Agayi Wone Mbuku Agayi yi, eebe mbanak pekkaga’lek logonet, aa’nduk pekkoorak yi o.
At Ala nen yoge kagak yoraga Agayi nogo, Yetut awo nda’naga’lek kagak tahun lima ratus dua puluh age ti paga Ala nen yoge kenok, aakumi Iterali mendek yorage nagagerak nogo, mbuku yi paga liiru mbanak wonage.
Ne ti eyom it aakumi Iterali mendek o Mbaben mbo piya nogogwam nen iniyokan wogogwaarak iname kota Yerutalem inom, o Yekura inom, wonogo logonet, iname wukko’net nogo nogogwaarak kwe, Ala awi minogo pereegwaarak nogo, obaane’me wuka’lek minik aret wonage kagak tahun mande negen aret eeke mbareegi, at Ala nen it aap aakumi inarum menggaarak nogo obaane’me mbet-mbet wuruwak nduk, yoragagerak. “Ti wukwi kiinok, an nen kit aakumi Iterali mendek kiniki ngget mendek eerogo pinagage, kiniki ugun tayenak logomunggup nduk eerogo pinagage, kinomaluk lek eerogo pinagage, eerigin o,” yinuk, yoragagerak liiru mbanak wonage o.
____________________
AGAYI WONE
1 Ala awi obaane’me wuruwak nduk yoragagerak wone
1:1 Eta. 4:24-5:2, 6:14
1 Aap Ndariyut endagembogut a’nuk wone lengganogo yorage kagak, tahun ambit eeppunuk, ambi eeke tut 5 penembunuk ambi penenak tanggal 1 ti eyom paga, Aliku ALA nen at yoge kagak yoraga Agayi nogo Ala nen yoge kenok, at Agayi nen aap Teyaletiyen aput o Yekura unde wonage Terubaben nogo inom, aap Yotarak aput Ala unde inowe Yotuwa nogo inom, yoragagerak.
2 “At Omaawi Lombok Menggerak Aliku ALA nen yegerak nogo yi aret. It aakumi yi nen yogo logonet, Aliku ALA awi obaane’me wuriyak eyom awo panggoni waga’lek, yogwe, iigirak o, yinuk, yegerak me, yokkiragi o,” yoragagerak.
3 Yorage nagagerik, Aliku ALA nen at yoge kagak yoraga Agayi nogo it aakumi yoraawak nduk, yoge logonet,
4 “It an napuri ti, an nawi wurik langgu-langgu aago wonage kagak, it inawi eyo abe kigirikwe lombok paga nabenogo wuppunuk logorak eyom muk panggoni wagaarak ya? yinuk, yegerak o.
5 Ari nagaarik, at Omaawi Lombok Menggerak Aliku ALA nen ambinom ari logonet, It eeginabit nage nogo liippogo logowak o.
6 It awi ambik aret yakwi kwe, anggen mbuuluk mban mbanggologwe, inambi ndonggorogon nunggwi kwe, inaanoma’le aga’lek wonogwe, inaniyo ambik nunggwi kwe, ndonggoppiiga’lek abu mban wonogwe, inayum yikkologwe kwe, ineebe aganggen aga’lek togwi mban inagabolo paga ninggirik wonogwe, yabu eekwi onggo kolagaatak kwe, ngga wangge negen age kogwe, eeko agaarik, yegerak o.
7 Togop me, at Omaawi Lombok Menggerak Aliku ALA nen ambinom ari logonet,
8 It eeginabit nage ti, iniki liippogo logowak o. Yogondak aret puut paga lagi nanuk, eyo nggubuninuk an nawi obaane’me wuri woraawak o. Ti wukwi iinok, an nale’nggen inombake, an nendage tiya ari kaawak nduk eeppiige, eeke logogin o, yinuk, Aliku ALA nen aret yegerak o.
9 At Omaawi Lombok Menggerak Aliku ALA nen ari logonet, Anggen ambik aret mbanggoloorak mbareegwaarak kwe, mbuuluk mban mbanggologwe, ndi, mbuuluk mban mbanggo’nok iname pi wogogwaarak nogo, o wiya nen wonok ma’naruwak nduk, eeppege
mbareegi, wonok mappege, eereegerak nogo ti, nonggop nduk eereegerak?
