eereegwaarak me, at aap Amon aput Yotiya nogo aakumi Yekura inowe endagembogut a’nuk, wone lengganogo yorage kagak, Aliku ALA nen Kutiya aput Tepaniya wone yoreegerak nogo yi aret.
Ala woroorak eyom paga aaninggin inoba kwippiyoorak wone
2 “Yi mendek ndi mendek o nggween paga wonogwe abok aret an nen inenggaawak lek eerogo piyaagin o,” yinuk, Aliku ALA nen aret yegerak o.
3 “Aakumi inom, yi mendek ndi mendek ineenik nggween paga nugu menggaarak anebunu lombok inom, inenggaawak lek eerogo piige, Yi towe ndi towe oolo ya’i wiganinuk nugu menggaarak inom, yi yikwe ndi yikwe niyo nggwok yenggenak laut inikime menggaarak inom, lek eerogo piige, It aap an noone ineebi mbaka inom, aakumi o nggween paga wonogwe abok aret inom, mondok lek eerogo piige, Eerigin o,” yinuk, Aliku ALA nen aret yegerak o.
It Yekura mendek aaninggin inoba piyoorak wone
1:1 2End. 22:1-23:30, 2Mbin. 34:1-35:27
4-6 “It aakumi Yekura menggaarak inom, it Yerutalem menggaarak abok aret inom, an neenggi omaawi paga yigirogo piyaagin o. It kugi Mbaan ayuk wuko menggaarak ando pugu nogo nen Inawi kirin ndoonak paga lagi nanuk, laaluguragan inom, tut inom, oonegen inom, ayuk wukwi, Aliku ALA mugurok nogo logowok o, yinuk, Naliku ALA nendage kumbunuk nalut eeko logonet kwe, Inagugi Milokon endage kumbunuk ayuk wukwi, Eeko logonet kwe, Naliku ALA kunduk, nendage kumbunuk nalut eekwi, Naliku ALA an mu’neren nogo nogogwaarak kwe, mbo paninuk nomo agan nogwe, Ala ngge o? yinuk, kwaa’naka’- lek mbo panugwi, Ala ari ngge o? yinuk, kin wo’naka’lek wonogwe, Eeko menggaarak kugi Mbaan unde ineebe abok aret Inenggaawak lek eerogo piige neenok, inendage lek aret arugun o.
7 Naliku ALA nen eeppiyoorak eyom muk koorok panggo yegerak me, It aakumi abok aret Naliku Nitok Minggirak an ALA nenggaanom paga inoone lek puk logowak o. Ndomba warogo pogo mengga kwak, Naliku ALA nen it an napuri togop eerogo piyaawak nduk, pipuk eerogo piyareegirak me, Eeppiya woraawak nduk, inayonggo piinok, leenogo piyareegirak o.
8 Naliku ALA napuri ineebe lek eerogo piyoorak inayonggo piyareegirak ti eyom paga It aap inoweewi inendage warak inom, it aap inendagembogut inapuri inom, it aakumi inambik eeko menggaarak mugurok nogwe nogo inom, An nen it maluk eekwi onggo inoba kwippiige,
9 Ne ti eyom paga it aap an neebe ineenggo’lek nen inagugi eeko mengga kwak it eerit nugwi, Aakumi inoorit nugwi, wi-wi aganakwi, Eeko logonet, Inamendek kugun wonok inowe endagembogut awi nggwok abe wurik me yagabit eerogo pi unggwogo menggaarak nogo, aaninggin inoba kwippiyaagin o,” yinuk, yegerak o.
10 Aliku ALA nen ari logonet, “Ne ti eyom paga tu unggwogo menggam endage Yikwe Mbanak Me nen le yogwe, It aakumi o yaga’lelo endage Ngget Wurik Me wonogwe nogo nen leenggu maakwi, It puut-puut teberogon wonage nogo abu iya lombok yigirogo wurabit wage oone ari nogo, inaruk konenggwi, Eerugun o.
11 Togop me, it aakumi o teberogon kobappaga wuppunuk wonogo menggaarak ti, Aap yi mendek ndi mendek kungga inom wonogwe abok aret inenggaawak lek ogwe, It mbuti perak wakkagak kungga nogo ineebe lek ogwe, Eerugun me, Le yogo logowak o.
