Mbuku Nakum yi, eebe mbanak pekkaga’lek logonet, aa’nduk pekkoorak yi o.
At Ala nen yoge kagak yoraga Nakum nen mbuku yi liiru mbaneegerak nogo ti, it Iterali mendek inawim it Atiyut mendek maluk onggo eeppiige, ndi, inawim kota Niniwe maluk eerogo pege, eeriyak ineenu a’nuk, inagabiti mbako logowak nduk, yoragagerak nogo mbuku yi paga mbanak wonage.
Ti agagerak nogo ti, Yetut awo nda’naga’lek kagak tahun tujuh ratus dua puluh satu yubunikit nduk, eeke kagak agagerak me, it aakumi Atiyut mendek inogogun ambik iniki wogoppako nogogwaarak kenok, Ala nen, “Aaninggin mondok nggwik togon inoba kwippiyaagin o,” yinuk, yereegerak mbuku yi paga mbanak wonage o.
__________________
NAKUM WONE
1 At Ala nen o Niniwe eeppiyoorak aap Nakum awi Elokoti mendek abinggaanggo paga yoreegerak mbuku mbanak nogo yi aret.
Ala anini inoba piyoorak wone
2 Aliku ALA nen, “Nalik nalut eeruwak lak, it ando inalut eekwi yi, neebi a,” yinuk, mbake, At mbo pugwi iinok, onggo eeppiige, Aliku ALA mbo punuk, ugun eekwi iinok, onggo eeppiige, Anini lombok mi’nage logonet, maluk eeppiige, At Aliku ALA inom ogoorak nogo anini inoba kwippiige, At inom wim mbanak eeppiyoorak mbake nogo inikime tebenak wonage, Eeke menggerak o.
3 At Aliku ALA ti, iniki yanggoppunuk wonage, At omaawi mondok nggwok lombok wonage, Eeke menggerak kwe, It aap maluk eeko menggaarak inomaluk onggo eeppiyaagin lek ti lek, eeppiyaagin aret o. O wiya oone pu warit wage logonet, nombok-kombok eeke kagak at enggela’me wage, Aap tu paga nage logonet, iyok paga liirubu aa’ngga eerogo pit nage menggi kwak, At o ndugwi paga nage logonet, togop eerogo pit nage,
4 At nen niyo nggwok yenggenak laut nogo porok yuwak nduk, mberege, Niyo abok poro-poro nawak nduk, eerogo pege, Eeke menggerak o. At wage kagak, o Mbatiyan inom, Karemen inom, nggween mbuk arit nage, O Libanon iri’ngga ambiki warak nogo teebat neyo-neyo nage,
5 At wage kagak puut-puut na’ndo-wa’ndo eeke, Puut-puut teberogon amburu tigitigi wundit nage logonet lek age, At wage kagak o nggween inom, yi mendek ndi mendek nggween paga wonage nogo abok aret inom, inaganak wake, Eeke kagak,
6 Aliku ALA anini nen eeppiige nogo, aap ta nen ko wappunuk, logogin mbakop? At anini kani kunik negen eeke kagak, aap ta nen ogogumbuk puk arigin mbakop? Lek aret o. At anini kani kunik negen yumbunogo wuppi wage nagaarik, Enegen kagak, puut-puut yanggu-yanggu wambit wage kagagirak o.
7 Aliku ALA ti, obeelom lombok wonage, Aaninggin inoba kwi’nage kenok, ineebe op logorak eeppiiga at aret wonage, Iniki at oba panggonak wonogwe nogo, liirogon inarum wake, Eeke menggerak kwe,
1:1-3:19 Yet. 10:5-34, 14:24-27, Tep. 2:13-15. 1:15 Yet. 52:7
8 Niyo wu’nuk wage logonet, yi mendek ndi mendek taanogo pit nage menggi kwak, At inom wim mbanak inenggaawak lek eerogo piige, At inom ogoorak nogo mugogo kanggo menggam o apit me nappiige, Eerigin o.
Ala nen o Yekura inom, o Niniwe inom, eeppuurak wone
9 It Niniwe mendek nen at Aliku ALA eeppuurak iniki koonggwi nogo, at nen lek eerogo pege, Ne mbere lek, ne ambit liingge aret lek eerogo piige, Eerigin o.
10 Alok ndele aago menggi kwak, Niyo kumili kunggwi mendek nenok neyak-kweyak agan nogo mengga kwak, at inom wim mbanak ti, togop aret agan nogwe iigak, Wiiringga wiirik kani ne ambit pup eerogo nengge menggi kwak, it togop aret lek eerogo piyaagin o.
