1. At aap Peritiya inowe endagembogut awuri inom o togi ari wage kenok, awi nggwok abe wurik me logonet, eeko nogogwaarak wone inom,
2. At kwe Etet nen kwe Yakuri mendek aret kwe, wone lengganogo wumbege nagagerak paga,
“Kwe yi, iya!” yogo nogogwaarak wone inom,
3. Inawim nen iriwi Yakuri mendek tebenogo piyoorak eekwi iinok, at mondok tebenogo piigak
eeke nagagerak wone inom,
4. Ndi, it Yakuri mendek yugum paga wakkaanuk, laago endage Purim toombunuk, lako
nogogwaarak wone inom, mbuku Etet yi paga liiru mbanak wonage.
Aap endagembogut akwe Wati nen ogonggelo yoreegerak nogo taganeegerak wone
1
1 Aap endagembogut Akatiwerot nogo o Indiya nen nok, Etiyopiya kuli o nggwok 127 nenaarogo pit nagagerak unde logonet, wone lengganogo yorage kagak, wone agagerak nogo yi aret.
2 Aap endagembogut Akatiwerot nogo at abu’me piinok wone lengganogo yorage menggim awi o nggwok abe wurik o Tutan wonage logonet, wone lengganogo yorage nagagerak.
3 Wone lengganogo yorage kagak, tahun mbere eeppunuk, ambi age paga it o Peritiya o Meriya mendek ineegin warak inoweewi inom, it aap inendage warak nagawan-nagawan inom, at abu’me o unde menggaarak inom, inake laago nggwok lake me, ne ti eyom paga kuwak eeri wogogwaarak.
4 Kuwak ari wogo mbareegwa, inabugo lake logonet, at abu’me menggim yi mendek ndi mendek mondok iya ineenggi lingginiyak meek kuwak eerak nogo titik irage, ndi, at endage mondok nggwok kenok aakumi nen, Wi, ugwi iigak, alik negen eeke nagagerak nogo mbininirage, eeke kagak, tut 6 peneneegerak.
5 Ti abu aret eeppunuk, aap Akatiwerot nen it aakumi at awi o nggwok abe wurik o Tutan wonogwe inendage warak inendage lek abok aret inake nen, at awoore’nggam abe ogobakkigirik me nogome laago lake tit kagak, nogo 7 kuli aret yereegerak.
6 Aap endagembogut awoore’- nggam obaanggi-obaangge eerak wonagagerak ti, yum yawenak amuni mbanak yanggwi negen inom, yum kibu-kibu inom, nogo poorogo keele yum yawenak amuni mbanak maa’- ngga kunik nogo paga, yugum muuni paga owak mippugu irip mbuti perak paga, tenggen yarogo nggelenak nogo paga nggelembunuk, tugunogo wurabak wonage, ndi, yugum muuni mendek etenggen mili inom, meeli inom, maa’ngga kunik inom, yugum onggo nggwok alik mendek inom, nogo paga ndik yabenggek-ndabenggek ndoonak me, mbuti emas-perak paga kwi’nagak abu abe ogobakkigirik nogo ndoonak nogo paga kwippugu wonage, eerak wonagagerak.
7 Ndi, anggur amburu nogo ti, togolowak mbuti emas paga ogobakkigirik enete alik-alik nogo paga it aap inendagembogut iniki ndoobu paga tumburirogo mengga kwak anggur amburu eno korok togon mban toologo pit nogwe,
8 ndi, anggur amburu noorak nogo ti, aap endagembogut nogo nen at ayeloman mini amburu toorirogwe unde nogo yorage logonet, “Iniki uugwe mbakwi ndak-ndak mban nonggo logowak o,” yinuk, yoragagerak me, ndak-ndak aret wogoragaatak nunggwi, eeko nogogwaarak.
9 Ne ti eekwi eyom paga mban aap endagembogut akwe Wati nogo nen it kumi at ogonggelo endagembogut Akatiwerot awi o nggwok abe wurikme wonogwe nogo inake togop aret laago lareegerak.
10-11 Lakugak nogo 6 yippunuk, ko’lu ari wage mbareegi, aap endagembogut Akatiwerot nogo amburu toolak nengge nagagerik, iniki ale’- nggen mbake logonet, at akwe kwe nggwok Wati nogo abu kigirikwe lombok me, aakumi abok inom, aap nagawan-nagawan inom, etenggen kigirikwe inigen kaawak nen aap endagembogut inakuwi nggare-nggare yiriko menggaarak at kwe Wati yirik kagak wonok woraawak nduk, aap at ake eeko menggaarak inooli wogo ineebe 7 Mekuman, Mbitata, Karobona, Mbigata, Abagata, Tetat, Karakat nogo yoragagerak.
12 Yorage mbareegi, it nogo nen aap endagembogut yereegerak nogo kwe Wati yori nogogwaarak kwe, woroorak eebi mbake mbareegi, at endagembogut iniki aagi mi’nage nagagerik, anini ambik agagerak.
13-14 Anini ambik age nagagerik, it aap inendagembogut nen eeko logorak wone yugu inom, wone lengganak inom, aap ineenu kenok yorogo menggaarak me, at Akatiwerot nen it aap o Peritiya, o Meriya mendek at abu’me menggaarak inendage warak iniki kunik inom wone mbangga Karetena, Tetat, Aramata, Taritit, Meret, Maretena, Memukan ineebe 7 nogo eeko logorak wone ineenu me, yorage logonet,
15 “Kwe nggwok Wati ti, woraawak nduk, it aap nake eeko menggaarak nen yori nawak nduk, yonggo nappiigirak kwe, woroorak eebi mbakerak me, wone eeko logorak yugu nogo paga eeppuurak an yo’ninip o,” yinuk, yoragagerak.
16 Yorage mbareegi, at aap Memukan nen aap endagembogut inom, it aap inendage warak nagawannagawan inom, abok inenggaanom paga at endagembogut yoge logonet, “Kwe nggwok Wati ti, kat ninowe kendagembogut mban maluk eerogo pagage ti lek o. Ata, nit nagawan-nagawan inom, ndi, kat nowe kendagembogut wone lengganogo yorage menggenom yi aakumi ndi aakumi inanebunu lombok wonogwe nogo inom, abok aret maluk eerogo pinanege agaarik o.
17 Kwe nggwok eraambe maluk nen yegerak ti, it kumi abok aret inaruk konenggo logomenggaarik, inogonggelomini meek inomba’nuk yorogo logonet, Aap endagembogut Akatiwerot nen akwe kwe nggwok Wati wonok woroorak yoragagerak kwe, woroorak eebi mbareegerak nogo tit ari a, yinuk, yugun nogo lek a?
18 Nit aap o Peritiya o Meriya mendek nagawan-nagawan ninakuwi kat kendagembogut kakwe kwe nggwok yegerak inaruk konenemenggaarak nogo nen, nit kawuri nagawan- nagawan ndak-ndak yo’nirogo logogun me, inogonggelomini nit nogo meek eerogo pinanugwi, inoone andiigwi yo’nirogwe, eeko logogun o.
19 Togop eerit nogo logokwak me, kat ninogoba kendagembogut nen, O yogondak kuli kwe Wati ti, an nendagembogut Akatiwerot nowagam woroorak mondok lek o, yinuk, wone lengganogo pege, it aap Peritiya inoweewi inendagembogut inom, it aap Meriya inoweewi inendagembogut inom, nen, eeko logorak wone lengganogo yorogo menggaarak liiru mbanak lek eerogo puurak meek nogo, inom mbanogo pege, ndi, kakwe kwe nggwok endage tiyanak menggim obaane’me kwe alik eraambe abe mendek kero mippege, eeriyak op aret mbake keenok, eeru o.
20 Ti eeke keenok, yi o ndi o unde menggendak nggwok lombok nogome wone lengganogo wumbemenggendak nogo, it kumi abok aret konenggo logomenggaarik, inendage lek inendage warak abok aret inogonggelomini inayuk wuko logogun o,” yinuk, yoreegerak.
21 At aap Memukan nen wone yereegerak nogo aap endagembogut inom, at awuri nagawan-nagawan inom, nen “Op aret yegerak,” mbako mbareegwa, at endagembogut nenwone yereegerak nogo ndak-ndak aret eeke logonet,
22 “Aap ambi akwe apuri wonage kenok, inarum logorak at aret me, oone konenggo logowak o,” yinuk, at abu’me piige menggim yi o ndi o inoone alitik-alitak wonogwe me, it inoone paga lombok liiru mbanogo nappit nagagerak.
2 Etet kwe nggwok mippereegerak wone
1 Ti’nuk peebi, aap Akatiwerot anini mbake nagagerak nogo tayok ari mbareegi, at kwe Wati eereegerak paga wone lengganogo wumbereegerak nogo iniki nggilu ari nagagerak.
2 Iniki nggilu ari mban mbareegi, at ake eeko menggaarak nen at endagembogut Akatiwerot nogo yogo logonet, “Kat ninogoba kendagembogut kake kumi tawe abu kigirikwe aap kigin waka’lek kenok, kwaakkiri nawok nduk yo’niret o.
3 Kat kabu’- me piige menggenom yi o ndi o abok aret it kinom eeko menggaarak nen kumi tawe abu kigirikwe kero, wogoret kumi tawe wonogo menggam kawi o nggwok abe wurik me o Tutan yime piya woraawak nduk, mippiinet namunggun o. Mippiyamenggendak nogo nen kumi tawe kwaarogo wogoren piya wogwe iinok, aap ooli wogo kawot Kegayi kumi inarum menggerak nogo nen ndegeninake logonet, ineebe kigirikwe aruwak nduk, amburu obari abe mendek eeppiige logowak o.