12 Ne ti eyom paga an nen ndi wuninik wonok o Yerutalem maleninabit nage logonet, Anggur amburu abe tookwi iigak, ogogwe o’luwam linogo pege menggi kwak, it aap togop aago wonogo logonet, Aliku ALA nen obeelom eeppinanege, maluk eerogo pinanege, Eerigin lek, mba’nuk, Iniki ugun kobak aago wonogwe nogo, kwaappiinok, aaninggin inoba kwippiyaagin o
13 Inamindik-inamendek ambik wonage nogo abok aret kabologo waganggwi, Inawi wurik nogo yinik-minik eerogo pugwi, Eerugun o. Inawi logorak wukkolamenggaarak kwe, time wonaga’lek wum aret age, Anggur awi ineyabume yaremenggaarak kwe, anggen amburu mbiranogo nengga’lek mbo pugwi, Eerugun o,” yinuk, yegerak me, yokkiragi o.
14 Aliku ALA nen iya lombok eeri woroorak ne nogo, abu panggo yi wagaarak me, Puk arigin lek mbet-mbet aret eeri woraagin o. Togop me, wone yi liirogon konenggo logonip o. Aliku ALA eeri woroorak ne ti, aakumi iniki wakkoloorak eyom aret me, It aap wim wakaa’ngget nogo kunduk, le yogo logogun o.
15 Ne ti ari woroorak nogo ti, Aliku ALA anini eeppiyoorak eyom aret me, Ne ti paga it aakumi iniki wakkologwe, Nonggop eeruwi o? yinuk, iniki aaninggin ndugu aago nugwi, Ne ti paga aakumi maluk lombok eerogo piigwi, yi mendek ndi mendek pup eerogo pugwi, Ne ti paga o apit age, o yumaak lombok eerogo pege, Ne ti paga o ndugwi narogo pege, o ogum lombok eerogo pege,
16 Ne ti paga oone nggwok eeka trompet nogo oone pu eekwi, O kota-kota yugum pak wurik kagak wim namburi ungguwok nduk, keekok piyanggogwe, O tum wako logorak yerek-nggorek pak wurik unggut-unggut wurik kagak aan lebeni unggwuwok nduk, inanggutnggut wakkogwe, Eekwi iyaagun o.
17 Aliku ALA nen ari logonet, “It aakumi nen Naliku an ALA maluk eerogo paneegwaarak me, An nen it aakumi ti anggon-panggon lombok eerogo piige neenok, aakumi inigen mbuk yu’nduk agan nogo mengga kwak nugu logogun o. Liirubu kale’ngga eerogo mbo pogo mengga kwak, aakumi inamiya togop aret eerogo pugwi, Inaan wurik ogole o, yinuk, mbo pogo mengga kwak, inaanagale togop aret kilirogo mbo pugwi, Eerugun o.
18 Naliku ALA woroorak ne nogo ti, aakumi apit ineenggo’lek kobak wonogwe iigak woraagin me, Wage logominggirik, it o nggween paga wonogwe nogo abok aret lek eerogo piyaakit nduk, eeke logonet, It an mu’neren woroorak kwe, alik mugurok nogwe yi neebi a, yinuk, nanini kani kunik negen inoba kwippiige neenok, ineebe lek arugun me, Inamendek mbuti perak paga, mbuti emas paga, inagap ndakkolaagun mondok lek aret o,” yinuk, yegerak me, yokkiragi o.
2 “Kinomaluk mbo punuk woraanip o,” yoragagerak wone
1 Kit aakumi kinenggali lek eerit nega yi wae.
2 At Aliku ALA anini kinoba pi wage logonet, iri’ngga wiirik o wiya nen wonok lek age menggi kwak, Kit togop aret lek eerogo pinagarak eyom koonak nogo, awo ari waga’lek kagak, Aliku ALA anini kani kunik negen eeppinagarak eyom panggoni waga’lek kagak, Aliku ALA mi’nage logonet, anini kinoba kwippinagarak ne nogo awo ari waga’lek kagak, Kinanggena luk togon kuwak ari wa’nip o.
3 Kit aakumi o yime kiniki tebenak logonet, Aliku ALA nen, Yogop ee’nu ndogop ee’nu, ari menggerak ndak-ndak eekwi yi, Aliku ALA mugurok nogo logonip o. Aliku ALA anini eeppinagi woroorak eyom paga kit kinoba pinagage kagak eerukwak, Kit abe koonak mban eerit nugwi, Kiniki tebenak logonet, eerit nugwi, Eeko logonip o.
It Pilitin wonogo menggam eeppiyoorak wone
2:4-7 Yet. 14:29-31, Yer. 47:1-7, Yeti. 25:15-17, Yow. 3:4-8, Amot 1:6-8, Tak. 9:5-7
4 O kota Nggata ti, o wogo age, O Atekelon yi oone ndi oone lek age, Eerigin o. It aakumi o Atorot wonogwe nogo o liingge yini-panip aret mugogo wumbiigwi, It aakumi o Ekeron menggaarak nogo mugogo wumbiigwi, Eerugun o.
