Mbuku Ndawi Iya Wone mbanak yi paga kumi iniki kunik aganako logorak wone mbanak wonage o. Ndi, mbuku yi, kwe-aap imbirak ndawi onggoonggo wako logonet, at aap ari kenok, ti’nuk, kwe ari, kwe ari kenok, ti’nuk, aap ari, eeko logonet, ndawi wakwi nogo mbanak wonage. Mbuku mbanak ayat 1 yi paga, “At Talomo nen ndawi pereegerak,” liiru mbanak wonage me, “Mbuku Ndawi Iya Mbanak wone yi ti, at Talomo Endawi aret o,” yinuk, yogo menggaarak. Ndawi Iya Wone mbanak yi paga it aakumi nen yogo logonet, “Ala inom, at apuri inom, iniki kunik menggaarak ti, yogobi aret,” yinuk, yogwe, ndi, it aap iniki abet mba’nuk, kuwak eeko menggaarak nen, “Nit Keritut ninom togop aret kunik logowok o,” yinuk, yogwe, eeko menggaarak. ------------------------
Pasal 1
1 Ndawi abok tebenak kagak, aap Talomo nen ndawi ambi abu tiyanak lombok pereegerak yi aret.
NDAWI AA’NDUK WAREEGWAARAK WONE
Kwe nen ari
2 Anggur amburu noorak inikilom mbakwi ti, iya negen kwe, kiniki kunik ee’nakak eeke ti, iya lombok me, An nagandin keyak mbannakak eeke logot o.
3 Obari kagabolo paga aago ti, abu aberogon aret o. Kendage ti, obari abe eeka kilirik kwak aret wonage me, Komologwe tawe abok aret iniki kunik eekkako agaarik o.
4 Togop me, nit mbet-mbet nawok nduk, an kat kambokan woraakit nen, “Omok o,” yo’niru o. Nowe kendagembogut yi wae. An wo’neren kago ogoorak me pani wagandak wonage agarik o. Kwe orewologwe nen aap nogo yogwi Kat keenok, ninale’nggen nggwok lombok mbakwi, Kat eeke keenok, niniki ale’nggen alik negen kogwe, Anggur amburu noorak ninikilom mbuuluk mbakwi kwe, kat ninoreeluk abuwa nen kiniki kunik eekendak paga kat tiyappagagwi, Eeko ogoorik o. Kwe nen ari It komologwe kat tiyappagarak ti abu obeelom aret o.
5 O Yerutalem aagalogwe komologwe yi wae. An ti, neebe mili aret kwe, kigirikwe aret agarik o. Aap Kerat mendek inawooliya wurik mili kwak, Aap Talomo awi yum pugagi ambe mbanak me tugunik menggi kwak, An togop aret wonage agarik o.
6 An neebe mili me, ndi, Mo eyak nen neebe mili eerogo panegerak me, Kinigen malik-malok ee’nakwi ti mage o. An nawurilogwe-nowewologwe nen an mbe’nugu logonet, Anggur awi yarak me arum logokit nduk nappanegaarak kagak, Arum logonet, an neyabu anggur yarak me arum wonaga’lek eraangge mbo pigirak o.
7 Kat an niniki kunik lombok eekkake nore yi wae. Kaanggumi ndomba wogoren nege menggenom nggeeme wonage? O liingge kaanggumi ndomba wimbiinok menggenom nggeeme wonage? Eeke nogo an yo’niru o. Kat koreewi inaanggumi wogoren nugwi iigak, kat inenggela’me wonage keyo, kwe mbabilu kwak an nen ya pekkeegak nda pekkeegak nege logorak op mbaken?
Aap nen ari
8 Kumi inenggela’me kolaga abu kigirikwe lombok kat yi, Kat keenggo’lek kenok, ndomba iniyok pit nogwe nogo muguren nage, Ndomba ndegeninaka inawooliya wurik me koorok time kaanggumi kambin inaagalogwe nogo ndegeninabit nage, Eeke logot o.
9 Kat nore aberogon yi wae. Wakkagak ambi yokkiri o. At aap o Metit mendek endagembogut anggweendo wim eeka nen kuda kooli nikkenok nawak nduk, imbirak keele pugunik kwak kat aret agandik o.