4 Eeppiyamenggerak paga kolaga ambi kat kendagembogut kinikilom mbake keenok, Wati obaane’me kakwe kwe nggwok aret aruwak o,” yinuk, yogo mbareegwa, aap endagembogut nogo nen, “Wone ti, op aret kagi,” mbake nagagerik, ndak-ndak aret eereegerak.
5 Ndi, aap Yakuri anebunu Mbeniyamin mendek Kiti nen Timeyi ndake, Timeyi nen Yayit ndake, eereegwaarak me, at Yayit aput Morekayi nogo ne ti eyom paga aap endagembogut awi o nggwok abe wurik o Tutan time wonagagerak.
6 At Morekayi nogo it aap o Mbaben mendek inowe endagembogut Nebukanetat nen o Yerutalem tebenogo piinok, aakumi Yekura mendek inowe endagembogut Yoyakin aakumi apit inom keele maageren o Mbaben piya nage logonet, Morekayi inom, pi nagagerak.
7 At Morekayi ogobaluk apuluk kolaga endage Karata nogo agalo-ogoba kambeegwaarak me, at Morekayi nen tawe eereegerak. Kolaga Karata endage ambi, Etet, yogo nogogwaarak nogo enete-eebe abu amuni mbanak kigirikwe me, agalo-ogoba kanggo mbareegwa, at Morekayi nen apuluk negen eeppunuk, tawe eereegerak.
8 Ndi, aap endagembogut Akatiwerot nen wone lengganogo wumbereegerak nogo yi o ndi o yorenet nogo mbareegwa, kumi tawe apit aret wogoren aap endagembogut awi o nggwok abe wurik o Tutan piya wogo nogogwaarik, aap Kegayi nen ndegeninake logowak nduk, wogogwi, ndi, kwe tawe Etet kunduk, wonok aap endagembogut awi o nggwok abe wurik me, aap kumi tawe inarum menggerak Kegayi nogo nen unde logowak nduk, wogogwi, eereegwaarak.
9 Eeko mbareegwa, at Kegayi nen kwe tawe Etet nogo, abu kigirikwe togon kage nagagerik, iniki kunik eeke logonet, mbet-mbet aret enete eebe obeelom aruwak nduk, amburu obari abe mendek eeppegak yuurak inom, mbi abe mendek wogogak yuurak inom, koonogo pege, ndi, kumi tawe aap endagembogut awi o nggwok abe wurik me eeko menggaarak inenggela’me nen kumi tawe ineebe 7 leenogo piinok, at Etet ndegenggo logowok nduk, kumi tawe wonogo menggam ko ambi abu obeelom me time inom piya nage, eereegerak.
10 At Morekayi nen Etet aruk pi’- ngget wake logonet, “An kwe ndi mendek o. Ndi, nogobamini aap ndogop mendek nen nda’nabeegwaa-rak o, yinuk, yoroorak mage o,” yoreegerak me, “An kwe ndogop mendek,” yoraga’lek aret wonagagerak.
11 Yoraga’lek aret time wonage kagak, at Morekayi nen, “Etet eebe nonggop wonage kaamun? Ndi, nonggop eeppugwi iyaamun?” yinuk, ko’lukii’me kumi tawe wonogo menggam yagat endekem nen enegen mangga nagak mban eeke nagagerak.
12 It kumi tawe nogo aap endagembogut Akatiwerot wonage me ungguwok nduk, inete-ineebe obeelom aruwak nen tut 1 nen nok 12 penenak paga eeppiigo logorak wone yugu nogo ndak-ndak eeppiigo logonet, eyo mbit amburu netik-netak eeppiigwi iigak, tut 6 penengge, ti’nuk, obari abe eeka amburu inoba mbenanogo piigwi iigak, tut 6 penengge, eeppunuk, aap endagembogut wonage me, ambi ka unggwagak eeko nogogwaarak.
13 Ka unggwagak eekwi ti eyom paga it kumi tawe nogo nen, “Ndi mendek yirippunuk, ka ungguurak me, wo’ninip o,” yorogwe nogo it kumi tawe wonogo menggam nogome nen wogorogwe iinok,
14 o kiyoma aap endagembogut wonage me unggwi nogo nagaatik, o weege kenok, iniyokan wundi woraanuk, o alik aap endagembogut akuwi luulu wogo wonogo menggam aap endagembogut awot ooli wogo Taatagat arum wonage me, nogo nagaatik, wonogwe me, aap endagembogut nen, “At ti, woraayok o,” yinuk, endage kunogo ari kenok mban ka unggwogo nogogwaarak. Ndi, lek kenok, ka unggwogo logolik.
15 Togop eekwi wonogwe me, at Morekayi ogobaluk Abikayin apuluk at Morekayi apuluk negen eekko’- nok tawe eereegerak Etet nogo, aap endagembogut wonage me noorak eyom panggoni wage mbareegi, at Etet nen, “Ndi mendek eeppanu,” yoga’lek kagak, it kumi tawe wonogo menggam arum menggerak aap Kegayi nen Etet yoreegerak nogo ndak-ndak aret yum yirike mbareegi, it aakumi apit nen inigen kogo nogogwaarik, kwe tawe ti, iniki kundugu eekkologogwaarak.
16 Ndi, at Akatiwerot nogo inowe endagembogut a’nuk wone lengganogo yorage kagak, tahun 6 eeppunuk, ambi eeke tut 10 endage Tebet penenak paga at kolaga Etet nogo wonok aap endagembogut awi o nggwok abe wurik me pi nogogwaarak.
17 Pi nogo mbareegwa, it kumi eegu nogo iigak kwe, at Etet nogo perak, aap endagembogut inikilom nggwok mbake, ndi, kumi tawe aap kigin waka’lek eegu iigak, at Etet mban abuwa mba’nuk, iniki kunik eeke, eeke nagagerik, “Nendagembogut nakwe kwe nggwok aret logowak o,” yinuk, kwe Wati obaane’me mippunuk, nggare-nggare mendaarak negen anobak paga yippereegerak.
18 Yippege nagagerik, aap endagembogut Akatiwerot nogo nen Etet kolagagerak ale’nggen nen it aap inengga warak inoweewi inom, at inom eeko menggaarak inom, inake laago nggwok lake, “An nabu’- me minggim yi o ndi o yonggonggo’- net nogo logonip o,” yinuk, wone eerogo nagabit nage, ndi, it aap inendagembogut inale’nggen nen inamindik- inamendek tumburirogo mengga kwak at amindik-amendek tumburirage, eereegerak.
Morekayi nogo, “Aap endagembogut wariyak,” yogwe aruk koneneegerak wone
19 It kumi tawe aap kigin wogonaka’lek mendek ne ambinom kuwak eerogo piya wogogwaarak eyom paga, at Morekayi nogo aap endagembogut awi o nggwok abe wurik me tu unggwogo menggam at inom arum logowak nduk, mippereegerak.
20 At Morekayi nen Etet tawe eeke logonet, yoge aruk konok eeke nagagerak nogo ndak-ndak, “An kwe ndi mendek o. Ndi, nogobamini aap ndogop mendek nen nda’nabeegwaarak o, yinuk, yoroorak mage o,” yoreegerak nogo ndak-ndak yoraga’lek aret wonagagerak.
21 At Morekayi nogo aap endagembogut awi o nggwok abe wurik tu unggwogo menggam eyabu eeke wonage kagak, it aap endagembogut ake eeko logonet, tu unggwogo menggam arum wonogwe aap Mbigatan, Terek imbirak inanini nen aap endagembogut Akatiwerot nogo wariyak wone mbaneegwaarak.
22 It iniki ambit a’nuk, wone mbanggwi nogo, at Morekayi eenu age nagagerik, wone nogo at kwe nggwok Etet yoge mbareegi, Etet nen aap endagembogut yoge logonet, “Kat kooriyak yogwe nogo at Morekayi nen konenggerak kenok, yokkiri wagi o,” yoreegerak.
23 Yoge mbareegi, wone ti, alom kwaake nagagerik, abet aret mbareegi, it aap ineebe mbere nogo inenggaanok keele yilinogo eyo paga tugumbiyareegwaarak. Ti eereegwaarak nogo abok aret aap endagembogut Akatiwerot enegen kagak it aap inendagembogut eeko menggaarak liiru mbanogo pugwi nogome inom liiru mbanogo pereegwaarak.
3 At Kaman nen it Yakuri mendek lek eerogo piyoorak kooneegerak wone
1 Ti’nuk peebi, aap endagembogut Akatiwerot nogo nen aap ambi anebunu Agak mendek Kamerata aput Kaman nogo it aap inendage warak nagawan-nagawan ando inendage tiyanak negen iigak kwe, at endage abu tiyanak lombok logowak nduk, abu’me logonet, imbirak eeke logowak nen ale’nggen oba pege nagagerik, mippereegerak.
2 Mippege nagagerik, at ake eeko menggaarak awi o nggwok abe wurik me tu unggwogo menggam wonogwe nogo yorage logonet, “Aap Kaman unggwi wage, wundi nage, eeke kenok, kinendobanggun yindumbunuk, ayuk wuko logonip o,” yinuk, yorage mbareegi, it abok togop aret eeko nogogwaarak kwe, at Morekayi alik perak, endobanggun yindumbunuk, ayuk wuke logolik aret.
3 Ayuk wuka’lek mbareegi, it aap endagembogut ake eeko menggaarak at awi o nggwok abe wurik tu unggwogo menggam wonogwe nogo nen at Morekayi nogo yogwi, “Kat nonggop nduk aap endagembogut nen wone yegerak taganogo pege agandik?” yinuk,
4 wone ko’lu-kii’me togop mban yogwi iigak kwe, at Morekayi nen, “An aap Yakuri mendek aret o,” yinuk, ayuk wuka’lek mbareegi, “At Kaman nen Morekayi nonggop eeppege kaamun?” yinuk, Kaman yoreegwaarak.