5 Niyo kole yenggenak laut aa’nggi paga monggotak kit Kereti mendek yi, kinabuwa o! Aakumi Pilitin wonogo menggam kit Kanan mendek yi, Aliku ALA nen aaninggin kinoba kwippinagarak yegerak me, kinabuwa o! “An nen inenggaawak lek eerogo piige logonet, ambiriluk ambi teppiyaagin mondok lek aret o,” yinuk, Aliku ALA nen aret yegerak me,
6 Kit kinawi niyo nggwok yenggenak laut aa’nggi paga monggo’- nom nogome Kambin-ndomba ndegeninaka inawooliya time wukkologwe, Kambin-ndomba inanggenogo wurogo piigwi, Eerugun o.
7 Kit monggo’nom time aap Yekura paga wiganak eegu yumbunik nogo, unde eeppatinuk wonogo logonet, Inaanggumi kambin-ndomba inagari’ngga mbanogo nonggo logowak nduk, time piigwi, Ndi, oonikiya paga it Atekelon mendek inawi wurik me time inanogo yikkologwe, Eekwi iigak, At Aliku inogoba Ala nen ineebe liirogon aret ndegeninake, Aa’nduk wonogogwa kwak eerogo piige, Eerigin o.
O Mowap inom, Amon inom, eeppiyoorak wone
8 At Aliku ALA nen ari logonet, “It aakumi Mowap mendek nen an napuri meek eerogo piigwi, It Amon mendek nen an napuri mbelaappiigo logonet, inagi’- ndok kanggwi, Eekwi nogo An muk naruk konenggirak o. It nen an napuri meek eerogo piigwi, Nit iya me, kinanggween tebenggologwe niinok, kit nonggop eerumunggup o? yinuk, yorogwe, Eekwi me,
9 An Nomaawi Lombok Minggirak Naliku Iterali inogoba Ala nen o Mowap nogo, o Torom kwak eerogo pege, Ndi, it aakumi Amon mendek ti, aakumi Nggomora eerogo piyareegi kwak, eerogo piige, Eerigin o, Yinuk, an mondok neenik menggirak nendage kumbatinuk yagi o. O Mowap ti, alok-palok mban age, Mayu kwaako logonet, nggween kabuneegwa kwak age, Eerak me, Eeri’ngga-kale’ngga lagangga’lek puluk ko eerogo piminggirak me, It an napuri eegu yumbunik wonogwe nogo nen inamendek kugun kologwe, It an napuri eegu pugu wonogwe nogo nen inanggween ineyate kwak unde eekkologwe, Eerugun o,” yinuk, yegerak o.
10 It aakumi Mowap mendek inom, Amon mendek inom, iniki, “Nit abu iya lombok,” mbako logonet, At Omaawi Lombok Menggerak Aliku ALA apuri nogo, meek eerogo piigwi, inagi’ndok kanggwi, Eeko nogogwaarak onggo it togop aret eerogo piyaagin o.
11 At Aliku ALA nen it aakumi o nggween paga yime inagugi lek eerogo piige kenok, Inagabiti nen, “Aliku ALA ti, iya!” yinuk, yi aakumi ndi aakumi nggween paga wonogwe abok aret inalitik-inalitak menggam logonet, Aliku ALA abu’me tebe yinuk, at alut eeko logogun o.
O Kuti eeppuurak wone
12 “Kit aakumi Kuti mendek yi wae. Kit kunduk an nawooluwak paga kinoorigin o,” yinuk, Aliku ALA nen aret yorage kagarak o.
O Atiyut eeppuurak wone
13 O omarip paga pa’nggwe wonogwe eeppiyoorak nogo, at eenggi nippunuk kagak, o Atiyut lek eerogo pogo logonet, O Niniwe yi oone lek ndi oone lek logowak nduk eerogo pugwi, Aakumi lek karume nggween mbuk menggi kwak eerogo pugwi, Eerugun o.
14 O time kambin-ndomba inom, lembu-tapi inom, ndiimbu-nggwiya inom, winnari unggwagak eekwi, Towe mumayo inom, tiyu inom, o owak nigabak abo paga kwi’- narit nanuk nogo yugwi, Eerugun o. It towe ti, inoone nggek-nggek yogwe nogo wonok ambime nagak eeke, Tu unggwogo menggam o langgu-langgu aago nigabak wonage, Eeremenggerak wonage logogin o. Ndi, eyo nggabina omaawi paga wurik me mininuk ndi yogo logogun o.