11 Aap ambi o Niniwe time mi’na’nuk Aliku ALA maluk eerogo puurak koongge, Maluk ndogop eeko logowok o, yinuk, koonogo punuk, yorage, Eeke me nduk, yagi o.
12 Aliku ALA nen ari logonet, “It aakumi Atiyut mendek o Niniwe wonogwe nogo, ineebe enaani ndegenak inomaawi ambik aret wonogwe kwe, Inoorit namenggaarak inenggaawak lek aret arugun o. It an napuri ti, aaninggin-paaninggin kogo logowak nduk, eerogo piyareegirak kwe, ambinom eerogo piyaagin lek o.
13 Eyo aaninggin tapi inuut paga pogo mengga kwak, it Atiyut mendek nen aaninggin an napuri inoba kwippiyareegwaarak nogo, an nen kalenogo nappege, Ineenggi-iniyok keele maarak negen wonogwe nogo, an nen piinogo piige, Eerigin o,” yinuk, ari kagagirak o.
14 At Aliku ALA nen kit Atiyut mendek o Niniwe wonogwe eeko logorak yokkirage kagarak nogo yi aret. “It inendage ki eeko logowak nduk, inombowologwe nda’nogo logogun mondok lek aret o. Inagugi awi wurik me inagugi ogut aago wonage inom, mbuti paga inagugiwak eerak nogo inom, lek eerogo pege, It Atiyut mendek ti, ineraambe abu maluk lombok me, nggween taambiyoorak inake pipuk eerogo piige, Eerigin,” yegerak o.
15 Aap wone yonggo wonok puut-puut paga iyok pit wage logonet, “Kinagabiti lek kiniki ugun tayenak logonip o,” yinuk, agan wage ti, kinigen pekkaanip o. It aakumi kinom ogoorak nogo mondok lek eerogo piyaawak nduk, eeppiyaagin me, Ambinom tebenogo pinagawak nduk, woraagun lek o. Togop me, kit Yekura mendek yi wae. Laago lako logorak yugu nogo kinale’nggen paga lakwi, An yogop eeke logogin o, yinuk, kumbuk mbanggwi nogo ndak-ndak eekwi, Eeko logonip o.
2 O Niniwe maluk eerogo puurak wone
1 Kat o Niniwe yi wae. Kat maluk eerogo pagawok nduk muk wogwe yi aret me, Pak wurik me tum wake, Tu unggwi wogo menggam kenegen liirogon wonage, Keegin-komaale mondok li’luk eeppunuk wonage, Komaawi eeppatinuk wonage, Eeke logot o.
2 Eyo anggur anggen yenenak-menenak eerogo mbanggwi, Eno’mbak kalenak-pugunik eerogo pugwi, Eeko mengga kwak Aap maluk eerogo pega nen it Yakup mendek wonogo menggam togop eerogo pogo nogogwaarak kwe, It Iterali wonogo menggam aa’nduk iya lombok iinok, “Wi!” irogo nogogwa pogom It Yakup mendek wonogo menggam togop aret eerogo pigin o.
3 Wim eeriyak ina koonggo logonet, at maluk eerogo pega awuri inanggeemu maangga kunik nogo waganggwi, At awuri wim eeka inayum maangga amu kunik yikkologwe, Inanggweendo wim eeka mbuti owak paga eerak nogo pipuk eekwi iigak, abinak pigan-pigan eeke, Inaguda, “Nawi,” yinuk, ke’mbogonik yogwe, Eeko agaarik o.
4 Ndi wuninik kwak, o kimbik pindanggage menggi kwak, It inanggweendo nogo iniyogobit oone agan tu paga wogwe, Kota nggween aagome time muguren-magaren nugwi, Eeko agaarik o.
5 Eeko logonet, aap endagembogut nen awuri wim kalu-kalu nogo wiiramenggerak tu paga nogwe me, Iniyogobit lik togon wanggak nogwe, It mbe agan o kota-kota yugum pak wurik me time ari nanuk, Endekem nen punggagak eekak nogo waganogo pi wogwe,
6 Niyo mbininogo mambit nogogwam nogome tu paarogo pit nanuk, unggwit nogwe, Aap endagembogut awi o nggwok abe wurik me nogome oba kwi’nari unggwogwe,
7 Kwe nggwok nogo pigogo ayum nggoorogo punuk, wonok wundi nogwe, Komologwe tawe at ame ake eeka nogo, towe puume inoone nggu-nggu yogo mengga kwak yogo logonet, ineenggi paga inamiguwak wakkologwe, Eekwi iigirak o.
8 O Niniwe ti, niyo yenggenak eno poloninuk wungge menggi kwak, togop aret agaarik o. Pelen-pelen wundi nogwe iigak, “Puk o! Puk o!” yinuk, inoone nggwok paga yorogwe kwe, It ambi nen ina yunggunogo na’nari waga’lek wundi nogwe mban iigirak.