5 “At aap Morekayi nogo endobanggun yindumbunuk kat kayuk wuka’lek aret agaarik o,” yogo mbareegwa, at Kaman nen, “Ti abet aret kagi,” mbake nagagerik, anini mondok alik negen age,
6 ndi, at Morekayi nogo, aap Yakuri mendek aret eenu age, eeke nagagerik, at alik mban eebe warogo puurak meek mba’nuk, at owe-awot it aakumi Yakuri aap endagembogut Akatiwerot abu’me wonogwe nogo abok aret, “Inenggaawak lek eerogo piyaakit,” mbareegerak.
7 Mbake mbareegi, aap Akatiwerot nogo endagembogut wonage kagak, tahun 11 eeppunuk, ambi eerak tut aa’nduk Nitan penenak paga at Kaman nen maluk eeginaburak kooneegerak nogo tut inom, tanggal inom, kin age yelok kaawak nduk, liiru mbanogo punuk, waganggo mengga kwak, it pur eeko menggaarak nogo eeko logonet, at Kaman enggaanom paga tut 12 endage Arat pene-nak ti paga eeriyak mbanak nogo aret waganeegwaarak.
8 Waganggo mbareegwa, at Kaman nen aap endagembogut Akatiwerot nogo yoge logonet, “Nogoba wae. Yi o ndi o kat kabu’me piige menggenom yi aakumi ndi aakumi ninenggela’me aakumi alik mendek mak eerak wonogwe nogo nen, it yi aakumi ndi aakumi eeko mengga kwak eekwi lek it inandogon alik aret eeko logonet, kat wone lengganogo wumbege nogo liirogon eekwi lek me, teppiyaamunggun kenok, kendage maluk eerogo pagagun o.
9 Togop me, it aakumi ti, lek eerogo piyoorak wone lengganogo wumbuurak op mbake keenok, it aap wone lengganogo wumbemenggendak eerit nogwe onggo an nen wu mbuti perak aaninggin tiga ratus empat puluh lima ribu kat kawu kuwak eerak pege menggenom nogome mambigin o,” yinuk, yoreegerak.
10 Yoge mbareegi, aap endagembogut nogo nen mberaarenggen paga amburu cap eekak eenggi oolo yirik wonage nogo nggoorogo, aap Agak mendek Kamerata aput it Yakuri eebi inombake Kaman nogo wogoreegerak.
11 Wogoge logonet, at Kaman yoge, “It aakumi ti, eeppiyoorak op mbakendak nogo kobaalombok eeppiige logonok nduk, ineebe inom, wu ti inom, wokkigi o,” yinuk, yoreegerak.
12-14 Ti’nuk, tut aa’nduk penenak tanggal 13 ari wage paga at Kaman nen it aap endagembogut ake liiru mbangga nogo wiiragagerak wogo mbareegwa, it yorage logonet, “Tut 12 Arat penenak tanggal 13 paga it aakumi Yakuri mendek aap inanggok inom, tawe inom, kumi inom, wologwe- komologwe inom, abok aret ne ambit ti paga ambugwi aret inoorit nogo logonet, inenggaawak mondok lek eerogo piinok, inamindik-inamendek kugun waganggo logonip o.
Ndi, ne eeriyak yogoorak ti paga yi aakumi ndi aakumi abok aret eeriyak pipuk aago logowak nduk, wone eeriyak lengganak yi aret o, yinuk, at endagembogut abu’me piige menggim yi o ndi o abok aret mippit nogo logonip o, yinuk, liiru mbaninip o.” Yorage mbareegi, yoragagerak nogo ndak-ndak, it aakumi inanebunu lombok yi o ndi o wonogwe nogo it inoone paga lombok liiru mbanggo mengga kwak, liiru mbanogo pogo nogogwaarik, “Aap endagembogut Akatiwerot nen aret yegerak,” mbaruwak nduk, at amberaarenggen nogo paga amburu cap eerogo punuk, aap endagembogut awuri at abu’me menggaarak inom, at awuri yi o ndi o unde menggaarak inom, yi aakumi ndi aakumi inoweewi nagawan-nagawan inom, aap endagembogut abu’me piige menggim yi o ndi o abok aret nappiinet nawak nduk, mbanogo pereegwaarak.
15 Mbanogo pogo mbareegwa, it aap wone lengganak liiru mbanak wonok nawak nduk, yoragagerak nogo nen, “Aap endagembogut nen nappinani waga o,” yinuk, mbet-mbet yi o ndi o tumburiranet nogwe, ndi, aap endagembogut awi o nggwok abe wurik o Tutan nogome yorogwe, eerit nogwe iigak, aap endagembogut Kaman imbirak kwi’na’nuk, anggur amburu nunggwi ugun iigak kwe, it aakumi o kota Tutan wonogwe nogo perak, wone ti konembunuk, iniki ma’nagagerak.
4 Morekayi nogo kwe Etet nen yeenggwaaruwak nduk, yoreegerak wone
1 Wone agan nogwe nogo aap Morekayi aruk konengge nagagerik, iniki maluk a’nuk, ayum nibinogo patinuk, yum nibinik maluk mendek yikkolage, wun anobak paga yumbunogo pake, eeke nagagerik, oone nggwok paga leenggu maarit o kota nogome unggwi nage nagagerik,
2 aap endagembogut ame tu unggwogo menggam ari nanuk, it aap inayum nibinik maluk mendek yirik kenok aap endagembogut wonage me unggwi noorak mage yugu me, ame unggwi noo-lik tungga paga taati puk agagerak.
3 Ndi, aap endagembogut nen wone lengganogo wumbereegerak nogo yi o ndi o yorenet nogwe iinok, it aakumi Yakuri mendek abok aret inaruk konenggo nogogwaarik, iniki aaninggin nduguk yinuk, mbi nengga’lek inambe mage negen logonet, le yogwe, leenggu maakwi, it ando apit nen inayum nibinik mendek yippatinuk, wun paga nden-wan yogwe, eereegwaarak.
4 Ndi, it Etet ndegengga kumi tawe nogo inom, aap inooli wogo inom, nogo nen aap Morekayi aago nogo, kwe Etet yori nogo mbareegwa, iniki maluk age nagagerik, at Morekayi ayum maluk mendek nogo mbo punuk, ngget mendek yikkolaawak nduk, yum nappiyareegerak kwe, at Morekayi nogo woolik mbo pereegerak.
5 Mbo pege mbareegi, at Etet nen at ake eeke logowak nduk, endagembogut nen aap ooli wogo Katak mippereegerak nogo, wiireegerak wage mbareegi, yoge logonet, “Aap Morekayi ti, wone nano konembunuk, aago wonage nogo keenu arenok nduk, yori nak o,” yinuk, yoreegerak.
6 Yoreegerak nage nagagerik, aap Morekayi nogo aap endagembogut awi o nggwok abe wurik unggwogo menggam enaame oore’nggam time wonage me, at Katak nogo ka nage mbareegi,
15 Mbanogo pogo mbareegwa, it aap wone lengganak liiru mbanak wonok nawak nduk, yoragagerak nogo nen, “Aap endagembogut nen nappinani waga o,” yinuk, mbet-mbet yi o ndi o tumburiranet nogwe, ndi, aap endagembogut awi o nggwok abe wurik o Tutan nogome yorogwe, eerit nogwe iigak, aap endagembogut Kaman imbirak kwi’na’nuk, anggur amburu nunggwi ugun iigak kwe, it aakumi o kota Tutan wonogwe nogo perak, wone ti konembunuk, iniki ma’nagagerak.
4 Morekayi nogo kwe Etet nen yeenggwaaruwak nduk, yoreegerak wone
1 Wone agan nogwe nogo aap Morekayi aruk konengge nagagerik, iniki maluk a’nuk, ayum nibinogo patinuk, yum nibinik maluk mendek yikkolage, wun anobak paga yumbunogo pake, eeke nagagerik, oone nggwok paga leenggu maarit o kota nogome unggwi nage nagagerik,
2 aap endagembogut ame tu unggwogo menggam ari nanuk, it aap inayum nibinik maluk mendek yirik kenok aap endagembogut wonage me unggwi noorak mage yugu me, ame unggwi noo-lik tungga paga taati puk agagerak.
3 Ndi, aap endagembogut nen wone lengganogo wumbereegerak nogo yi o ndi o yorenet nogwe iinok, it aakumi Yakuri mendek abok aret inaruk konenggo nogogwaarik, iniki aaninggin nduguk yinuk, mbi nengga’lek inambe mage negen logonet, le yogwe, leenggu maakwi, it ando apit nen inayum nibinik mendek yippatinuk, wun paga nden-wan yogwe, eereegwaarak.
4 Ndi, it Etet ndegengga kumi tawe nogo inom, aap inooli wogo inom, nogo nen aap Morekayi aago nogo, kwe Etet yori nogo mbareegwa, iniki maluk age nagagerik, at Morekayi ayum maluk mendek nogo mbo punuk, ngget mendek yikkolaawak nduk, yum nappiyareegerak kwe, at Morekayi nogo woolik mbo pereegerak.
5 Mbo pege mbareegi, at Etet nen at ake eeke logowak nduk, endagembogut nen aap ooli wogo Katak mippereegerak nogo, wiireegerak wage mbareegi, yoge logonet, “Aap Morekayi ti, wone nano konembunuk, aago wonage nogo keenu arenok nduk, yori nak o,” yinuk, yoreegerak.