15 O kota ineebe op wonogo logonet, iniki ugun tayenak inale’nggen paga wonogwe eeppiyoorak nogo ti aret. At mbake logonet, “An neebe yi ti, iya aret me, an kokwak ambi lek aret,” mbareegerak kwe, O karume aakumi lek nggween mbuk aago menggi kwak aago wonage, Ndiimbu-nggwiya eyonggaame mendek time ye mbambatinuk wonogwe, Eekwi yi, mondok iya o! It aakumi tu ti paga nogo logonet, “Kayik a! Op togon eerogo pigi,” yinuk, enggali wappegak nogo logogun o.
2:8-11 Yet. 15:1-16:14, 25:10-12, Yer. 48:1-47, Yeti. 25:8-11, Amot 1:13-15, Yer. 49:1-6, Yeti. 21:28-32, 25:1-7, Amot 1:13 2:9 Wak. 19:24 2:12 Yet. 18:1-7 2:13-15 Yet. 10:5-34, 14:24, Nak. 1:1-3:19
3 Kota Yerutalem eeppuurak wone
3:13 Wayu 14:5
1 Aakumi tebenogo piigwi, Ala nen yorage nogo eeriyak ineebi mbakwi, O kota enete maluk eerogo pugwi, Eeko menggam o kota Yerutalem ti, abuwa o!
2 At Ala nen aruk wake nogo liirogon konengge, Wone yoge nogo, E o, yinuk, wagangge, Aliku ALA paga iniki panggombege, At ogoba Ala owagam woraanuk yoge, Eeka’lek aret menggerak o.
3 At inom eeka aap inendage warak wonogwe nogo ti, Singa at nengge menggerak naakit nduk oone nggwok ari menggi kwak, wonogwe, At aagalogwe inowak loongga ti, nggeewo owo nen nggwiya wappunuk ko’lu noorak mbakulik, o ne ambit weege paga awiirogo wurako mengga kwak, wonogwe,
4 At enggela’me it Ala nen yorage kagak yoraga nogo ti, liirogon yoraga’lek ugun-ugun yorogwe me, “Yi abet aret yo’nirogwe,” mbaka’lek wonogwe, At enggela’me it aap Ala unde nogo nen Ala ake leenogo pugu nogo, maluk eerogo pugwi, Ala wone Muta nen liiru mbaneegerak nogo, taganogo punuk, it mbakwi nogo mban mugurok nogwe, Eeko menggaarak o.
5 Aliku ALA at enggela’me wonage logonet, maluk ambi eeppiigeelik obeelom mban eeppiige, At puk aga’lek ko’lu-kii’me o kubondendok nen inawone amburu mbanogo punuk, a’me nggelok mban eeppiige, Eeke menggerak kwe, It aap maluk eeka iniki nggolawe nogo, inenggali mbaka’lek maluk mban eerit nugu menggaarak o.
6 Aliku ALA nen ari logonet, “An nen yi aakumi ndi aakumi inenggaawak lek eerogo piige, O arum logorak pak wurik unggut-unggut me o nggorek wurik nogo yigirogo pege, It tu nogo menggam maluk eerogo pigirak me, aakumi tu ti paga naga’lek wonogwe, Inawi kota-kota o wogo eerogo pege logonet, Aakumi ambiriluk ambi teppiyoolik tigitogon lek eerogo piige, Eereegirak o.
7 Eeppege nagagirik, an nen mbake logonet, Yogondak it nen an nayuk wukwi, An yorage nogo liippunuk eekwi, It eeriyak yorage nogo, ambi kobak eerogo mbo pugun lek ndak-ndak aret eekwi, Eeko logogun, Mbareegirak kwe, It maluk eerit nugwi nogo mbo puurak mbakulik abunuk iniki aganggen kerek togon eerit nugwi iyareegirak o,” yinuk, yegerak me, yagi o.
8 Aliku ALA nen ari logonet, “Togop eekwi me, an nen yi aakumi ndi aakumi abok aret kuwak eerogo piya wage, It aakumi inabu’me piinok menggam nen kuwak eerogo piya wage, Eeppiinok, Nanini inoba piige, An nanini kani kunik negen eeppiige, Eeriyak koonogo pereegirak nogo eeke logonet, An mban mu’neren woraawak lak, it alik mugurok nogwe yi, neebi a, yinuk, Aakumi o nggween paga wonogwe abok aret nanini kani wunuk ari kwak ineebe pup eerogo nawak nduk, eeppiyaagin me, An mi’nage logominggirik, Kit togop eekwi kiigirak o, yinuk, yoroorak eyom ari woraawak nduk, to’neego logowak o.