9 Togop me, o kota yi, amindik-amendek lek ageelik abe mban pugu wonage me, “Mbuti perak nogo waganggwi, mbuti emas nogo kologwe, ee’nip o,” yinuk, yorage mbaki,
10 O Niniwe amindik-amendek abe pugu nogo waganggwi, O wogo eerogo pugwi, Yarak alom kinogo nappit nogwe, Eekwi iinok, Iniki ma’nage, iniyok yandek-yandek eekwi, Inaganak wake, Inanggilaame nik togon eerogo piige, Eekwi iigirak o.
11 Singa awi mbanak nogo yogondak ngga wonage mbakop? Singa aagalogwe yilak kuninake menggim nogo nonggop aga o? Singa ngguunok-kooli aagalogwe inom inagabiti lek yinggwi-unggwogwe eeko menggam nogo ngge o?
12 Singa ngguunok nogo nen apuri ndonggok togon nawak nduk it noorak mendek wake, At ore kooli nen nawak nduk, nibinogo pege, Ee’nuk Wonok nonggo menggam yagabit eerogo pi unggwage, Awi mbanak me yagabit eerogo pi unggwage, Eeke menggerak nogo nonggop aga o?
13 At Omaawi Lombok Menggerak Aliku ALA nen it yorage logonet, “Kit an ninom wim mbanak wonage me, Kinanggweendo wim eeka nogo kani piminggirak ka’luk ndi wurogo pege, Singa awooluk kwak kinawuri wim eeka nogo wooluwak nen nawak nduk eerogo piige, Kit nen aakumi inagugun wonok kiname pi unggwagak eeko nogogutak nogo, ambinom togop eeko logokwak non mbanogo pinagage, Ndi, kinarum logorak onggo wu puwak nduk, kinawuri nen aakumi yora nagak nogo inoone lek eerogo piige, Eerigin o,” yinuk, yorage kagarak o.
3 O Niniwe aaninggin oba kwippuurak wone
1 O kota aakumi inamiya wunako menggam, Inoone pilit mban yogo menggam, Puk aga’lek aakumi inagugun wonok pi wagak mban eeko menggam, O kota kat yi, kabuwa o!
2 Yawi inookwi inagap oone ari, Nggweendo iyok oone nggelek mbuk ari, Kuda mbe agan nogo logonet, iniyogobit oone agan nogwe, Nggweendo langgok-panggok agan nogwe,
3 It aap kuda paga kwi’na’nuk mbe agan wim eeri unggwogwe, Mbuti wooluwak pindan-pindan eeke, Wooluwak ngget abinak lan ari, Aakumi ambik inoorak wanggwi, Inoorak nigabak ambik aret wonogwe, Ineebe inoorak ambik ineenggi lingginiyak meek me, ti paga iniyogobit lilin nage, Eekwi iigirak o.
4 Kwe ya wukak nen, “Ugun ee’nabuwak,” mba’nuk, eerit nage menggi kwak, Aap iniki nawak nduk, enete amuni mbangge menggi kwak, Tili pagangga iyagalo kwak, At kota Niniwe togop aret me, terak wuka kwak eerit nage logonet, yi aakumi ndi aakumi keele maarogo negen piige, Yogwi inooke paga aakumi inanebunu lombok apit aret ayeloman mini eerogo piige, Eereegerak paga At togop eeppege kagarak o.
5 Togop aret me, at Omaawi Lombok Menggerak Aliku ALA nen o kota Niniwe yoge logonet, “Kat nimbirak wim mbanak wonage me, kerali piyanogo kenaame nippege, Yi aakumi ndi aakumi kagabolo kin kaawak nduk, eeppege, It aakumi inabu’me piinet nogo menggam nen kamendek inigen kaawak nduk, kin eeppege, Eerigin o.
6 Ogole warak mendek keebe paga lengge eerogo pege, Ogole warak yi, neebi a, yinuk, yokkege, Aakumi nen, Yi aago wonage iya, yinuk, yokkogo logowak nduk eerogo piige, Eerigin o.
7 Kat togop aago wonage keenok, aakumi abok aret kat mbo paganuk kole mbaganggo logonet, O kota Niniwe nogo, muk maluk agaarak me, ta nen aleenggu maarigin o? yinuk, yugun me, Kiniki eyak wappagawak nduk, aap ngga nen kwaarogo nappiya woraagin, mbaken? Lek aret o,” yinuk, yokkege kagarak me, yagi o.