6 Yoreegerak nage nagagerik, aap Morekayi nogo aap endagembogut awi o nggwok abe wurik unggwogo menggam enaame oore’nggam time wonage me, at Katak nogo ka nage mbareegi,
7 Morekayi nen wone alom mbininogo yoge logonet, “Aap Kaman nen nit aakumi Yakuri mendek abok aret ninenggaawak lek eerogo pinaniyak koongge, ndi, it aap lek eerogo pinanugwi iinok, onggo wogoroorak wu mbuti perak aaninggin tiga ratus empat puluh lima ribu aap endagembogut awu kuwak eerak pogo menggam mambigin o, yinuk, koonogo pege, eekerak o,” yinuk, mbininogo yoge nagagerik,
8 it aap Yakuri mendek lek eerogo piyoorak wone lengganogo liiru mbanogo o Tutan wumbereegerak nogo ambi at Morekayi nen aap Katak wogoge logonet, “Kat nen liiru mbanak yi, Etet titik ege logonet, wone inom liirogon mbininogo yoge keenok, aap endagembogut nen at Etet mendek nit ninabuwa mba’nuk, ninili yuwak nduk, at Etet nen yori ungguurak koone nabek togon yorumunggun o,” yinuk, yoreegerak.
9 Yoge mbareegi, at Katak nen Morekayi wone yereegerak nogo wonok kwe Etet nogo mbininogo yori wagagerak.
10 Yori wage mbareegi, at Etet nen aap Morekayi yori nawak nduk, Katak yoge logonet,
11 “It aap a, kumi a, wiiraga’lek kagak aap endagembogut awi wurik ko kole wone mbanggo menggam aken time at owagam unggwi nogwe iinok ti, Kambuurak aret o, yinuk, wone ambit ti aret koonak wonage me, it aap endagembogut inom eeko menggaarak inom, it aakumi at abu’me piige menggim yi o ndi o wonogwe inom, abok ineenu aret o. Togop kwe, aap endagembogut nogo nen owaanggun mbuti emas paga ogobakkigirik nogo titik irage kenok perak, kambugun lek ineenik logogun o. Togop aret me, at endagembogut owagam noorak wiinega’lek kagak nogo 30 yigirak me, nonggoti o?” yinuk, yoreegerak.
12 Yoge mbareegi, kwe Etet yereegerak nogo at Katak nen wonok Morekayi yori nage mbareegi,
13 at Morekayi nen wone eerogo Etet wonage me nappi wage logonet, “It aakumi Yakuri mendek eeppiigwi iigak, an perak, aap endagembogut nimbirak wonage me neebe op aret logogin, mbarugun o.
14 Kat yori naga’lek puk mban wonage keenok, nit aakumi Yakuri mendek ninagap ndariyak nduk aap alik nen yeenggwa nira wogwe iigak, kat inom, kiriwi inom, kinenggaawak lek arumunggup o. Togop me, wone agaarak yi, kat nen aret kooniyak nduk, aap endagembogut akwe, kwe nggwok agandak kero!”
15 Nappi wagagerak Etet yoge mbareegi, onggo agago aap Morekayi wonage me nappege logonet,
16 “It aakumi Yakuri mendek o Tutan wonogwe nogo abok aret kuwak eeppiya nage logomenggendik, ko’lu-kii’me niyo inom, mbi inom, nengga’lek kinambe mage negen logonet, an nake tamban eekwi kiigak, nogo kenagan yumunggup o. Ti eekwi kiigak, an togon, it an ndegennako menggaarak kumi tawe togon, togop ndak-ndak aret eeko logogun o. Eeko logomonggoorik, wone yugu nogo an taganogo punuk, aap endagembogut owagam unggwi naminggirak me, Kambuwak o, yo’nugwi iinok ti, an kambuurak op aret o,” yinuk, wone eerogo nappereegerak.
17 Ndi, kwe Etet wone eerogo nappereegerak nogo at Morekayi yoge mbareegi, at Morekayi nen ndak- ndak aret eeri nagagerak.
5 Kwe Etet nen aap endagembogut Kaman
imbirak laago larak noorak wiiragagerak wone
1 Nogo mbere yippunuk, ko’lu at aap endagembogut nogo at wone lengganogo yorage menggim kwi’na’- nuk, tu unggwogo menggam ena looge wonage me, Etet nogo kumi yo’nggok inayum yiko menggaarak mendek yippunuk, aap endagembogut awi wurik akem ko kole wone mbanggo menggam at wonage engga loolo ari nage mbareegi,
2 aap endagembogut nogo nen at akwe kwe nggwok Etet ko kole ogoorak nogome mi’ndak wonage enegen kage nagagerik, abuwa nen owaanggun mbuti emas paga ogobakkigirik eenggime wonage nogo Etet titik ege mbareegi, at Etet nen owagam wage nagagerik, waanggun abo nogo eenggi mbaanggagagerak.
3 Mbaanggage mbareegi, aap endagembogut nen, kwe Etet nogo yoge, “Etet yi wae. Kat kwe nggwok aret me, nano uugwe mba’nuk wagan o? Kat uugwe mba’nuk wagandak nogo yo’nege keenok, an teppatigin lek abok wokkege logonet, o an unde minggim yi togon mogonogo wokkirigin aret me, yo’niru o.”
4 Yoge mbareegi, kwe Etet nogo nen wone onggo yoge logonet, “Nogoba o. An nen kat kake laago lake me, yogondak aap Kaman kimbirak na noorak op mbake keenok, na namunggup o,” yo’nuk, nagagerak.
5 Nage mbareegi, aap endagembogut nen, “Kwe Etet nen ninayonggo pegerak me, aap Kaman woraawak nduk, mbet yori nanip o.” Yoragagerak yori nogogwaarak wage mbareegi, aap endagembogut imbirak at Etet laago pipuk eereegim nogome nogogwaarak.
6 Nogo nogogwaarik, anggur amburu nonggo logonet, aap endagembogut nen kwe Etet nogo ne ambinom yoge logonet, “Kat nggino yo’nege keenok wokkege, ndi, yo’niriyak mbake nogo yo’- nege keenok, an teppatigin lek abok wokkege, eeke logonet, o an unde minggim yi togon mogonogo wokkirigin aret me, yogondak yu o,” yinuk, yoreegerak.
7 Yoge mbareegi, at Etet nen wone onggo at yoge logonet, “An uugwe mbake inom, nggino yokkiriyak mbake inom, yi aret me, yokkiri o.
8 Kat nogoba kendagembogut nabuwa mbake, ndi, an uugwe mbake inom, nggino yokkiriyak mbake inom, ndak-ndak eeppikit nombake, eeke keenok, ko’lu kinake laago ambinom larigin me, kat Kaman kimbirak na woraamunggup o. Na wogwe kiinok, Wone yu o, yo’negendak nogo ti, yokkirigin o,” yinuk, yoreegerak.
At Kaman nen Morekayi wariyak iniki kooneegerak wone
9 At Kaman nogo kwe Etet laago lareegerak neenok iniki ale’nggen alik negen eereegerak wundi wage logonet, at Morekayi nogo aap endagembogut awi o nggwok abe wurik arungga paga kwi’ndak wonage kage nagagerik, “Mi’na’nuk, nayuk wurigin,” mbareegerak mendek agabiti mbake, ayuk wuke, eeka’lek aret mbareegi, at Morekayi eebe paga anini alik negen agagerak.
10 Anini alik negen agagerak kagak iniki yanggo yinuk, ame nage nagagerik, at oreewi inom, akwe Tereti inom, woraawak nduk wiiragagerak wogo mbareegwa,
11 iniki wogoppake logonet, eenggi warak lombok age, apuri aa’mbin-aa’mban ndaganake, aap endagembogut nen ale’- nggen oba pege, it aap nagawan-nagawan inom, it aap yi o ndi o unde menggaarak inom, iigak, aap endagembogut imbirak eeke logowak nduk tiyappege, eereegerak nogo paga tiyappake logonet yorage,
12 “Nogo ti mban lek o. Ata, aap endagembogut akwe kwe nggwok Etet nen laago lakerak nawok nduk, aap endagembogut nimbirak mban ninayonggo pinanggerak o. Ndi, ko’lu kunduk, ambinom nawok nduk, aap inalik ambi wiiroolik. Ata, aap endagembogut nimbirak mban wiiniragaarak.
13 Yi mendek ndi mendek eeppanugwi yi paga nale’nggen kaakit lak, at aap Yakuri mendek Morekayi nogo aap endagembogut awi wurik tungga paga mban wonage nenegen kage me, nale’nggen lek aret ee’nake o.”
14 Yorage mbareegi, at akwe Tereti inom, oreewi abok aret inom, nen konenggo nogogwaarik, at yogwi, “Ti kenok, it aap inenggaanok keele yilinogo tugumbiigo logorak eyo nggorek metet 23 kero yinu o. Yingge logomenggendik, eyo ti paga aap Morekayi enggaanok keele yilinogo tugunogo wuppi woraawak nduk, ko’lu kuuben aap endagembogut yori namenggendak eeke kenok, kiniki ale’nggen paga aap endagembogut kimbirak mbi na namunggup o,” yoreegwaarak. Yoreegwaarak nogo at Kaman nen, “Op aret kagi,” mbake nagagerik, eyo yinuwak nduk, awuri yoragagerak.
6 Aap endagembogut nen Morekayi tiyappereegerak wone
1 At aap endagembogut nogo oonikiya ti eyom paga nogo yuurak abu meek eeke mbareegi, at abu’me piinok wonage logonet, eerit nage nagagerak mbuku paga liiru mbanak wonage nogo at enggaanom paga lunuwak nduk, “Wonok woraanip o.” Yorage mbareegi,
2 liiru mbanak nogo wonok wa’nuk, lunggo logonet, it aap endagembogut arungga paga tum wako menggaarak Mbigatan Teret imbirak nen aap endagembogut Akatiwerot wariyak wone mbaneegwaarak nogo, at Morekayi nen kurumbi yori wagagerak liiru mbanak wonage nogo kogogwaarak.