Ti eereegerak alom nogo ti, an nawi wurik langgu-langgu aago kagak, it inalitak lombok inawi wukkoloorak kenok mban iniki taganak eerit nugwi ti paga eereegirak o.
10 It eekwi paga mbogut paga nen mayu amburu wuppi waga’lek wonage, ndi, nggween amburu nen yi mendek ndi mendek anggen kole eerogo pega’- lek wonage, eeke agaarik o.
11 O yi nggween mbuk age, puut-puut eeri lek age, gandum yarak inom, eyo anggur anggen yugu inom, eyo tayitun anggen yugu inom, yi mendek ndi mendek nggween paga yarak abok aret kanenep age, aakumi inamili mbuk age, inaanggumi ineeruwak nuunggu ogwe, aakumi nen ambi kolaawok nduk, nggwiirit-nggwaarit eeko menggaarak kwe, ambi kolaga’lek aret wonogwe, eeruwak nduk, O kibi eeri woraawak o, yinuk, an nen aret wiireegirak, yegerak me, yokkiragi o,” yinuk, yoragagerak.
12 Yorage mbareegi, at Teyaletiyen aput Terubaben inom, aap Yotarak aput Ala unde inowe Yotuwa inom, it aakumi iniyokan wogogwaarak abok aret inom, Aliku inogoba Ala nen at yoge kagak yoraga Agayi wone yoraawak nduk, nappi wagagerak me, Aliku inogoba Ala yereegerak yoragagerak nogo, inaruk konenggo nogogwaarik, Aliku ALA paga inagabiti mbareegwaarak.
13 Inagabiti mbako mbareegwa, aakumi yoraawak nduk, Aliku ALA nen nappi wagagerak Agayi nogo nen at Aliku ALA yoreegerak nogo it yorage logonet, “At Aliku ALA nen, An ninom aret logogin, yegerak o,” yinuk, yoragagerak.
14 Yorage mbareegi, aap Teyaletiyen aput o Yekura unde menggerak Terubaben nogo inom, aap Yotarak aput Ala unde inowe Yotuwa nogo inom, it aakumi iniyokan wogogwaarak abok aret inom, Aliku ALA nen eeriyak inikime mambiige mbareegi, kuwak eeri wogo nogogwaarik, at Omaawi Lombok Menggerak inogoba Aliku Ala awi wuriyak nduk, pigaganeegwaarak.
15 Ti eereegwaarak nogo ti, aap Ndariyut endagembogut a’nuk, wone lengganogo yorage kagak, tahun ambi eeppunuk ambi eeke tut 5 penembunuk ambi penenak tanggal 24 paga Ala awi wuriyak nduk wareneegwaarak.
2 ALA AWI NGGET ABU IYA LOMBOK WURIYAK WONE
1 Tahun ti paga mban tut 6 penembunuk ambi penenak tanggal 21 ti paga, at Aliku ALA nen at yoge kagak yoraga Agayi nogo nen it aakumi yoraawak nduk, wone yoreegerak nogo yi aret.
2 “Kat nen at aap Teyaletiyen aput o Yekura unde menggerak Terubaben inom, at aap Yotarak aput an neebe unde inowe Yotuwa inom, it aakumi iniyokan wogogwaarak abok aret inom, wone yoroorak nogo yi aret.
_______________________________________________
1:13 Lin. 27:21, Mat. 28:20, Oro. 8:31 1:15 Eta. 4:24 2:3 Eta. 3:12, Yet. 60:7 2:5 Wund. 29:45-46 2:6 Ibr. 12:26
3 Aa’nduk Ala awi abu iya lombok wurik inigen kogo nogogwaarak aap ambi inenggela’me wonage ilik, lek a? Ndi, yogondak wukwi yi, nonggop kogo agaarik? Abe lek maluk wuko ogoorik, mbaka’lek agaarik ya?