8 O kota Teba niyo Nin aa’nggi paga wonage ti, Yugum pak wurik kwak niyo mban wanggerak wonage me, tebenogo puurak meek wonage kwe, “At ti, meek, ndi, an perak, iya lombok,” mbake agandik ya? O kota Teba eebe op logorak ti, niyo Nin aret. Ndi, at ayugum pak wurik kwak ti, niyo wanggerak ti aret.
9 At Teba omaawi lek aga’lek panggonak wonage ti, o Kuti inom, o Metit inom, aret. Ndi, it inom a’nuk eerit nugwi ti, o Put inom, Libiya inom, aret wonagagerak.
10 Togop aret wonagagerak kwe, tebenogo punuk, aakumi keele maageren o nda time piya nogwe, At aagalogwe awo ngget ndarak nogo, tu irip-irip time inanobak yomba eerogo piinet nogwe, Inoweewi nagawan-nagawan nogo, Ta ayeloman eekkoloorak kaamun? yinuk, yugum paga wakkogwe, Ndi, inoweewi aap inendage warak nogo keele maarogo piigwi, Eereegwaarak me,
11 Kat kunduk niyo amburu nenok kumili kunggo mengga kwak kumbunuk, It kinom wim mbanak nen kwaakkeyokwak, kumaa’nari nage, Kagap ndakko’nok kole mbagangge, Eerumunggun o.
12 Eyo wuli anggen yegetak nabu nggwi eerogo pegetak me, eyo ero nogo nuk-nuk eekwi iinok, Anggen nggaru-nggaru it aap ero nuk-nuk eekwi inambe me yonggo’nari wambit wage menggi kwak, Kat keyagat pak wurik nogo ti, togop aret menggerak o.
13 It kawuri wim eeka kanggela’me wonogwe nogo ti, kumi kwak aret wonogwe iigi o. Togop wonogwe iigak, o kat kanggween paga tu unggwit nogo menggam wa’mbit narak nogo, Kani nen nenet nagaarak tu paarak ambe pan agan nage me, Kawim we negen unggwit wogo agaarik o.
14 Kawim nen kawi paga kwi’nari unggwi woroorak wakkagak eerugun me, kaniyo noorak toologo pake, Keyagat pak wurik mondok omaawi eerogo pit nage, Nggween nggabok amok mbanogo punuk, yugum negen longgo warogo pege, Nggabok amok mbanak punuk, yugum nggelenogo pit nage, Aru pelenak kenok, nabenogo pit nage, Eeke logot o.
15 Kat wonage me time keebe kani nengge, Wooluwak nen keebe ndanu eerogo pagage, Yibila nen iri’ngga pup eerogo nonggo mengga kwak, keebe togop aret eerogo pagage, Eerugun o. Togop me, yibila wiganggo mengga kwak wiganggwi, Wurin wiganggo mengga kwak wiganggwi, Eeko logonip ubi!
16 Laaluguragan ambik lombok mbogut paga wonage kwak lek, it aap kake kunit nega mendek ambik eerogo piyareegindak kwe, Wurin nen yi mendek ndi mendek mbelek togon nenok, nggarek yogo mengga kwak, It aap kake kunit nega ti, yi mendek ndi mendek kunit nugu nagaatik, togop aret nggarek yogo menggaarak.
17 It kat karum menggaarak ti, wurin ya nakak nugu mengga kwak wonogwe, It kat kawuri inom eeka ti, wurin aago o togwi kenok, yugum pak wurik enoona ninggiri unggwogo nagaatik, Ti’nuk, mo pege kenok, wundi nanuk, wiga agan, lek ari nagaatak aakumi ineenggo’lek mengga kwak, wonogwe, Eerak aret menggaarak o.
18 O Atiyut mendek inowe kendagembogut yi wae. Ndomba ndegeninakwi kwak kawuri aakumi inarum waka nogo, nogo yit nogwe, Kat kawuri nagawan-nagawan yonggonggolaawok nduk, winnogwe, Eekwi me, It aakumi kabu’me menggaarak nogo, kole mbaganit puut-puut time arit nagaarak wonogwe me, Aap ambi nen kuwak eerogo piya woroorak eebe lek me, inabuwa o.
19 Kooreegwaarak kawin kamiya ti ari wonage nogo, obeelom ariyak amburu lek aret me, ti paga aret kambumunggun o. Kat aakumi inabuwa nen puk aga’lek kogogumbuk logonet maluk mban eeppiinet nage nogo ti, Eeppiiga’lek ambi ta wonage mbaken? Abok aret eeppiinet nage menggendak me, It aakumi abok aret kat aremenggendak wonage ti, Inaruk konenggo logomenggaarik, inale’nggen nen ineenggi telak yogo logogun, yokkigi o, yinuk, yoreegirak.