9 Ti eeppiinok, it yi aakumi ndi aakumi abok aret Naliku ALA an mban nendage kumbunuk yo’nugwi, It iniki ambit eeppunuk, an mban nalut eekwi, Eeko logowak nduk, Wone wunako nogogwaarak paga inambe maluk agagerak nogo, obeelom eerogo piyaagin o.
10 It an nalut eeko menggaarak napuri ma’nogogwaarak niyo Kuti enebagan wonogwe nogo nen Yi mendek ndi mendek wonok an nake pi wogo logogun o.
11 Ne ti eyom paga it an noone taganogo mbo punuk, maluk eerogo panugo nogogwaarak nogo, inenggali wappiyaagin lek o. It inoreewi, Nit iya o, yinuk, iniki wogoppako logomenggaarak nogo, o yime nen mbo wumbiyaagin me, It ando perak, nabuut alik leenak paga yime wonogo logonet iniki wogoppako logogun lek aret o.
12 At kota enggela’me time it aap iniki tebenak logonet, yanggonak mban eekwi, It iniki Naliku an ALA noba panggombunuk, mu’neren wogwe, Eeko logomenggaarak nogo perak, O kota yime logowak nduk, teppiyaagin o.
13 It aakumi Iterali mendek eegu yumbunik wonogwe nogo nen maluk eekwi, Inoone pilit pugunggwi, Wone mbanggo logonet, inoone pilit ambi pugunogo yorogwe, Eeko logogun lek aret o. Ndomba iri’ngga nenok, iniki ugun nogo yege menggi kwak, it togop aret eerogo piyaagin me, Aakumi ambi nen mbaaninako logogun lek aret,” yegerak me, yokkiragi o.
Inale’nggen logonet, ndawi tiyanggo logorak wone
14-15 At Aliku ALA nen aaninggin kinoba pinagarak nogo lek eerogo pege, Kinom wim mbanak nogo wogwe iinok, munogo nappiige, Eeke logomenggerik, Kit Iterali mendek kinowe endagembogut Aliku ALA kinenggela’me logonet, kinarum wonage me, “Maluk ambi eeppinani wogwe iyo, iya!” yinuk, kinagabiti mbarumunggup lek o. Togop me, o Tiyon aagalogwe kit yi wae. Ndawi wakwi, Iterali mendek kit yi wae. Ndawi lubuk yogwe, Kota Yerutalem aagalogwe kit yi wae. Kinale’nggen nen keekok piyanggogwe, Eeko logonip o.
16 Ne ti eyom ari wage kenok, it aakumi nen at Yerutalem yogo logonet, “Kat Tiyon yi wae. Kagabiti nen komanggen tayok ari ti, mage o.
17 Aap wim wakaa’ngget nen inawuri inagap ndako mengga kwak, Aliku kogoba Ala kenggela’me logonet, kagap ndake, Iniki kunik lombok eekkake, Kabuwa mbake paga kiniki kwippagage, Kale’nggen nen ndawi wake, Eerigin o,” Yinuk, yogo logogun o.
18 Aliku ALA nen ari logonet, “O kota Yerutalem aagalogwe inale’nggen nen laago lako logorak koonak nogo laka’lek kenok iniki aaninggin wonogwe, Eeka’lek kenok, aakumi nen meek eerogo piigwi iinok, inenggali mbakak nugwi, Eekwi nogo An nen lek eerogo pigin o.
19 Ne ti eyom paga it aakumi nen o Tiyon aagalogwe tebenogo piigwi nogo, an nen mi’na’nuk it lek eerogo piige, Iniyok yilugu wonogwe nogo, inagap ndarogo piige, It mappiyareegwaarak aakumi inenggela’me wonogwe nogo, kuwak eerogo piya wage, Eeke logominggirik, Yi o ndi o it o Tiyon aagalogwe inendage maluk eerogo piyareegwam nogome nen inendage tiyappiigwi, inayuk wukwi, Eeko logowak nduk Eerogo piyaagin o.
20 Ne ti eyom paga an nen kuwak eerogo piige, Ne ti eyom paga iname piya wage, Eerigin o. Ndi, inigen iigak, aa’nduk inale’- nggen paga wonogogwaarak kwak eerogo piige neenok, It yi aakumi ndi aakumi o nggween paga wonogwe yi abok aret inendage tiyappiigwi, inayuk wukwi, Eeko logogun o,” yinuk, yegerak me, yokkiragi o, yoragagerak.
Tepaniya 3 psl
Mbuku Tepaniya
BalasHapus