4 Togop aret kwe, an Nomaawi Lombok Minggirak Naliku ALA ninom aret logogin me, at Terubaben ti, iniki nu’lek eeppunuk logowak o, yinuk, Aliku ALA nen yegerak nogo yoge, at Yotarak aput an neebe unde inowe Yotuwa ti, iniki nu’lek eeppunuk logowak o, yinuk, yegerak nogo yoge, ndi, it aakumi o time menggaarak nogo iniki kwippunuk, yabu eeko logowak o, yinuk, Aliku ALA nen yegerak nogo yorage, eeke logot o.
5 It o Metit nen wogoren wundi wage nagagirik, eeko logorak ninom wone abuk nggaruk togon koonogo pereegirak ti aret. An Naberiniki it inenggela’me wonage logogin me, inagabiti mbarugwaarik o.
6 Nomaawi Lombok Minggirak Naliku an ALA nen, Logonuk lek aret mbogut-nggween na’ndo-wa’ndo eeke, niyo nggwok yenggenak laut nogo inom, nggween endekenggwe wonage inom, akom langgonogo nappege,
7 yi aakumi ndi aakumi abok aret iniki a’nggan yumbuk yuwak nduk eeke, eeke neenok, it aakumi inanebunu lombok inamendek abok aret kabologo yime pi woramenggaarak nogo an nen waganogo nawi wurik me time pi unggwage neenok, nawi wurik yi, mondok tiyanak lombok me, aakumi, Wi! yogo logogun o, yinuk, Nomaawi Lombok Minggirak Naliku an ALA nen aret yagi o.
8 Mbuti perak inom, mbuti emas inom, ti an namendek aret o, yinuk, Nomaawi Lombok Minggirak Naliku ALA nen aret yagi o.
9 Nomaawi Lombok Minggirak Naliku ALA nen, An nawi aa’nduk wurik nogo ti, mbuuluk iya negen wurik wonagagerak kwe, yogondak wukwi yi perak, mondok iya lombok wuremenggaarak me, an nawi wurik me yime nen iniki ugun tayenak logowak nduk, eerogo piyaagin o, yinuk, Nomaawi Lombok Minggirak Naliku an ALA nen aret yagarak me yoret o,” yinuk, ari mbareegi, yoragagerak.
AT AGAYI NEN AAP ALA UNDE INOM WONE MBANEEGWAARAK WONE
10 At aap Ndariyut endagembogut a’nuk, wone lengganogo yorage kagak, tahun ambi eeppunuk, ambi eeke tut 8 penembunuk ambi penenak tanggal 24 ti paga, Aliku ALA nen at yoge kagak yoraga Agayi nogo, aakumi yoraawak nduk wone yoreegerak nogo yi aret.
11-12 “Nomaawi Lombok Minggirak Naliku an ALA nen, Aap ambi an nake alik leenak mendek warak mbanak ayuma yonggo’nuk wonok wage kagak, ayum wam mbanak yonggolak nogo paga oroti worarak a, mbiingga larak a, anggur amburu toolak a, tayitun amburu toolak a, yi mendek ndi mendek alik mendek larak a, mbaanggage kenok, ti paga yi mendek ndi mendek ti, alik leenak aret arigin ilik, lek a? yinuk, eeko logorak Muta nen liiru mbaneegerak nogo ngge o? yinuk, it aap neebe unde nogo kin wogiyet o, yinuk, Nomaawi Lombok Minggirak Naliku an ALA nen aret yagi o.” Yoreegerak nogo, at Agayi nen aap Ala unde nogo yorage mbareegi, “Togop arigin lek o,” yinuk, yoreegwaarak.
13 Yogo mbareegwa, at Agayi nen ambinom yorage logonet, “Ndi, aap ambi nen aap kanggerak eebe mbaanggage kenok, lu obaga aremenggerak me, yi mendek ndi mendek larak ti, mbaanggage kenok, yi mendek ndi mendek larak abok ti, lu labunik aret arigin ilik, lek a?” Yorage mbareegi, it aap Ala unde nogo nen, “Ti abet aret ubi! Lu aret arigin o.”