At Ala nen yoge kagak yoraga Nakum nen mbuku yi liiru mbaneegerak nogo ti, it Iterali mendek inawim it Atiyut mendek maluk onggo eeppiige, ndi, inawim kota Niniwe maluk eerogo pege, eeriyak ineenu a’nuk, inagabiti mbako logowak nduk, yoragagerak nogo mbuku yi paga mbanak wonage.
Ti agagerak nogo ti, Yetut awo nda’naga’lek kagak tahun tujuh ratus dua puluh satu yubunikit nduk, eeke kagak agagerak me, it aakumi Atiyut mendek inogogun ambik iniki wogoppako nogogwaarak kenok, Ala nen, “Aaninggin mondok nggwik togon inoba kwippiyaagin o,” yinuk, yereegerak mbuku yi paga mbanak wonage o.
__________________
NAKUM WONE
1 At Ala nen o Niniwe eeppiyoorak aap Nakum awi Elokoti mendek abinggaanggo paga yoreegerak mbuku mbanak nogo yi aret.
Ala anini inoba piyoorak wone
2 Aliku ALA nen, “Nalik nalut eeruwak lak, it ando inalut eekwi yi, neebi a,” yinuk, mbake, At mbo pugwi iinok, onggo eeppiige, Aliku ALA mbo punuk, ugun eekwi iinok, onggo eeppiige, Anini lombok mi’nage logonet, maluk eeppiige, At Aliku ALA inom ogoorak nogo anini inoba kwippiige, At inom wim mbanak eeppiyoorak mbake nogo inikime tebenak wonage, Eeke menggerak o.
3 At Aliku ALA ti, iniki yanggoppunuk wonage, At omaawi mondok nggwok lombok wonage, Eeke menggerak kwe, It aap maluk eeko menggaarak inomaluk onggo eeppiyaagin lek ti lek, eeppiyaagin aret o. O wiya oone pu warit wage logonet, nombok-kombok eeke kagak at enggela’me wage, Aap tu paga nage logonet, iyok paga liirubu aa’ngga eerogo pit nage menggi kwak, At o ndugwi paga nage logonet, togop eerogo pit nage,
4 At nen niyo nggwok yenggenak laut nogo porok yuwak nduk, mberege, Niyo abok poro-poro nawak nduk, eerogo pege, Eeke menggerak o. At wage kagak, o Mbatiyan inom, Karemen inom, nggween mbuk arit nage, O Libanon iri’ngga ambiki warak nogo teebat neyo-neyo nage,
5 At wage kagak puut-puut na’ndo-wa’ndo eeke, Puut-puut teberogon amburu tigitigi wundit nage logonet lek age, At wage kagak o nggween inom, yi mendek ndi mendek nggween paga wonage nogo abok aret inom, inaganak wake, Eeke kagak,
6 Aliku ALA anini nen eeppiige nogo, aap ta nen ko wappunuk, logogin mbakop? At anini kani kunik negen eeke kagak, aap ta nen ogogumbuk puk arigin mbakop? Lek aret o. At anini kani kunik negen yumbunogo wuppi wage nagaarik, Enegen kagak, puut-puut yanggu-yanggu wambit wage kagagirak o.
7 Aliku ALA ti, obeelom lombok wonage, Aaninggin inoba kwi’nage kenok, ineebe op logorak eeppiiga at aret wonage, Iniki at oba panggonak wonogwe nogo, liirogon inarum wake, Eeke menggerak kwe,
1:1-3:19 Yet. 10:5-34, 14:24-27, Tep. 2:13-15. 1:15 Yet. 52:7
8 Niyo wu’nuk wage logonet, yi mendek ndi mendek taanogo pit nage menggi kwak, At inom wim mbanak inenggaawak lek eerogo piige, At inom ogoorak nogo mugogo kanggo menggam o apit me nappiige, Eerigin o.
Ala nen o Yekura inom, o Niniwe inom, eeppuurak wone
9 It Niniwe mendek nen at Aliku ALA eeppuurak iniki koonggwi nogo, at nen lek eerogo pege, Ne mbere lek, ne ambit liingge aret lek eerogo piige, Eerigin o.
10 Alok ndele aago menggi kwak, Niyo kumili kunggwi mendek nenok neyak-kweyak agan nogo mengga kwak, at inom wim mbanak ti, togop aret agan nogwe iigak, Wiiringga wiirik kani ne ambit pup eerogo nengge menggi kwak, it togop aret lek eerogo piyaagin o.
11 Aap ambi o Niniwe time mi’na’nuk Aliku ALA maluk eerogo puurak koongge, Maluk ndogop eeko logowok o, yinuk, koonogo punuk, yorage, Eeke me nduk, yagi o.