3 Kogo nogogwaarik, aap endagembogut nen ayeloman nogo yorage logonet, “At aap Morekayi wone ti yereegerak paga ayuk wukwi, endage tiyappugwi, eereegwaarak ilik, lek a?” Yorage mbareegi, at inom ake eeka nogo nen at yogo logonet, “Ambi eeppuulik aret o, ninogoba,” yoreegwaarak.
4 Ti eyom paga at Kaman nen aap Morekayi enggaanok keele yilinogo eyo paga tugumbuurak aap endagembogut yorikit nduk, wagagerak at awoore’nggam wonage aap endagembogut nogo nen kage nagagerik, “Aap nawoore’nggam unggwi wagaarak wonage ti ta o?”
5 Yorage mbareegi, at ake eeka nogo nen at yogo logonet, “Aap kawoore’- nggam wagaarak wonage ti, Kaman aret.” Yogo mbareegwa, aap endagembogut nogo nen, “Unggwi woraawak nduk yo’nip o,” yoragagerak.
6 At Kaman nogo aap endagembogut wonage me unggwi wage mbareegi, aap endagembogut nen at yoge logonet, “Aap endagembogut nen aap ambi inikilom mba’nuk tiyappuurak mbake kenok, at nonggop eeppuurak mbaken?” Yoge mbareegi, at Kaman nen iniki mbake logonet, “Aap endagembogut tiyappuurak mbake nogo ti, alik ambi wonage lek an aret kagi,” mbake nagagerik, aap endagembo-gut nogo yoge,
7 “Kat nogoba kendagembogut nen aap ambi kinikilom mba’nuk, tiyappuurak mbake nogo ti, 8 aap inendagembogut inayum yiriko menggaarak kat yike menggendak nogo wagangge, ndi, kat kwi’na’nuk nege menggendak nggare-nggare mendaarak anobak paga yirik kuda nogo wonok wage, eeke logomenggendik,
9 yum nogo inom, kuda nogo inom, it kawuri inendage warak nagawan-nagawan inowe ambi wogoge keenok, at nogo nen aap kat tiyappuurak kinikilom mbake nogo, yum nogo yirippege, kuda nogo amborowak paga kwippege, eeppunuk, o kota oolo tinime wonok nege logonet, Aap endagembogut nen aap ambi tiyappuurak inikilom mbake kenok, yogop aret eeppege menggerak o, yinuk, aa’nduk a’nuk, oone nggwok paga agan nawak o,” yinuk, yoreegerak.
10 Yoge mbareegi, aap endagembogut nen Kaman yoge logonet, “An nayum yike minggirak inom, naguda inom, mbet-mbet wagangge logomenggendik, aap Yakuri mendek nawoore’nggam tu unggwogo menggam wonage Morekayi nogo, kat yagandak ndak-ndak aret eeppi nak o. Ndi, eeppi nage logonet, wone kat yagandak nogo ambiriluk ambi teppuurak lek tigitogon aret eeru o,” yinuk, yoreegerak.
11 Yoge mbareegi, at Kaman nen yum nogo wagangge, kuda nogo wagangge, eeke nagagerik, wonok yum nogo aap Morekayi yippege nagagerik, aap endagembogut aguda paga kwippunuk, wonok o kota oolo tinime nogome nage logonet, “Aap endagembogut nen aap tiyappuurak inikilom mbake kenok, yogobi eeppege menggerak o,” yinuk, oone nggwok paga agan nagagerak.
12 Nage nagagerik, at Morekayi nogo iyokan aap endagembogut oore’nggam tu unggwogo menggam ari wage kagak, at Kaman nogo enete nobakko’nok enggali mbakak mbet-mbet aret ame nagagerak.
13 Nage nagagerik, at eeriyak oba agagerak nogo akwe Tereti inom, oreewi inom, mbininogo yoragagerak. Yorage mbareegi, at inom wone koongga nogo inom, akwe Tereti inom, nen Kaman yogo logonet, “At Morekayi tiyappege kagak, kat tebek ari nogo ti, at aap Yakuri mendek aret me, tebenogo puurak nduk eeke keegak, kat panggombagayak ambi lek me, tebenogo patumunggun aret o,” yinuk, yoreegwaarak.
14 Ndi, wone nogo awo yogwi me, it aap endagembogut ake eeka inooli wogo nogo, wogo nogogwaarik, aap Kaman nogo kwe Etet laago lareegim mbet-mbet aret wonok nogogwaarak.
7 Aap Kaman enggaanok keele yilinogo tugumbereegerak wone
1-2 Wonok nogo mbareegwa, aap endagembogut Kaman imbirak kwe nggwok Etet ne ambinom laago lareegerak nogo nenok, anggur amburu nonggo logonet, aap endagembogut nen kwe Etet nogo yoge, “Etet yi wae. Kat kwe nggwok aret me, kat nen nggino yo’nege keenok wokkege, ndi, yo’niriyak mbake nogo yo’nege keenok an teppatigin lek abok wokkege, eeke logonet, o an unde menggim yi togon mogonogo wokkirigin aret me, yu o.”
3-4 Yoge mbareegi, at kwe nggwok Etet nogo nen wone yoge logonet, “Nogoba o. Kat kendagembogut aret me, an inom, aakumi an mendek ninom ninooko logonet, ninenggaa-wak mondok lek eerogo pinaniyak ninoba wonage me, kat nen an kiniki kunik ee’nake, ndi, kat nogoba op aret nombake, eeke keenok, an nili yenok nduk nggino yokkege, ndi, aakumi an mendek kunduk, inagap ndarenok nduk yokkege, eeriyak uugwe mbakirak me, yokkigi o. An inom, aakumi an mendek inom, aakumi inayeloman logowak nduk, kunninabenetak nen, kat yi wone ndi wone koonit nage me, abunuk aaninggin eerogo pagukwak, yokkiriyak lek kwe, nineebe lek eerogo pinaniyak tit kenok, yokkigi o.”
5 Yoge mbareegi, aap endagembogut Akatiwerot nen kwe nggwok Etet nogo yoge, “Aap agabiti mbaka’lek iniki teeluk togop eeriyak koonggerak ti ta o? At eebe ngge o?”
6 Yoge mbareegi, at Etet nogo nen, “Eebi lombok ninomba’nuk, maluk eeppinaniyak eeke nogo ti, aap maluk abe iyagalo Kaman yi aret o!” Yoge mbareegi, at Kaman nogo ogut nggigik ari nagagerik, aap endagembogut Akatiwerot kwe nggwok Etet imbirak enegen laganogo pegiige mbareegi,
7-8 aap endagembogut anini nen anggur amburu nengge nogo mbo punuk, mi’nage nagagerik, endekem oore’nggam abe ogobakkigirik me wungge mbareegi, at Kaman nogo nen, “Aap endagembogut yi, an nooriyak nduk aret kooni wungge kagi,” mbake nagagerik, kwe nggwok Etet nogo kwi’nage menggim yonggonggolage wonage me, aap Kaman nogo at eebe ili yuwak nduk, Etet owagam ngginnari nanuk wonage aap endagembogut endekem oore’nggam nen unggwi wage logonet, enegen kage nagagerik, oone nggwok paga, “Nakwe lombok name nimbirak wonage neegak, maluk eeppuurak eeke yi kogop a?” Awo ari kagak, it aap endagembogut ake eeka nogo wogo nogogwaarik, aap Kaman etenggen yum nobappunuk,
9 at endagembogut ake eeka inooli wogo ambi endage Karobona nen at endagembogut yoge logonet, “Aap kat kagap ndareegerak Morekayi nogo enggaanok keele yilinogo puurak nduk at Kaman nen eyo nggorek metet 23 awoore’nggam yinogo pegerak wonage o.” Yoge mbareegi, at endagembogut nen, “Eyo ti paga aret Kaman enggaanok keele yilinogo pi nanip o.”
10 Yoge mbareegi, at Kaman nen eyo aap Morekayi tugunogo puurak nduk yineegerak nogo paga Kaman aret enggaanok keele yilinogo tugumbi nogo mbareegwa, aap endagembogut anini mbake nogo teyok yereegerak.
8 It Yakuri mendek inooriyak wone
lengganak nogo lek eerogo pereegerak wone
1 Ne ti paga aret aap Yakuri mendek inooriyak kooneegerak Kaman amindik-amendek abok aret at endagembogut Akatiwerot nen waganogo kwe nggwok Etet wogoreegerak. Ndi, at Etet nen, “Aap Morekayi ti, nogobaluk aret o,” yinuk, yoreegerak me, woraawak nduk, ayonggo pereegerak owagam wage mbareegi,
2 aap endagembogut amberaarenggen paga amburu cap eekak eenggi oolo yirik aap Kaman yippereegerak nogo, wake logonet, waganeegerak me, nggoorogo aap Morekayi yippege mbareegi, at kwe Etet nen Kaman amindik-amendek nogo Morekayi unde logowak nduk, mippereegerak.