14 Yogo mbareegwa, at Agayi nen it yorage logonet, “At Aliku ALA nen, Ti kenok, an napuri yi inom, it an leenogo piyareegirak aakumi yi inom, it togop aret wonogwe iigi o. It yi eekak ndi eekak eerit nugwi inom, yi mendek ndi mendek nake pi wogwe inom, abok aret ti, maluk ogole warak aret agaarak wonage kagi, yegerak me, yokkiragi o,” yinuk, yoragagerak.
ALA AWI WUKWI IINOK, NALE’NGGEN INOBA PIYOORAK WONE
15 Yorage mbareegi, Ala nen ambi yoge logonet, “Togop me, Naliku ALA nawi wukwi yi, ogowa awo pit naga’lek kagak, aa’nduk nonggop negen wonogogwaarak nogo abeppunuk, ne yogondak yi nen aret nok, peebi eerit noorak nogo iniki liippit nogo logowak o.
16 Aa’nduk it aap nen gandum anggen 20 kuli wakkagak yonggoliyak mbakwi kwe, mbuuluk me, 10 mban wakkagak yonggokkologwe, ndi, anggur amburu 50 kuli wakkagak tooliyak mbakwi kwe, mbuuluk me, 20 mban wakkagak tookkologwe, eeko nogogwaarak nogo o.
17 It yabu nggwiirit-nggwaarit eerit nugwi paga anggen abe mbanggolookwak, anggen yugu waalo nen nengge, ogun eerogo pit nage, mayu kumulinggen nen yigirogo pege, eeruwak nduk, an nen nappi wagagirak paga, Yi ee’ninake iya, yinuk, iniyokan yungguninuk an mu’neren woroorak mbareegirak kwe, mu’neren woroolik aret eereegwaarak o, yinuk, Naliku ALA nen aret yagi o.
18 Aliku ALA awi wuriyak ogowa ne yogondak yi aret pogo o, yinuk, tut 9 penenak tanggal 24 ne yogondak yi kuli nen nok, eerit noorak nogo iniki liippit nogo logowak o.
19 O aa’nduk nen nok, yogondak kuli eyo anggur anggen inom, eyo wuli anggen inom, eyo delima anggen inom, eyo tayitun anggen inom, yega’lek aret wonage me, yariyak anggen awi pugu ambi wonage ilik, lek a? Liippuwak o. Wonage lek aret kwe, o yogondak yi kuli nen an nale’nggen inoba piige logonet, wogorage logogin, yegerak me, yokkiragi o,” yinuk, yoragagerak.
AT TERUBABEN EERIYAK YOREEGERAK WONE
(2:13 Lin. 19:11-22)
20 It aap Ala unde yoroorak, yoreegerak nogo yorage mbareegi, tut 9 penenak tanggal 24 ti paga mban at Aliku ALA nen at Agayi yoreegerak nogo yi aret.
21 “At o Yekura unde menggerak Terubaben nogo yoge logonet, Naliku ALA nen mbogut-nggween na’ndo-wa’ndo eeke,
22 it aakumi inoweewi inendagembogut kwi’ndak logonet, wone lengganogo yorogo menggam abut laganogo pege, it aakumi inambik inanebunu lombok inabu’- me piinok, wone lengganogo yorogo menggaarak inomaawi nogo, lek eerogo pege, inanggweendo abut laganogo wuppege logonet, aap wonok nega nogo u’ngguluk wuppege, eeke neegak, it-it inawooluwak paga wat-wat yogo logonet, inaguda inom, it kuda wonok nega nogo inom, inooremenggaarak kambit nogo logogun o.
23 At Omaawi Lombok Menggerak Aliku ALA nen ari logonet, Ne ti eyom paga an Naliku ALA nen at Teyaletiyen aput an nayeloman Terubaben nogo, nobaane’me wone lengganogo yorage logowak nduk, leenogo piminggirak me, amburu cap eekak aap endagembogut eenggi oolo paga yirik menggi kwak, an namberaarenggen negen at eenggi paga yippigin o, yinuk, Nomaawi Lombok Minggirak Naliku an ALA nen aret yagarak me yoru o, yinuk, yegerak me, yokkigi o,” yoreegerak.