12 Aliku ALA nen ari logonet, “It aakumi Atiyut mendek o Niniwe wonogwe nogo, ineebe enaani ndegenak inomaawi ambik aret wonogwe kwe, Inoorit namenggaarak inenggaawak lek aret arugun o. It an napuri ti, aaninggin-paaninggin kogo logowak nduk, eerogo piyareegirak kwe, ambinom eerogo piyaagin lek o.
13 Eyo aaninggin tapi inuut paga pogo mengga kwak, it Atiyut mendek nen aaninggin an napuri inoba kwippiyareegwaarak nogo, an nen kalenogo nappege, Ineenggi-iniyok keele maarak negen wonogwe nogo, an nen piinogo piige, Eerigin o,” yinuk, ari kagagirak o.
14 At Aliku ALA nen kit Atiyut mendek o Niniwe wonogwe eeko logorak yokkirage kagarak nogo yi aret. “It inendage ki eeko logowak nduk, inombowologwe nda’nogo logogun mondok lek aret o. Inagugi awi wurik me inagugi ogut aago wonage inom, mbuti paga inagugiwak eerak nogo inom, lek eerogo pege, It Atiyut mendek ti, ineraambe abu maluk lombok me, nggween taambiyoorak inake pipuk eerogo piige, Eerigin,” yegerak o.
15 Aap wone yonggo wonok puut-puut paga iyok pit wage logonet, “Kinagabiti lek kiniki ugun tayenak logonip o,” yinuk, agan wage ti, kinigen pekkaanip o. It aakumi kinom ogoorak nogo mondok lek eerogo piyaawak nduk, eeppiyaagin me, Ambinom tebenogo pinagawak nduk, woraagun lek o. Togop me, kit Yekura mendek yi wae. Laago lako logorak yugu nogo kinale’nggen paga lakwi, An yogop eeke logogin o, yinuk, kumbuk mbanggwi nogo ndak-ndak eekwi, Eeko logonip o.
2 O Niniwe maluk eerogo puurak wone
1 Kat o Niniwe yi wae. Kat maluk eerogo pagawok nduk muk wogwe yi aret me, Pak wurik me tum wake, Tu unggwi wogo menggam kenegen liirogon wonage, Keegin-komaale mondok li’luk eeppunuk wonage, Komaawi eeppatinuk wonage, Eeke logot o.
2 Eyo anggur anggen yenenak-menenak eerogo mbanggwi, Eno’mbak kalenak-pugunik eerogo pugwi, Eeko mengga kwak Aap maluk eerogo pega nen it Yakup mendek wonogo menggam togop eerogo pogo nogogwaarak kwe, It Iterali wonogo menggam aa’nduk iya lombok iinok, “Wi!” irogo nogogwa pogom It Yakup mendek wonogo menggam togop aret eerogo pigin o.
3 Wim eeriyak ina koonggo logonet, at maluk eerogo pega awuri inanggeemu maangga kunik nogo waganggwi, At awuri wim eeka inayum maangga amu kunik yikkologwe, Inanggweendo wim eeka mbuti owak paga eerak nogo pipuk eekwi iigak, abinak pigan-pigan eeke, Inaguda, “Nawi,” yinuk, ke’mbogonik yogwe, Eeko agaarik o.
4 Ndi wuninik kwak, o kimbik pindanggage menggi kwak, It inanggweendo nogo iniyogobit oone agan tu paga wogwe, Kota nggween aagome time muguren-magaren nugwi, Eeko agaarik o.
5 Eeko logonet, aap endagembogut nen awuri wim kalu-kalu nogo wiiramenggerak tu paga nogwe me, Iniyogobit lik togon wanggak nogwe, It mbe agan o kota-kota yugum pak wurik me time ari nanuk, Endekem nen punggagak eekak nogo waganogo pi wogwe,
6 Niyo mbininogo mambit nogogwam nogome tu paarogo pit nanuk, unggwit nogwe, Aap endagembogut awi o nggwok abe wurik me nogome oba kwi’nari unggwogwe,
7 Kwe nggwok nogo pigogo ayum nggoorogo punuk, wonok wundi nogwe, Komologwe tawe at ame ake eeka nogo, towe puume inoone nggu-nggu yogo mengga kwak yogo logonet, ineenggi paga inamiguwak wakkologwe, Eekwi iigirak o.
8 O Niniwe ti, niyo yenggenak eno poloninuk wungge menggi kwak, togop aret agaarik o. Pelen-pelen wundi nogwe iigak, “Puk o! Puk o!” yinuk, inoone nggwok paga yorogwe kwe, It ambi nen ina yunggunogo na’nari waga’lek wundi nogwe mban iigirak.