10 Kagandin paga abu kigirikwe lombok kobaanggi-kobaangge eerak wonage, Kenggaanok me kayiinggin-kayiinggen ngginuk aago wonage, Eerak me,
11 Nit nen mbuti emas paga karuk ayo eerogo pagago logonet, Irip me mbuti perak anep yarogo pogo logogun o.
Kwe nen ari
12 Kat nogoba kendagembogut kageyo ndoonak paga kwi’- ndak keegak, Obari eeka noba aago nogo obari wiganinuk naga o.
13 Nelak aru-ogwe kagak oolo nggami ninikinggup me pugunik obari abe eeka kwak kat niniki kunik yi, togop aret wonage,
14 O En-Nggeri anggur yarak me tuunggen mendaarak kwak kat niniki kundugu yi, togop aret wonage, Eeke agandik o.
Aap nen ari
15 Kat nore aberogon yi, abu kigirikwe lombok wonage, Kat keebe abu abet aret kigirikwe wonage, Ndi, kenegen ti, towe puume enegen waanggo kwak wonage, Eerak agandik o.
Kwe nen ari
16 Kat niniki kunik yi, keebe puluk lombok tawe wonage, Koone yanggik-yanggok yo’nege, Eeke menggendak me, Nimbirak iri’ngga mili abe ndoonak paga ninoba nabuk-nabak winnogo logogun o.
Aap nen ari
17 Nit ninawi ti, eyo nggabina arelen paga wurabak wurik wonage, Ninawi pelan nogo ti, eyo ndiindi paga warak wonage, Eerak menggerak o.
Pasal 2
Kwe nen ari
1 An ti nggalooli anggen o Taron mendek kwak, Waambi anggen o kobappaga mendek kwak, aret agarik o.
Aap nen ari
2 Waambi anggen yugu alok-palok enggela’me wonage menggi kwak, Kat nore aberogon yi, it komologwe inenggela’me togop aret wonage agandik o.
Kwe nen ari
3 Yi eyo ndi eyo eyonggaame wonage enggela’me eyo anggen abe wonage menggi kwak At niniki kunik eebe ti, wologwe tawe inenggela’me togop aret menggerak o. At angguna’me kwi’nariyak ninikilom mbake, At anggen ti, ombat abe lombok kage, Eeke minggirak o.
4 Laago lakwi me, an wo’neren pani nagaarak wonage, “Niniki kunik yi aret o,” yinuk, wam mbanogo nowagam pani wage, Eekerak o.
5 Togop aret me, “Nore o,” yinuk, niniki nggilu nirit unggwage logonet, nomaawi lek ee’nake me,Anggur anggen wolonak nenok nomaawi eeruwak nduk eeppanugwi, Eyo anggen abe paga noba tayenogo panugwi, Eeko logonip o.
6 At eenggi kwaare’nggan paga nanep mbambaninuk wonage, Eenggi abe’nggan paga lamoppaninuk wonage, Eerak kwak agarik o.
7 O Yerutalem aagalogwe komologwe kit yi wae. Kijang inom, rusa kooli penaame mendek inom, aap inoone yogonok lalok yogo mengga kwak eerukwak, “At iniki kunik imbirak inoba tayok yaga’lek iigak, ninoone yoraagun lek o,” yinuk, kumbuk mbaninip o.
NDAWI AMBI WAPPUNUK, AMBI WAREEGWAARAK WONE
8 Komologwe kinabulok o! Niniki kunik oone agan wage ti, koneninip o. Puut-puut paga ku’mbo wanggak wage, Puut teberogon paga mbo laganggak wage, Eerit wage yi, kaanip o.
9 Niniki kunik eeke ti, Kijang kwak, rusa aagaluk kwak, wonage menggerak o. Nawi kobat nabenak unggu’me at eebe mi’ndak wonage, Ena pugagi mbanak me ya managak nage, Eyo karo-karo mbaro-karo aago eno mbanak me enggaanok wonok ari, Eeke ti, kaanip o.
10 Niniki kunik eeke nogo nen wone an yo’nege logonet, “Nore aberogon yi, mi’naru o. Nore abu kigirikwe yi, nawok nen omok o.
11 O togwi ambik eeke nogo muk lek age, Mayu wage nogo abu aret mbangge, Eekerak me, kenegen pekket o.
12 O nggween paga yime anggen laambu yugu kogwe, Ndawi wariyak agaarak me, ndawi wakwi, Ninanggween paga yime towe puume inambe man-man yogo logonet, inoone yogwe konenggwi,
13 Eyo wuliinggen yikit nduk eeke kogwe, Anggur ambit-mbit warit wage logonet, obari abe wigangge kogwe, eekwi me, Nore aberogon yi, mi’na’nuk omok o. Nore abu kigirikwe yi, nawok nen omok o,” Yinuk, yo’negerak o.
Aap nen ari
14 Yugum ambe nggaganak puut eegwa’me narowe puume kumaarak wonage me, Kat kenete abu kigirikwe me, keyaakit nen kin age, Koone abu abe me, konenikit nduk, koone ari, Eeke logot o.