At Ala nen yoge kagak yoraga Agayi nogo, Yetut awo nda’naga’lek kagak tahun lima ratus dua puluh age ti paga Ala nen yoge kenok, aakumi Iterali mendek yorage nagagerak nogo, mbuku yi paga liiru mbanak wonage.
Ne ti eyom it aakumi Iterali mendek o Mbaben mbo piya nogogwam nen iniyokan wogogwaarak iname kota Yerutalem inom, o Yekura inom, wonogo logonet, iname wukko’net nogo nogogwaarak kwe, Ala awi minogo pereegwaarak nogo, obaane’me wuka’lek minik aret wonage kagak tahun mande negen aret eeke mbareegi, at Ala nen it aap aakumi inarum menggaarak nogo obaane’me mbet-mbet wuruwak nduk, yoragagerak. “Ti wukwi kiinok, an nen kit aakumi Iterali mendek kiniki ngget mendek eerogo pinagage, kiniki ugun tayenak logomunggup nduk eerogo pinagage, kinomaluk lek eerogo pinagage, eerigin o,” yinuk, yoragagerak liiru mbanak wonage o.
____________________
AGAYI WONE
1 Ala awi obaane’me wuruwak nduk yoragagerak wone
1:1 Eta. 4:24-5:2, 6:14
1 Aap Ndariyut endagembogut a’nuk wone lengganogo yorage kagak, tahun ambit eeppunuk, ambi eeke tut 5 penembunuk ambi penenak tanggal 1 ti eyom paga, Aliku ALA nen at yoge kagak yoraga Agayi nogo Ala nen yoge kenok, at Agayi nen aap Teyaletiyen aput o Yekura unde wonage Terubaben nogo inom, aap Yotarak aput Ala unde inowe Yotuwa nogo inom, yoragagerak.
2 “At Omaawi Lombok Menggerak Aliku ALA nen yegerak nogo yi aret. It aakumi yi nen yogo logonet, Aliku ALA awi obaane’me wuriyak eyom awo panggoni waga’lek, yogwe, iigirak o, yinuk, yegerak me, yokkiragi o,” yoragagerak.
3 Yorage nagagerik, Aliku ALA nen at yoge kagak yoraga Agayi nogo it aakumi yoraawak nduk, yoge logonet,
4 “It an napuri ti, an nawi wurik langgu-langgu aago wonage kagak, it inawi eyo abe kigirikwe lombok paga nabenogo wuppunuk logorak eyom muk panggoni wagaarak ya? yinuk, yegerak o.
5 Ari nagaarik, at Omaawi Lombok Menggerak Aliku ALA nen ambinom ari logonet, It eeginabit nage nogo liippogo logowak o.
6 It awi ambik aret yakwi kwe, anggen mbuuluk mban mbanggologwe, inambi ndonggorogon nunggwi kwe, inaanoma’le aga’lek wonogwe, inaniyo ambik nunggwi kwe, ndonggoppiiga’lek abu mban wonogwe, inayum yikkologwe kwe, ineebe aganggen aga’lek togwi mban inagabolo paga ninggirik wonogwe, yabu eekwi onggo kolagaatak kwe, ngga wangge negen age kogwe, eeko agaarik, yegerak o.
7 Togop me, at Omaawi Lombok Menggerak Aliku ALA nen ambinom ari logonet,
8 It eeginabit nage ti, iniki liippogo logowak o. Yogondak aret puut paga lagi nanuk, eyo nggubuninuk an nawi obaane’me wuri woraawak o. Ti wukwi iinok, an nale’nggen inombake, an nendage tiya ari kaawak nduk eeppiige, eeke logogin o, yinuk, Aliku ALA nen aret yegerak o.
9 At Omaawi Lombok Menggerak Aliku ALA nen ari logonet, Anggen ambik aret mbanggoloorak mbareegwaarak kwe, mbuuluk mban mbanggologwe, ndi, mbuuluk mban mbanggo’nok iname pi wogogwaarak nogo, o wiya nen wonok ma’naruwak nduk, eeppege
mbareegi, wonok mappege, eereegerak nogo ti, nonggop nduk eereegerak?