9 Togop me, o kota yi, amindik-amendek lek ageelik abe mban pugu wonage me, “Mbuti perak nogo waganggwi, mbuti emas nogo kologwe, ee’nip o,” yinuk, yorage mbaki,
10 O Niniwe amindik-amendek abe pugu nogo waganggwi, O wogo eerogo pugwi, Yarak alom kinogo nappit nogwe, Eekwi iinok, Iniki ma’nage, iniyok yandek-yandek eekwi, Inaganak wake, Inanggilaame nik togon eerogo piige, Eekwi iigirak o.
11 Singa awi mbanak nogo yogondak ngga wonage mbakop? Singa aagalogwe yilak kuninake menggim nogo nonggop aga o? Singa ngguunok-kooli aagalogwe inom inagabiti lek yinggwi-unggwogwe eeko menggam nogo ngge o?
12 Singa ngguunok nogo nen apuri ndonggok togon nawak nduk it noorak mendek wake, At ore kooli nen nawak nduk, nibinogo pege, Ee’nuk Wonok nonggo menggam yagabit eerogo pi unggwage, Awi mbanak me yagabit eerogo pi unggwage, Eeke menggerak nogo nonggop aga o?
13 At Omaawi Lombok Menggerak Aliku ALA nen it yorage logonet, “Kit an ninom wim mbanak wonage me, Kinanggweendo wim eeka nogo kani piminggirak ka’luk ndi wurogo pege, Singa awooluk kwak kinawuri wim eeka nogo wooluwak nen nawak nduk eerogo piige, Kit nen aakumi inagugun wonok kiname pi unggwagak eeko nogogutak nogo, ambinom togop eeko logokwak non mbanogo pinagage, Ndi, kinarum logorak onggo wu puwak nduk, kinawuri nen aakumi yora nagak nogo inoone lek eerogo piige, Eerigin o,” yinuk, yorage kagarak o.
3 O Niniwe aaninggin oba kwippuurak wone
1 O kota aakumi inamiya wunako menggam, Inoone pilit mban yogo menggam, Puk aga’lek aakumi inagugun wonok pi wagak mban eeko menggam, O kota kat yi, kabuwa o!
2 Yawi inookwi inagap oone ari, Nggweendo iyok oone nggelek mbuk ari, Kuda mbe agan nogo logonet, iniyogobit oone agan nogwe, Nggweendo langgok-panggok agan nogwe,
3 It aap kuda paga kwi’na’nuk mbe agan wim eeri unggwogwe, Mbuti wooluwak pindan-pindan eeke, Wooluwak ngget abinak lan ari, Aakumi ambik inoorak wanggwi, Inoorak nigabak ambik aret wonogwe, Ineebe inoorak ambik ineenggi lingginiyak meek me, ti paga iniyogobit lilin nage, Eekwi iigirak o.
4 Kwe ya wukak nen, “Ugun ee’nabuwak,” mba’nuk, eerit nage menggi kwak, Aap iniki nawak nduk, enete amuni mbangge menggi kwak, Tili pagangga iyagalo kwak, At kota Niniwe togop aret me, terak wuka kwak eerit nage logonet, yi aakumi ndi aakumi keele maarogo negen piige, Yogwi inooke paga aakumi inanebunu lombok apit aret ayeloman mini eerogo piige, Eereegerak paga At togop eeppege kagarak o.
5 Togop aret me, at Omaawi Lombok Menggerak Aliku ALA nen o kota Niniwe yoge logonet, “Kat nimbirak wim mbanak wonage me, kerali piyanogo kenaame nippege, Yi aakumi ndi aakumi kagabolo kin kaawak nduk, eeppege, It aakumi inabu’me piinet nogo menggam nen kamendek inigen kaawak nduk, kin eeppege, Eerigin o.
6 Ogole warak mendek keebe paga lengge eerogo pege, Ogole warak yi, neebi a, yinuk, yokkege, Aakumi nen, Yi aago wonage iya, yinuk, yokkogo logowak nduk eerogo piige, Eerigin o.
7 Kat togop aago wonage keenok, aakumi abok aret kat mbo paganuk kole mbaganggo logonet, O kota Niniwe nogo, muk maluk agaarak me, ta nen aleenggu maarigin o? yinuk, yugun me, Kiniki eyak wappagawak nduk, aap ngga nen kwaarogo nappiya woraagin, mbaken? Lek aret o,” yinuk, yokkege kagarak me, yagi o.