15 Nit ninageyo anggur awi yarak ambit-mbit wake me, Mba’ngge nen eyo anggur yarak maluk eerogo pit nogwe ti, piginake, Mba’ngge mbuulogwe ti, piginake, Eeke logot o!
Kwe nen ari
16 An niniki kunik eeke ti, eebe an mendek wonage, Ndi, an neebe ti, at mendek wonage, Eeko ogoorik o. Waambi anggen yugu enggela’me andomba ndegeninake agaarik o.
17 O wiya kubondendok wage logonet, inagalu’mak awo lek eerogo pega’lek kagak,At an niniki kunik yi, iyokan neya wage, Kijang inom, rusa aagalogwe inom, puut tiyak-tebek kagak nggare agan nugu mengga kwak, Mbe agan nowagam wage, Eeruwak lak, “Ao,” mbake agarik o.
Pasal 3
1 Oonikiya an nogo yege minggim logonet, At an niniki kunik eeke nogo, “Mandenom woramenggi?” yinuk, tokkagarak o. Niniki luunik tokkage wonagarak kwe, nowagam waga’lek aret kagarak o.
2 Waga’lek kenok, an nen mbake logonet, “An mi’nage logominggirik, o kota yengget-wangget tu nggwok paga inom, wone mbanggo menggam tinime inom, kwaarit wundi nage, At niniki kunik nogo wonage kero, kwaarit nage, Eerikit o,” Yinuk, mi’na’nuk, kwaari wunggirak kwe, eebe lek aret kagarak o.
3 Kage nagarik, awo kwaarit nage me, it aap o kota arum waka nen tum warit nogo logonet, neego mbaka, an nen it yorage logonet, “At niniki kunik eeke nogo kinigen kogotak ilik?” yoraanuk,
4 Logonuk lek aret it mbo piinok, at niniki kunik eeke nogo kwaakkage nagarik, eebe pippunuk, At mbo pega’lek wonok nugwa nagalo ame nanuk, At nda’nake nagagim o ko ogoorak me unggwi nagarak o.
5 O Yerutalem aagalogwe komologwe kit yi wae. Kijang inom, rusa kooli penaame mendek inom, aap inoone yogonok lalok yogo mengga kwak eerukwak, “At iniki kunik imbirak inoba tayok yaga’lek iigak, ninoone yoraagun lek o,” yinuk, kumbuk mbaninip o.
NDAWI MBERE WAPPUNUK, AMBI WAREEGWAARAK WONE
Kwe nen ari
6 Nggami inom, obari eeka aap kunggo menggaarak nen nenggelak-kenggelak eekwi obari abe kaga inom, Oba eerak yugum ka’luk kwit agan lagangge menggi kwak O karume nen eerit wage ti, ta o?
7 Lek o. Aap Talomo anggweendo paga wage kagak, it aap Iterali nagawan-nagawan wim eeka wakaa’ngget ineebe 60 nen wonok wogwe ti aret me, pegiyaanip o.
8 It abok aret ti, oonikiya inamineeri ne agan naga mendek nen aganake kero, Inalitik-inalitak wim inigen amburu mbanak nen mbuti wooluwak li’luk eeppunuk wogwe, Mbuti wooluwak ineenggime nutik wogwe, Eeko agaarik o.
9 Aap endagembogut Talomo nen aret at anggweendo ogobakkigirogo pake, Eyo Libanon mendek paga ogobakkigike, Eeke logonet,
10 Anggweendo irip-irip mippereegerak nogo ti, Mbuti perak paga ogobakkigirogo pege, Abena ti, mbuti emas paga ogobakkigirogo ndoongge, At kwi’nagak ti, maangga kunik paga nabenogo pege, Eeke mbareegi, O Yerutalem aagalogwe komologwe nogo nen inowe endagembogut iniki kunik me, Nggweendo inikime obaanggiobaangge li’luk eerogo pereegwaarak nogo aret wage me,
11 O Tiyon aagalogwe komologwe yi wae. Wundi wa’nip o. Wundi wa’nuk, kinowe endagembogut Talomo nogoAt akwe lambumbuurak eyom paga, At iniki ale’nggen ariyak eyom paga, At agalo nen enggare-nggare yirippege ti, kinigen pekkaanip o.