3 Ti’nuk, at aap Agak mendek Kaman nen it Yakuri mendek eeppiyoorak maluk lombok koonogo pereegerak nogo, aap endagembogut nen lek eerogo puwak nduk, kwe Etet nogo ne ambi paga aap endagembogut abu’me tebe yi unggunuk, le ari wonage me,
4 aap endagembogut nen waanggun mbuti emas paga ogobakkigirik nogo titik ege mbareegi, kwe Etet nogo mi’na’nuk, owagam panggo yi nanuk, yoge logonet,
5-6 “An kayeloman nenegen neegak aakumi an mendek aaninggin inoba age, niriwi inookwi, eeriyak neebi me, kat eeriyak op mbake, nabuwa nomba’nuk wone yi kooniyak op aret kage, ndi, kiniki kunik ee’nake, eeke keenok, aap Agak mendek Kamerata aput Kaman nen aakumi Yakuri mendek yi o ndi o kendagembogut kabu’me piinok wonage nogo pup eerogo inooriyak nduk liiru mbanogo nappit nagagerak me, lek aruwak nduk, nogoba kat nen wone alik ambi koonogo liiru mbanogo wumbu o.”
7 Yoge mbareegi, aap endagembogut Akatiwerot nen kwe nggwok Etet aap Yakuri mendek Morekayi imbirak yorage logonet, “Aap Kaman nogo it aakumi Yakuri mendek apit aret inooriyak nduk wone lengganeegerak paga Kaman enggaanok keele yilinogo pogo mbaka, amindik-amendek abok aret waganogo kat Etet wokkigirak o.
8 Togop me, yi wone ndi wone an nendage paga liiru mbambunuk, namberaarenggen paga cap aago wonage kenok, lek eerogo puurak meek aret me, liiru ambi it Yakuri mendek eeppiyoorak kiniki koombunuk, op mbaniyak mbakwi nogo an nendage paga mbambunuk, namberaarenggen paga cap eerogo nappinip o,” yinuk, yoragagerak.
9-13 Yorage mbareegi, o ne ti eyom paga tut Tiwan penenak tanggal 23 paga at Morekayi nen aap endagembogut ake liiru mbangga wiiragagerak wogo mbareegwa, liiru mbanuwak nduk, yorage logonet, “Tut 12 Arat penenak tanggal 13 paga it aakumi Yakuri mendek aap endagembogut Akatiwerot abu’me piige menggim yi o ndi o wonogwe abok aret, inawi yi kota ndi kota lombok kuwak eeppiinok wonogwe me, it aakumi inoone alik mendek ineegin warak nen a, aap endagembogut abu’me piige menggim o nenaarogo pereegim ambime ineegin warak nen a, it aap inom, kumi inom, wologwe-komologwe inom, inoori wogwe iinok, it Yakuri mendek nen pilak yinuk, inagap ndakkologo logonet, inoorogo piigwi, inenggaawak mondok lek eerogo piigwi, eeppiinok, inamindik-inamendek abok aret kugun waganggo logorak op aret o. Ndi, ne eeriyak yogoorak yi paga it Yakuri mendek nogo, inawim nen inookwi iinok, onggo inooriyak pipuk aago logowak nduk, Wone eeriyak lengganak yi aret o, yinuk, at endagembogut abu’me piige menggim yi o ndi o mippit nogwe, it aakumi inanebunu lombok ineenu eeppiigwi, eeko logonip o, yinuk, liiru mbaninip o.”
Yorage mbareegi, aap Morekayi nen yoragagerak nogo ndak-ndak, aap endagembogut endage paga it aakumi inanebunu lombok yi o ndi o wonogwe nogo it inoone paga lombok liiru mbanggo mengga kwak liiru mbanogo pugwi, it aakumi Yakuri mendek kunduk, it inoone paga lombok liiru mbanggo mengga kwak liiru mbanogo pugwi, eeko mbareegwa, aap Morekayi nen aap endagembogut amberaarenggen paga amburu cap eerogo punuk, it Yakuri mendek inom, aap endagembogut abu’me menggaarak inom, at awuri yi o ndi o unde menggaarak inom, yi aakumi ndi aakumi inoweewi nagawan- nagawan inom, at endagembogut abu’me piige menggim o Indiya nen nok, o Metit kuli, o seratus dua puluh tujuh nenaarogo pereegim wonogwe nogo abok aret it aap endagembogut ake lombok aguda ogowa ambik awi wigangge nagagerak nogo mendek paga kwi’na’nuk, mbe agan iranet nogo logowak nduk, wogoragagerak.
14 Wogorage mbareegi, it aap wone lengganak liiru mbanak wonok nogwe nogo aap endagembogut aguda paga kwi’na’nuk, “Aap endagembogut nen nappinani waga o,” yinuk, mbe agan yi o ndi o tumburiranet nogwe, aap endagembogut awi onggwok abe wurik o Tutan nogome yorogwe, eereegwaarak.
15 Eerit nogwe iigak, at aap Morekayi nogo aap inendagembogut inayum yiko menggaarak mendek enete kibu-kibu inom, yanggwi pogom inom, mbuti emas paga nggarenggare kole mendaarak inom, kain yawenak maa’ngga kunik yum nggorek inom, yirik logonet aap endagembogut owagam nen wundi wagagerak. Wundi wage mbareegi, wone lengganak liiru mbanogo nappit nagagerak paga it aakumi o Tutan wonogwe abok aret inale’nggen nggwok mbareegwaarak.
16 It aakumi Yakuri mendek nen iniki teyok ari, inale’- nggen nggwok mbakwi, inale’nggen nen keekok yogwe, “Ninendage op agaarak me, iya,” yogwe, eereegwaarak.
17 Wone lengganak liiru mbanak nogo yi o ndi o inom, yi kota ndi kota inom, aap endagembogut abu’- me piige menggim abok aret mippit nogwe iinok, it aakumi Yakuri mendek iniki ale’nggen kani negen wunuk ari logonet, laago nggwok lako mbareegwa, it aakumi inanebunu alik mendek time wonogwe nogo apit aret aakumi Yakuri inayuk nen, “Nit kit mendek aruwi o,” yinuk, inom ogogwaarak.
9 It aakumi Yakuri mendek ineegin tiyak yereegerak wone
1 Aap endagembogut nen it Yakuri mendek eeppiyoorak wone lengganogo wumbereegerak nogo eyom panggoni wage mbareegi, it Yakuri ineebi inombakwi nogo nen, “Tut 12 Arat penenak tanggal 13 paga it Yakuri mendek tebenogo piyaawok,” mbareegwaarak kwe, mbeyok ari logonet, it Yakuri mendek nogo nen it ineebi inombakwi nogo tebenogo piyoorak age mbareegi,
2 it aakumi Yakuri maluk eerogo piyoorak mbakwi nogo inooruwok nduk, it Yakuri mendek yi o ndi o aap endagembogut Akatiwerot unde menggim inawi yi kota ndi kota abok aret kuwak eerit nogo mbareegwa, it aakumi inanebunu alik lombok nogo abok aret nen it Yakuri ineebe paga inagabiti mbareegwaarak.
3-4 Ndi, at Morekayi nogo aap endagembogut awi o nggwok abe wurik me endage tiyak ari, at endage yi o ndi o nenaarogo pit nagagim nogome abok aret wiganinuk nage, eereegerak me, logonet-logonet at omaawi mondok arit wundi nage paga it aap yi o ndi o inoweewi nagawan-nagawan inom, aap endagembogut abu’me menggaarak inom, at awuri yi o ndi o unde menggaarak inom, aap endagembogut inom eeko menggaarak inom, abok aret aap Morekayi paga inagabiti nen it Yakuri mendek inom ogogwaarak me, it ambi nen Yakuri mendek inom wim eeriyak meek aret agagerak.
5 It Yakuri mendek nen it aakumi ineebi inombakwi nogo, iniki nen eeppiyoorak mbareegwaarak nogo eeppiinet nogo logonet, wooluwak paga inoorit nogwe, ineebe lek eerogo piigwi, eerit nogogwaarak.
6 Eerit nogo logonet, aap endagembogut awi o nggwok abe wurik me o Tutan nogome ineebe lima ratus inoorogo piigwi,
7-10 aakumi Yakuri inooriyak wone kooneegerak aap Kamerata aput Kaman nogo at apuri Patarata, Ndalopon, Atapata, Porata, Araliya, Arirata, Paramata, Aritayi, Arirayi, Wayitata, ineebe 10 aret inookwi, eereegwaarak kwe, inamindik-inamendek perak, kugun ambi abu woolik aret o.
11 Ne ti eyom paga aap endagembogut awi o nggwok abe wurik o Tutan nogome, “Aap ineebe yogop kuli aret inookaarak o,” yinuk, aap endagembogut mbininogo yori wogo mbareegwa,
7-8 aap endagembogut anini nen anggur amburu nengge nogo mbo punuk, mi’nage nagagerik, endekem oore’nggam abe ogobakkigirik me wungge mbareegi, at Kaman nogo nen, “Aap endagembogut yi, an nooriyak nduk aret kooni wungge kagi,” mbake nagagerik, kwe nggwok Etet nogo kwi’nage menggim yonggonggolage wonage me, aap Kaman nogo at eebe ili yuwak nduk, Etet owagam ngginnari nanuk wonage aap endagembogut endekem oore’nggam nen unggwi wage logonet, enegen kage nagagerik, oone nggwok paga, “Nakwe lombok name nimbirak wonage neegak, maluk eeppuurak eeke yi kogop a?” Awo ari kagak, it aap endagembogut ake eeka nogo wogo nogogwaarik, aap Kaman etenggen yum nobappunuk,
9 at endagembogut ake eeka inooli wogo ambi endage Karobona nen at endagembogut yoge logonet, “Aap kat kagap ndareegerak Morekayi nogo enggaanok keele yilinogo puurak nduk at Kaman nen eyo nggorek metet 23 awoore’nggam yinogo pegerak wonage o.” Yoge mbareegi, at endagembogut nen, “Eyo ti paga aret Kaman enggaanok keele yilinogo pi nanip o.”