8 O kota Teba niyo Nin aa’nggi paga wonage ti, Yugum pak wurik kwak niyo mban wanggerak wonage me, tebenogo puurak meek wonage kwe, “At ti, meek, ndi, an perak, iya lombok,” mbake agandik ya? O kota Teba eebe op logorak ti, niyo Nin aret. Ndi, at ayugum pak wurik kwak ti, niyo wanggerak ti aret.
9 At Teba omaawi lek aga’lek panggonak wonage ti, o Kuti inom, o Metit inom, aret. Ndi, it inom a’nuk eerit nugwi ti, o Put inom, Libiya inom, aret wonagagerak.
10 Togop aret wonagagerak kwe, tebenogo punuk, aakumi keele maageren o nda time piya nogwe, At aagalogwe awo ngget ndarak nogo, tu irip-irip time inanobak yomba eerogo piinet nogwe, Inoweewi nagawan-nagawan nogo, Ta ayeloman eekkoloorak kaamun? yinuk, yugum paga wakkogwe, Ndi, inoweewi aap inendage warak nogo keele maarogo piigwi, Eereegwaarak me,
11 Kat kunduk niyo amburu nenok kumili kunggo mengga kwak kumbunuk, It kinom wim mbanak nen kwaakkeyokwak, kumaa’nari nage, Kagap ndakko’nok kole mbagangge, Eerumunggun o.
12 Eyo wuli anggen yegetak nabu nggwi eerogo pegetak me, eyo ero nogo nuk-nuk eekwi iinok, Anggen nggaru-nggaru it aap ero nuk-nuk eekwi inambe me yonggo’nari wambit wage menggi kwak, Kat keyagat pak wurik nogo ti, togop aret menggerak o.
13 It kawuri wim eeka kanggela’me wonogwe nogo ti, kumi kwak aret wonogwe iigi o. Togop wonogwe iigak, o kat kanggween paga tu unggwit nogo menggam wa’mbit narak nogo, Kani nen nenet nagaarak tu paarak ambe pan agan nage me, Kawim we negen unggwit wogo agaarik o.
14 Kawim nen kawi paga kwi’nari unggwi woroorak wakkagak eerugun me, kaniyo noorak toologo pake, Keyagat pak wurik mondok omaawi eerogo pit nage, Nggween nggabok amok mbanogo punuk, yugum negen longgo warogo pege, Nggabok amok mbanak punuk, yugum nggelenogo pit nage, Aru pelenak kenok, nabenogo pit nage, Eeke logot o.
15 Kat wonage me time keebe kani nengge, Wooluwak nen keebe ndanu eerogo pagage, Yibila nen iri’ngga pup eerogo nonggo mengga kwak, keebe togop aret eerogo pagage, Eerugun o. Togop me, yibila wiganggo mengga kwak wiganggwi, Wurin wiganggo mengga kwak wiganggwi, Eeko logonip ubi!
16 Laaluguragan ambik lombok mbogut paga wonage kwak lek, it aap kake kunit nega mendek ambik eerogo piyareegindak kwe, Wurin nen yi mendek ndi mendek mbelek togon nenok, nggarek yogo mengga kwak, It aap kake kunit nega ti, yi mendek ndi mendek kunit nugu nagaatik, togop aret nggarek yogo menggaarak.
17 It kat karum menggaarak ti, wurin ya nakak nugu mengga kwak wonogwe, It kat kawuri inom eeka ti, wurin aago o togwi kenok, yugum pak wurik enoona ninggiri unggwogo nagaatik, Ti’nuk, mo pege kenok, wundi nanuk, wiga agan, lek ari nagaatak aakumi ineenggo’lek mengga kwak, wonogwe, Eerak aret menggaarak o.
18 O Atiyut mendek inowe kendagembogut yi wae. Ndomba ndegeninakwi kwak kawuri aakumi inarum waka nogo, nogo yit nogwe, Kat kawuri nagawan-nagawan yonggonggolaawok nduk, winnogwe, Eekwi me, It aakumi kabu’me menggaarak nogo, kole mbaganit puut-puut time arit nagaarak wonogwe me, Aap ambi nen kuwak eerogo piya woroorak eebe lek me, inabuwa o.
19 Kooreegwaarak kawin kamiya ti ari wonage nogo, obeelom ariyak amburu lek aret me, ti paga aret kambumunggun o. Kat aakumi inabuwa nen puk aga’lek kogogumbuk logonet maluk mban eeppiinet nage nogo ti, Eeppiiga’lek ambi ta wonage mbaken? Abok aret eeppiinet nage menggendak me, It aakumi abok aret kat aremenggendak wonage ti, Inaruk konenggo logomenggaarik, inale’nggen nen ineenggi telak yogo logogun, yokkigi o, yinuk, yoreegirak.
Mbuku Nakum
BalasHapus