Ti eereegerak alom nogo ti, an nawi wurik langgu-langgu aago kagak, it inalitak lombok inawi wukkoloorak kenok mban iniki taganak eerit nugwi ti paga eereegirak o.
10 It eekwi paga mbogut paga nen mayu amburu wuppi waga’lek wonage, ndi, nggween amburu nen yi mendek ndi mendek anggen kole eerogo pega’- lek wonage, eeke agaarik o.
11 O yi nggween mbuk age, puut-puut eeri lek age, gandum yarak inom, eyo anggur anggen yugu inom, eyo tayitun anggen yugu inom, yi mendek ndi mendek nggween paga yarak abok aret kanenep age, aakumi inamili mbuk age, inaanggumi ineeruwak nuunggu ogwe, aakumi nen ambi kolaawok nduk, nggwiirit-nggwaarit eeko menggaarak kwe, ambi kolaga’lek aret wonogwe, eeruwak nduk, O kibi eeri woraawak o, yinuk, an nen aret wiireegirak, yegerak me, yokkiragi o,” yinuk, yoragagerak.
12 Yorage mbareegi, at Teyaletiyen aput Terubaben inom, aap Yotarak aput Ala unde inowe Yotuwa inom, it aakumi iniyokan wogogwaarak abok aret inom, Aliku inogoba Ala nen at yoge kagak yoraga Agayi wone yoraawak nduk, nappi wagagerak me, Aliku inogoba Ala yereegerak yoragagerak nogo, inaruk konenggo nogogwaarik, Aliku ALA paga inagabiti mbareegwaarak.
13 Inagabiti mbako mbareegwa, aakumi yoraawak nduk, Aliku ALA nen nappi wagagerak Agayi nogo nen at Aliku ALA yoreegerak nogo it yorage logonet, “At Aliku ALA nen, An ninom aret logogin, yegerak o,” yinuk, yoragagerak.
14 Yorage mbareegi, aap Teyaletiyen aput o Yekura unde menggerak Terubaben nogo inom, aap Yotarak aput Ala unde inowe Yotuwa nogo inom, it aakumi iniyokan wogogwaarak abok aret inom, Aliku ALA nen eeriyak inikime mambiige mbareegi, kuwak eeri wogo nogogwaarik, at Omaawi Lombok Menggerak inogoba Aliku Ala awi wuriyak nduk, pigaganeegwaarak.
15 Ti eereegwaarak nogo ti, aap Ndariyut endagembogut a’nuk, wone lengganogo yorage kagak, tahun ambi eeppunuk ambi eeke tut 5 penembunuk ambi penenak tanggal 24 paga Ala awi wuriyak nduk wareneegwaarak.
2 ALA AWI NGGET ABU IYA LOMBOK WURIYAK WONE
1 Tahun ti paga mban tut 6 penembunuk ambi penenak tanggal 21 ti paga, at Aliku ALA nen at yoge kagak yoraga Agayi nogo nen it aakumi yoraawak nduk, wone yoreegerak nogo yi aret.
2 “Kat nen at aap Teyaletiyen aput o Yekura unde menggerak Terubaben inom, at aap Yotarak aput an neebe unde inowe Yotuwa inom, it aakumi iniyokan wogogwaarak abok aret inom, wone yoroorak nogo yi aret.
_______________________________________________
1:13 Lin. 27:21, Mat. 28:20, Oro. 8:31 1:15 Eta. 4:24 2:3 Eta. 3:12, Yet. 60:7 2:5 Wund. 29:45-46 2:6 Ibr. 12:26
3 Aa’nduk Ala awi abu iya lombok wurik inigen kogo nogogwaarak aap ambi inenggela’me wonage ilik, lek a? Ndi, yogondak wukwi yi, nonggop kogo agaarik? Abe lek maluk wuko ogoorik, mbaka’lek agaarik ya?