Pasal 4
Aap nen ari
1 Nore abu aberogon yi, kat abu kigirikwe me iya o! Kat abet aret kigirikwe lombok wonage, Kenegen yum paga nobarak wonage nogo ti, towe puume enegen waanggo kwak aret wonage, Keeruwak ti, kambin puut Nggileyat paga nen ineeruwak yaganak- taganak eerit wambi wogo mengga kwak wonage,
2 Keyak ti, ndomba ineeruwak abu mbambunuk ngguu’mo wappiigaatak lan agan lagi wogo mengga kwak wonage, Ndomba aagaluk kulu’mbere ndarak me, ambit kobak aga’- lek imbirak inaani ndegenak kwak wonage,
3 Kambe irip ti, keele maangga kunik kwak abe wonage, Kambe ti, nggawi paga nonggolak negen wonage, Kayum nobarak kagandin ti, eyo delima anggen poorak kwak koolo-koolo aago wonage,
4 Kenggaanok ti, wim eeka yi mendek ndi mendek pegak at Ndawut nen o abe nggorek wureegi kwak wonage, O time aap wakaa’ngget inanggeemu seribu tugunik kwak, kayiinggen togop aret yirik wonage,
5 Kelak mbere ti, rusa aagalogwe mbere kwak wonage, Kijang aagalogwe kulu’mbere waambi anggen enggela’me iri’ngga nenet nugwi kwak wonage, Eerak menggendak o.
6 O wiya kubondendok warit wage logonet, inagalu’mak awo lek eerogo pega’lek kagak, An nen puut eyo nggami ambik wonage menggim lagi nage, Puut obari abe kaga menggim lagi nage, Eerigin o.
7 Kat nore abu aberogon yi, Kenete kigirikwe lombok wonage, Keebe paga kawiindi-kawiinde eerak lek abu abe wonage, Eerak menggendak o.
8 Nore yi wae. Kat nimbirak lambumbinaniyak aret me, puut Libanon nen omok o. Puut Libanon nen wambi wage, Puut Amana kirin paga nen wambi wage, puut Tenit, Keremon kirin paga nen wambi wage, Yugum ambena singa wonogo menggam nen wambi wage, Mba’ngge kwak macan iname eyonggaame nen wambi wage, Eeru o.
9 Niriluk o. Noreeluk o. Niniki abu mbanggen o. Kenegen ne ambit pilak yagandak paga, Kenggaanok me kayiinggen mendaarak ambiriluk pindanggegerak paga, Niniki mbanggendak o.
10 Niriluk o. Noreeluk o. Kiniki kunik ee’nake me, nale’- nggen ambik ee’nake, Anggur amburu noorak ti, ninikilom aret kwe, Kiniki kunik ee’nake ti perak, ninikilom nggwok lombok mbake minggirak o. Obari abe eeka obari ti, ninikime mbuuluk yo agan nage kwe, Obari abe koba aago nogo ti, ninikime mondok yo agan unggwage menggerak o.
11 Kwe noreeluk yi wae. Nggiin ta’mbanak me nen amburu puk wanggak eeke menggi kwak, kambe paga nen koone aberogon ari, Nggiin amburu kwak, elak amburu kwak, kamili abu’me wonage,Puut Libanon obari abe menggi kwak, kayum obari abe wonage, Eeke keegi o.
12 Niriluk o. Noreeluk o. Kat yabu yarak u narak kwak wonage, Keebe yi eneeri non mbanogo punuk, kugi pugu kwak wonage,
13 Kat keyabu yarak ti, anggen mbilanit nage nagaatik, eyo delima mban yabu yarak me wundit nage, Anggen ombat abe mban yit nage, Tuunggen inom, obari abe eeka narwastu inom,
14 Obari abe narwastu inom, kiinde negen kunyit inom, en inom, eyo nggami inom, obari abe kaga etenggen lombok abok aret inom, yibinggami inom, eyo ni inom, Ombat abe eeka at mendek mban abok wundit nage, Eereegi kwak, Kat keebe togop aret wonage,
15 Yabu yarak me niyo eneeri abe kilanogo wumbit nage, Puut Libanon paga nen niyo ngganggik-ngganggok wambit wage, eeke menggi kwak wonage, Eerak menggendak o.
Kwe nen ari
16 O wiya o omarip paga pa’nggwe waka wae. Mi’naru o. O wiya o ame pa’nggwe waka yi wae. Omok o. An neyabu yarak me obari abe wonage nogo wiganinuk nawak nen warit wage logot o. At an niniki kunik eeke yi, eyabu yarak me unggwi wage, Eyo anggen ombat abe yit nage nogo at nengge, Eeke logowak o.