10 Yoge mbareegi, at Kaman nen eyo aap Morekayi tugunogo puurak nduk yineegerak nogo paga Kaman aret enggaanok keele yilinogo tugumbi nogo mbareegwa, aap endagembogut anini mbake nogo teyok yereegerak.
8 It Yakuri mendek inooriyak wone
lengganak nogo lek eerogo pereegerak wone
1 Ne ti paga aret aap Yakuri mendek inooriyak kooneegerak Kaman amindik-amendek abok aret at endagembogut Akatiwerot nen waganogo kwe nggwok Etet wogoreegerak. Ndi, at Etet nen, “Aap Morekayi ti, nogobaluk aret o,” yinuk, yoreegerak me, woraawak nduk, ayonggo pereegerak owagam wage mbareegi,
2 aap endagembogut amberaarenggen paga amburu cap eekak eenggi oolo yirik aap Kaman yippereegerak nogo, wake logonet, waganeegerak me, nggoorogo aap Morekayi yippege mbareegi, at kwe Etet nen Kaman amindik-amendek nogo Morekayi unde logowak nduk, mippereegerak.
3 Ti’nuk, at aap Agak mendek Kaman nen it Yakuri mendek eeppiyoorak maluk lombok koonogo pereegerak nogo, aap endagembogut nen lek eerogo puwak nduk, kwe Etet nogo ne ambi paga aap endagembogut abu’me tebe yi unggunuk, le ari wonage me,
4 aap endagembogut nen waanggun mbuti emas paga ogobakkigirik nogo titik ege mbareegi, kwe Etet nogo mi’na’nuk, owagam panggo yi nanuk, yoge logonet,
5-6 “An kayeloman nenegen neegak aakumi an mendek aaninggin inoba age, niriwi inookwi, eeriyak neebi me, kat eeriyak op mbake, nabuwa nomba’nuk wone yi kooniyak op aret kage, ndi, kiniki kunik ee’nake, eeke keenok, aap Agak mendek Kamerata aput Kaman nen aakumi Yakuri mendek yi o ndi o kendagembogut kabu’me piinok wonage nogo pup eerogo inooriyak nduk liiru mbanogo nappit nagagerak me, lek aruwak nduk, nogoba kat nen wone alik ambi koonogo liiru mbanogo wumbu o.”
7 Yoge mbareegi, aap endagembogut Akatiwerot nen kwe nggwok Etet aap Yakuri mendek Morekayi imbirak yorage logonet, “Aap Kaman nogo it aakumi Yakuri mendek apit aret inooriyak nduk wone lengganeegerak paga Kaman enggaanok keele yilinogo pogo mbaka, amindik-amendek abok aret waganogo kat Etet wokkigirak o.
8 Togop me, yi wone ndi wone an nendage paga liiru mbambunuk, namberaarenggen paga cap aago wonage kenok, lek eerogo puurak meek aret me, liiru ambi it Yakuri mendek eeppiyoorak kiniki koombunuk, op mbaniyak mbakwi nogo an nendage paga mbambunuk, namberaarenggen paga cap eerogo nappinip o,” yinuk, yoragagerak.
9-13 Yorage mbareegi, o ne ti eyom paga tut Tiwan penenak tanggal 23 paga at Morekayi nen aap endagembogut ake liiru mbangga wiiragagerak wogo mbareegwa, liiru mbanuwak nduk, yorage logonet, “Tut 12 Arat penenak tanggal 13 paga it aakumi Yakuri mendek aap endagembogut Akatiwerot abu’me piige menggim yi o ndi o wonogwe abok aret, inawi yi kota ndi kota lombok kuwak eeppiinok wonogwe me, it aakumi inoone alik mendek ineegin warak nen a, aap endagembogut abu’me piige menggim o nenaarogo pereegim ambime ineegin warak nen a, it aap inom, kumi inom, wologwe-komologwe inom, inoori wogwe iinok, it Yakuri mendek nen pilak yinuk, inagap ndakkologo logonet, inoorogo piigwi, inenggaawak mondok lek eerogo piigwi, eeppiinok, inamindik-inamendek abok aret kugun waganggo logorak op aret o. Ndi, ne eeriyak yogoorak yi paga it Yakuri mendek nogo, inawim nen inookwi iinok, onggo inooriyak pipuk aago logowak nduk, Wone eeriyak lengganak yi aret o, yinuk, at endagembogut abu’me piige menggim yi o ndi o mippit nogwe, it aakumi inanebunu lombok ineenu eeppiigwi, eeko logonip o, yinuk, liiru mbaninip o.”
Yorage mbareegi, aap Morekayi nen yoragagerak nogo ndak-ndak, aap endagembogut endage paga it aakumi inanebunu lombok yi o ndi o wonogwe nogo it inoone paga lombok liiru mbanggo mengga kwak liiru mbanogo pugwi, it aakumi Yakuri mendek kunduk, it inoone paga lombok liiru mbanggo mengga kwak liiru mbanogo pugwi, eeko mbareegwa, aap Morekayi nen aap endagembogut amberaarenggen paga amburu cap eerogo punuk, it Yakuri mendek inom, aap endagembogut abu’me menggaarak inom, at awuri yi o ndi o unde menggaarak inom, yi aakumi ndi aakumi inoweewi nagawan- nagawan inom, at endagembogut abu’me piige menggim o Indiya nen nok, o Metit kuli, o seratus dua puluh tujuh nenaarogo pereegim wonogwe nogo abok aret it aap endagembogut ake lombok aguda ogowa ambik awi wigangge nagagerak nogo mendek paga kwi’na’nuk, mbe agan iranet nogo logowak nduk, wogoragagerak.
14 Wogorage mbareegi, it aap wone lengganak liiru mbanak wonok nogwe nogo aap endagembogut aguda paga kwi’na’nuk, “Aap endagembogut nen nappinani waga o,” yinuk, mbe agan yi o ndi o tumburiranet nogwe, aap endagembogut awi onggwok abe wurik o Tutan nogome yorogwe, eereegwaarak.
15 Eerit nogwe iigak, at aap Morekayi nogo aap inendagembogut inayum yiko menggaarak mendek enete kibu-kibu inom, yanggwi pogom inom, mbuti emas paga nggarenggare kole mendaarak inom, kain yawenak maa’ngga kunik yum nggorek inom, yirik logonet aap endagembogut owagam nen wundi wagagerak. Wundi wage mbareegi, wone lengganak liiru mbanogo nappit nagagerak paga it aakumi o Tutan wonogwe abok aret inale’nggen nggwok mbareegwaarak.
16 It aakumi Yakuri mendek nen iniki teyok ari, inale’- nggen nggwok mbakwi, inale’nggen nen keekok yogwe, “Ninendage op agaarak me, iya,” yogwe, eereegwaarak.
17 Wone lengganak liiru mbanak nogo yi o ndi o inom, yi kota ndi kota inom, aap endagembogut abu’- me piige menggim abok aret mippit nogwe iinok, it aakumi Yakuri mendek iniki ale’nggen kani negen wunuk ari logonet, laago nggwok lako mbareegwa, it aakumi inanebunu alik mendek time wonogwe nogo apit aret aakumi Yakuri inayuk nen, “Nit kit mendek aruwi o,” yinuk, inom ogogwaarak.
9 It aakumi Yakuri mendek ineegin tiyak yereegerak wone
1 Aap endagembogut nen it Yakuri mendek eeppiyoorak wone lengganogo wumbereegerak nogo eyom panggoni wage mbareegi, it Yakuri ineebi inombakwi nogo nen, “Tut 12 Arat penenak tanggal 13 paga it Yakuri mendek tebenogo piyaawok,” mbareegwaarak kwe, mbeyok ari logonet, it Yakuri mendek nogo nen it ineebi inombakwi nogo tebenogo piyoorak age mbareegi,
2 it aakumi Yakuri maluk eerogo piyoorak mbakwi nogo inooruwok nduk, it Yakuri mendek yi o ndi o aap endagembogut Akatiwerot unde menggim inawi yi kota ndi kota abok aret kuwak eerit nogo mbareegwa, it aakumi inanebunu alik lombok nogo abok aret nen it Yakuri ineebe paga inagabiti mbareegwaarak.
3-4 Ndi, at Morekayi nogo aap endagembogut awi o nggwok abe wurik me endage tiyak ari, at endage yi o ndi o nenaarogo pit nagagim nogome abok aret wiganinuk nage, eereegerak me, logonet-logonet at omaawi mondok arit wundi nage paga it aap yi o ndi o inoweewi nagawan-nagawan inom, aap endagembogut abu’me menggaarak inom, at awuri yi o ndi o unde menggaarak inom, aap endagembogut inom eeko menggaarak inom, abok aret aap Morekayi paga inagabiti nen it Yakuri mendek inom ogogwaarak me, it ambi nen Yakuri mendek inom wim eeriyak meek aret agagerak.
5 It Yakuri mendek nen it aakumi ineebi inombakwi nogo, iniki nen eeppiyoorak mbareegwaarak nogo eeppiinet nogo logonet, wooluwak paga inoorit nogwe, ineebe lek eerogo piigwi, eerit nogogwaarak.
6 Eerit nogo logonet, aap endagembogut awi o nggwok abe wurik me o Tutan nogome ineebe lima ratus inoorogo piigwi,
7-10 aakumi Yakuri inooriyak wone kooneegerak aap Kamerata aput Kaman nogo at apuri Patarata, Ndalopon, Atapata, Porata, Araliya, Arirata, Paramata, Aritayi, Arirayi, Wayitata, ineebe 10 aret inookwi, eereegwaarak kwe, inamindik-inamendek perak, kugun ambi abu woolik aret o.