4 Togop aret kwe, an Nomaawi Lombok Minggirak Naliku ALA ninom aret logogin me, at Terubaben ti, iniki nu’lek eeppunuk logowak o, yinuk, Aliku ALA nen yegerak nogo yoge, at Yotarak aput an neebe unde inowe Yotuwa ti, iniki nu’lek eeppunuk logowak o, yinuk, yegerak nogo yoge, ndi, it aakumi o time menggaarak nogo iniki kwippunuk, yabu eeko logowak o, yinuk, Aliku ALA nen yegerak nogo yorage, eeke logot o.
5 It o Metit nen wogoren wundi wage nagagirik, eeko logorak ninom wone abuk nggaruk togon koonogo pereegirak ti aret. An Naberiniki it inenggela’me wonage logogin me, inagabiti mbarugwaarik o.
6 Nomaawi Lombok Minggirak Naliku an ALA nen, Logonuk lek aret mbogut-nggween na’ndo-wa’ndo eeke, niyo nggwok yenggenak laut nogo inom, nggween endekenggwe wonage inom, akom langgonogo nappege,
7 yi aakumi ndi aakumi abok aret iniki a’nggan yumbuk yuwak nduk eeke, eeke neenok, it aakumi inanebunu lombok inamendek abok aret kabologo yime pi woramenggaarak nogo an nen waganogo nawi wurik me time pi unggwage neenok, nawi wurik yi, mondok tiyanak lombok me, aakumi, Wi! yogo logogun o, yinuk, Nomaawi Lombok Minggirak Naliku an ALA nen aret yagi o.
8 Mbuti perak inom, mbuti emas inom, ti an namendek aret o, yinuk, Nomaawi Lombok Minggirak Naliku ALA nen aret yagi o.
9 Nomaawi Lombok Minggirak Naliku ALA nen, An nawi aa’nduk wurik nogo ti, mbuuluk iya negen wurik wonagagerak kwe, yogondak wukwi yi perak, mondok iya lombok wuremenggaarak me, an nawi wurik me yime nen iniki ugun tayenak logowak nduk, eerogo piyaagin o, yinuk, Nomaawi Lombok Minggirak Naliku an ALA nen aret yagarak me yoret o,” yinuk, ari mbareegi, yoragagerak.
AT AGAYI NEN AAP ALA UNDE INOM WONE MBANEEGWAARAK WONE
10 At aap Ndariyut endagembogut a’nuk, wone lengganogo yorage kagak, tahun ambi eeppunuk, ambi eeke tut 8 penembunuk ambi penenak tanggal 24 ti paga, Aliku ALA nen at yoge kagak yoraga Agayi nogo, aakumi yoraawak nduk wone yoreegerak nogo yi aret.
11-12 “Nomaawi Lombok Minggirak Naliku an ALA nen, Aap ambi an nake alik leenak mendek warak mbanak ayuma yonggo’nuk wonok wage kagak, ayum wam mbanak yonggolak nogo paga oroti worarak a, mbiingga larak a, anggur amburu toolak a, tayitun amburu toolak a, yi mendek ndi mendek alik mendek larak a, mbaanggage kenok, ti paga yi mendek ndi mendek ti, alik leenak aret arigin ilik, lek a? yinuk, eeko logorak Muta nen liiru mbaneegerak nogo ngge o? yinuk, it aap neebe unde nogo kin wogiyet o, yinuk, Nomaawi Lombok Minggirak Naliku an ALA nen aret yagi o.” Yoreegerak nogo, at Agayi nen aap Ala unde nogo yorage mbareegi, “Togop arigin lek o,” yinuk, yoreegwaarak.
13 Yogo mbareegwa, at Agayi nen ambinom yorage logonet, “Ndi, aap ambi nen aap kanggerak eebe mbaanggage kenok, lu obaga aremenggerak me, yi mendek ndi mendek larak ti, mbaanggage kenok, yi mendek ndi mendek larak abok ti, lu labunik aret arigin ilik, lek a?” Yorage mbareegi, it aap Ala unde nogo nen, “Ti abet aret ubi! Lu aret arigin o.”
14 Yogo mbareegwa, at Agayi nen it yorage logonet, “At Aliku ALA nen, Ti kenok, an napuri yi inom, it an leenogo piyareegirak aakumi yi inom, it togop aret wonogwe iigi o. It yi eekak ndi eekak eerit nugwi inom, yi mendek ndi mendek nake pi wogwe inom, abok aret ti, maluk ogole warak aret agaarak wonage kagi, yegerak me, yokkiragi o,” yinuk, yoragagerak.
ALA AWI WUKWI IINOK, NALE’NGGEN INOBA PIYOORAK WONE
15 Yorage mbareegi, Ala nen ambi yoge logonet, “Togop me, Naliku ALA nawi wukwi yi, ogowa awo pit naga’lek kagak, aa’nduk nonggop negen wonogogwaarak nogo abeppunuk, ne yogondak yi nen aret nok, peebi eerit noorak nogo iniki liippit nogo logowak o.
16 Aa’nduk it aap nen gandum anggen 20 kuli wakkagak yonggoliyak mbakwi kwe, mbuuluk me, 10 mban wakkagak yonggokkologwe, ndi, anggur amburu 50 kuli wakkagak tooliyak mbakwi kwe, mbuuluk me, 20 mban wakkagak tookkologwe, eeko nogogwaarak nogo o.
17 It yabu nggwiirit-nggwaarit eerit nugwi paga anggen abe mbanggolookwak, anggen yugu waalo nen nengge, ogun eerogo pit nage, mayu kumulinggen nen yigirogo pege, eeruwak nduk, an nen nappi wagagirak paga, Yi ee’ninake iya, yinuk, iniyokan yungguninuk an mu’neren woroorak mbareegirak kwe, mu’neren woroolik aret eereegwaarak o, yinuk, Naliku ALA nen aret yagi o.
18 Aliku ALA awi wuriyak ogowa ne yogondak yi aret pogo o, yinuk, tut 9 penenak tanggal 24 ne yogondak yi kuli nen nok, eerit noorak nogo iniki liippit nogo logowak o.
19 O aa’nduk nen nok, yogondak kuli eyo anggur anggen inom, eyo wuli anggen inom, eyo delima anggen inom, eyo tayitun anggen inom, yega’lek aret wonage me, yariyak anggen awi pugu ambi wonage ilik, lek a? Liippuwak o. Wonage lek aret kwe, o yogondak yi kuli nen an nale’nggen inoba piige logonet, wogorage logogin, yegerak me, yokkiragi o,” yinuk, yoragagerak.
AT TERUBABEN EERIYAK YOREEGERAK WONE
(2:13 Lin. 19:11-22)
20 It aap Ala unde yoroorak, yoreegerak nogo yorage mbareegi, tut 9 penenak tanggal 24 ti paga mban at Aliku ALA nen at Agayi yoreegerak nogo yi aret.
21 “At o Yekura unde menggerak Terubaben nogo yoge logonet, Naliku ALA nen mbogut-nggween na’ndo-wa’ndo eeke,
22 it aakumi inoweewi inendagembogut kwi’ndak logonet, wone lengganogo yorogo menggam abut laganogo pege, it aakumi inambik inanebunu lombok inabu’- me piinok, wone lengganogo yorogo menggaarak inomaawi nogo, lek eerogo pege, inanggweendo abut laganogo wuppege logonet, aap wonok nega nogo u’ngguluk wuppege, eeke neegak, it-it inawooluwak paga wat-wat yogo logonet, inaguda inom, it kuda wonok nega nogo inom, inooremenggaarak kambit nogo logogun o.
23 At Omaawi Lombok Menggerak Aliku ALA nen ari logonet, Ne ti eyom paga an Naliku ALA nen at Teyaletiyen aput an nayeloman Terubaben nogo, nobaane’me wone lengganogo yorage logowak nduk, leenogo piminggirak me, amburu cap eekak aap endagembogut eenggi oolo paga yirik menggi kwak, an namberaarenggen negen at eenggi paga yippigin o, yinuk, Nomaawi Lombok Minggirak Naliku an ALA nen aret yagarak me yoru o, yinuk, yegerak me, yokkigi o,” yoreegerak.
Mbuku Agai
BalasHapus