11 Ne ti eyom paga aap endagembogut awi o nggwok abe wurik o Tutan nogome, “Aap ineebe yogop kuli aret inookaarak o,” yinuk, aap endagembogut mbininogo yori wogo mbareegwa,
12 aap endagembogut nogo nen kwe nggwok Etet nogo yoge logonet, “Nit ninawi o nggwok abe wurik o Tutan yime it aakumi Yakuri mendek nen ineebe lima ratus inooko logonet, aap Kaman apuri ineebe 10 nogo inom aret inookaarak o. O Tutan yime ineebe lima ratus inookaarak kenok, yi o ndi o an nabu’me piige minggim nogo ti, abunuk inookaarak me, noone yagabok o. Togop me, kat nen, Ndi mendek eeppaniyak, nggino yo’nege keenok, eeppagage, ndi, kiniki uugwe mbake nogo, Wo’niru, yo’nege keenok, wokkege, eerigin me, yu o.”
13 Yoge mbareegi, kwe Etet nen yoge logonet, “Nogoba o. Kat aap kendagembogut aret me, wone lengganak yogondak eerit nagaarak nogo ko’lu togop aret eerit nogwe, ndi, at Kaman apuri ineebe 10 inoorak nogo inenggaanok keele yilinogo eyo paga tugumbiigwi, eeriyak op mbake keenok, it aakumi Yakuri mendek o Tutan yime wonogwe nogo yoret o,” yinuk, yoreegerak.
14 Yoge mbareegi, aap endagembogut Akatiwerot nen Etet yoreegerak nogo ndak-ndak eeruwak nduk, wone lengganogo o Tutan time wumbege mbareegi, aap Kaman apuri ineebe 10 inoorak nogo eyo paga tugunogo piigwi,
15 ndi, tut Arat penenak tanggal 14 ti paga aakumi Yakuri mendek o Tutan wonogwe nogo ambinom kuwak eeko nogogwaarik, aap ineebe tiga ratus inoorogo piigwi, eereegwaarak kwe, inamindik- inamendek perak, kugun ambi abu woolik aret o.
16 Ndi, o Tutan time eekwi iigak, it aakumi Yakuri mendek ando yi o ndi o aap endagembogut abu’me piige menggim wonogwe nogo inawi abolok lek eerogo pakwi, inili eerogo pakwi, eeruwok nduk, kuwak eeko nogogwaarik, it aap ineebi inombakwi nogo ineebe tujuh puluh lima ribu aret inoorogo piyareegwaarak kwe, inamindik-inamendek perak, kugun ambi abu woolik aret o.
17 Ti eereegwaarak nogo ti, tut Arat penenak tanggal 13 paga eeko nogogwaarik, tanggal 14 paga yonggonggologo logonet, inale’nggen nen laago nggwok lakwi,
18 ndi, it aakumi Yakuri mendek ando o Tutan wonogwe nogo perak, tanggal 13 paga inom, 14 paga inom, kuwak eeppunuk, eeppiinet nogo nogogwaarik, tanggal 15 paga yonggonggologo logonet, inale’nggen nen laago nggwok lakwi, eereegwaarak.
19 Ti eereegwaarak paga it aakumi Yakuri mendek inawi wonogo menggam lombok wonogo logonet, tut Arat penenak tanggal 14 ari wage kenok, iniki ale’nggen nen laago nggwok lako logonet, inambi tumbut-tumbut eerogo nonggo menggaarak.
Laago endage, Purim, lako logorak koonogo pereegerak wone
20-22 Eerit wogogwaarak nogo abok aret at Morekayi nen liiru mbanogo pege nagagerik, ti’nuk, it aakumi Yakuri mendek eeko logorak liiru mbangge logonet, “Tut Arat tanggal 14 paga inom, 15 paga inom, nit Yakuri mendek ninawi abolok lek logowak nduk, it ineebi ninombakwi nogo tebenogo piigwi, tut ti paga niniki puru aago wonogwe nogo obaane’me ale’nggen ninikime nggelok ari, ninikime le nggu ari nogo obaane’me niniki ale’nggen age, eekoorak me, tahun ambi eekak tut Arat penenak tanggal 14, 15 ari wage kenok, niniki ale’nggen nen laago lakwi, ninambi tumbut-tumbut nunggwi, ndi, it aap ineenggi lek kenok, ninamendek we wogorogwe, eeko logowok o,” yinuk, it aakumi Yakuri mendek yi o ndi o at endagembogut Akatiwerot abu’me piige menggim koorok wonogwe inom, nda wonogwe inom, abok inake liiru mbanak nogo nappiinet nagagerak.
23 Mbanogo nappiinet nagagerak nogo it Yakuri mendek nen malenggo nogogwaarik, “Ale’nggen nen laago lakwi warenggoorak nogo mondok-mondok eeko logowok o,” yinuk, yereegwaarak.
Irip paga lambunogo yereegerak wone
24 Aap Agat mendek endage Kamerata aput it Yakuri eebi lombok inombake nagagerak Kaman nogo nen it Yakuri mendek inoorit nage, inenggaawak lek eerogo piige, eeriyak koongge logonet, “Ne ti paga eeriyak,” kin age kaawok nduk, liiru mbanogo punuk, ambi waganggo mengga kwak, it pur eeko nogogwaarak nogo, eeke nagagerik, eenu agagerak kwe,
25 koonogo pereegerak nogo, kwe Etet nen aap endagembogut yori unggwage mbareegi, aap Kaman nen it Yakuri mendek eeppiyoorak maluk lombok koonogo pereegerak nogo, at endagembogut nen melak togon at oba aruwak nduk, wone lengganogo liiru mbanogo wumbege, at apuri inom inenggaanok keele yilinogo tugumbiige, eereegerak.
26 Ndi, “It aakumi Yakuri ne ndi paga eeppiyoorak,” eenu agak endage Pur eereegerak paga eenu agagerak me, ne ti endage Purim aret yogo nogogwaarak. Ndi, wone lengganak liiru mbanogo nappereegerak inom, inigen kogogwaarak inom, aakumi nen it eeppiigwi kogogwaarak inom, nogo paga-
27 it Yakuri mendek nen koonggo logonet, “Nit inom, ninapuri ninombo wologwe inom, it aakumi apit ninom eeko logorak mbakwi inom, nen tahun ambi eekak ne mbere ti, mari eerogo pugun lek, Ne ndi paga ndogop eeko logorak, punogo pereegerak nogo ti, nit ninobaalombok me, eeko logogun aret o,” yinuk, yogwe,
28 ndi, “Purim ari wage kenok, nit Yakuri mendek yi o ndi o inom, yi kota ndi kota inom, wonogwe nogo niniki ale’nggen nen laago lakoorak yi, lek eerogo pugwi, ninapuri-ninombo wologwe nen mari eerogo pugwi, eerugun lek ndak-ndak lombok ndarak logok ne yi aberogo niniki ale’nggen nen laago lakwi, eeko logogun aret o,” yinuk, yereegwaarak.
29 Ne Purim eeko logorak wone liiru mbanogo aa’nduk nappiinet nagagerak nogo, mondok-mondok eeko logowak nduk, aap Abikayin apuluk kwe nggwok Etet nogo inom, aap Yakuri mendek Morekayi inom, nen omaawi eerogo liiru ambinom mbanogo punuk,
30-31 aap Yakuri mendek Morekayi inom, kwe nggwok Etet inom, “Ne Purim tanggal ndi paga eeko logorak,” liiru mbanogo pugwi, ndi, it Yakuri mendek inalik iniki koonggo logonet, “Nit inom, ninapuri-ninombo wologwe inom, Ne ndi paga ninambe mage negen logonet, leenggu maako logogun o,” yinuk, koonogo pugwi, eereegwaarak nogo paga ne Purim ti, mondok-mondok eeko logowak nduk, it Yakuri mendek aap endagembogut Akatiwerot abu’me piige menggim o seratus dua puluh tujuh nenaarogo pereegim nogome liiru mbanak nogo nappiinet nage logonet, “Kiniki nu’- lek tayenak logomunggup nduk, kinake tamban eeke minggirak o,” yinuk, inom liiru mbanogo nappereegerak.
32 Ne Purim eeko logorak wone yugu nogo at Etet nen wone lengganogo liiru mbanogo wumbereegerak paga omaawi age mbareegi, eerit nogo nogogwaarak liiru mbanak wonage nogo, wone ti inom liiru mbanogo pereegwaarak.
10 Morekayi endage tiyak yereegerak wone
1 O nggwok unde menggerak ilin-unggut niyo kole yenggenak aa’nggi paga kuli abok aret inarum wonage onggo pugu iri wagak yuwak nduk, aap endagembogut Akatiwerot oone omaawi paga wone lengganogo yoragagerak.
2 Ndi, aap endagembogut nen yi eekak ndi eekak abu iya tit nggwok lombok eerit nege nagagerak nogo inom, aap Morekayi tiyappereegerak paga endage nggwok agagerak nogo inom, abok aret it aap Meriya mendek inom, Peritiya mendek inom, inoweewi inendagembogut eeko nogogwaarak liiru mbanak wonage nogo, inom liiru mbanogo pereegwaarak nogo lek a?
3 Aap Yakuri mendek Morekayi nogo ti, aap endagembogut Akatiwerot imbirak ndak-ndak inendage nggwok aret me, at endagembogut Akatiwerot lek kenok, obaane’me Morekayi nogo nen aret wone lengganogo yorage nagagerak. Ndi, at oreewi Yakuri mendek obeelom logowak nduk, koonogo piige, it inanebunu Yakuri abok aret wone inoba age kero, ineebe obeelom logowak nduk, inawone mbangge, eeke nagagerak me, it at oreewi Yakuri mendek abok iniki kunik eeko logonet, ayuk wuko nogogwaarak.
Mbuku Etet
BalasHapus