Pasal 5
1 Aap nen ari
Niriluk o. Noreeluk o. An neyabu me unggwi nage, Namendek obari abe kaga kuwak eeke logonet, nggami inom kuwak eerogo pege, Nanggiin ta’mbanak inom, nanggiin amburu inom, nengge, Nanggur amburu inom, nayilak amburu inom, nengge, Eekirak o. Komologwe nen it yorogwe Togop me, niniri-ninore yi wae. Mbi nunggwi, anggur amburu nunggwi, ee’nip o. Amburu ndonggorogon nenok, inale’nggen aganake menggi kwak, niniki-kiniki kunik logonet, kinoba ndonggo yuwak nduk eerit nogo logonip o.
NDAWI KENAGAN WAPPUNUK, AMBI WAREEGWAARAK WONE
Kwe nen ari
2 An nogo yege logonet kwe, niniki woonik mban wonage me, Oone ari negen naruk konembunuk, “A puk! Ti an niniki kunik nogo nen tu puk-puk eeke kwa?” mbake neegak, At nen ari logonet, “Niniki kunik eekkake niriluk wae. Kat an narowe puume kwak, koba ambi aga’lek kigirikwe wonage o. An nanobak paga konaananggen luurogo pege, Oonikiya neeruwak paga miin anggen luuke, Eekerak me, tu paa’neyet o.”
3 Yo’nege mbaki, an nen, “Nayum abu nggoorogo punuk nonggoti eerogo yikkolage, Niyok abu koorogo punuk, nonggoti eerogo mili eekkolage, Eeriyak mbaken?”
4 Yoge mbaki, at an niniki kunik eeke nen tungga enoona eenggi mambunuk, tu paarikit nduk lin wake kagak,Niniki ponok-ponok eeke logonet,
5 At niniki kunik nogo ake tu paarogo pikit nduk, neenik a’nuk, Nggami amburu neenggime nen puk wanggak negen eeke, Nggami ogogwe neenggime nen nggalo agan tungga’nggi agale paga negen labuni nage, Eeke kagak,
6 At niniki kunik eeke ake tu paarogo pigirak kwe, At eebe eenggi-iyok lek, lek aret agaarak kagarak o. Oone yo’negerak nogo, “Konenikit lak ao,” mbakirak kwe, Mbaganggerak mbaki, an nen kwaakirak kwe, at eebe kaga’- lek aret wonage, Wiigirak kwe, oone yo’nega’lek aret wonage, Eekirak o.
7 Awo eerit nage me, it aap o kota yengget-wangget tum waka nen kwaa’neego nagaarik, An nookwi, namiya timbo eerogo panugwi, It o kota yugum pak wurik arum waka ti nen yum nanobak paga nobakkolaga nogo ndinggologwe, Eekaarak o.
8 O Yerutalem aagalogwe komologwe yi wae. Kit nen at an niniki kunik eeke nogo kogwe kenok, nonggop yorumunggup o? “Lek o! At kiniki kunik nogo nen kimbirak lambuniyak iniki nggilu ari mban kogoorak, yorugun o, Yinuk, kumbuk mbanogo an yo’ninip o.”
Komologwe nen at yogwi
9 Yi kumi ndi kumi kigirikwe iigak, kat abu kigirikwe lombok yi wae. Yi aap ndi aap iigak, at kat kiniki kunik eeke ti, at nonggop kenok, koone togop ari, Yi aap ndi aap iigak, at nonggop kenok, kumbuk mbaniyak yo’nirage, Eeke agandik o?
Kwe nen ari
10 At niniki kunik ti, Enete teretak wonage, etenggen mbeyo aago tawe wonage, Aap sepuluh ribu wonogwe inenggela’me at tiyanak lombok wonage,
11 Anobak mbuti emas at mendek mban kwak wonage, Eeruwak towe ya’ngge-ya’ngge eeruwak mili nogu eerak kwak yoguk-yagak ari,
12 At enegen ti, towe puume niyo eneeri wungge me, yilak amburu paga ngguu’mo wappunuk, ako tebembunuk enegen aago menggi kwak wonage,
13 Agandin ti, obari abe eeka yabume yarak kwak wonage, At ambe ti, waambi anggen laambu kwak logonet, oone nggami amburu puk wanggak eeke kwak ari,
14 At obaak ti, mbuti emas paga yugum kere’li-kere’lo eerak kwak abu kigirikwe wonage, At agabolo ti, yugum yebibit meeli anggup paga nabenak kwak wonage,
15 At owak mbelan ti, yugum muuni paga ogobakkigippunuk, iyok mbuti emas paga kwi’- ndak menggi kwak wonage, At eebe ti, eyo nggabina yereknggorek abu obeelom o Libanon menggi kwak wonage,
16 Oone ari ti, abu abe yanggikyanggok ari, At eebe paga inom, eerit nage paga inom, abok aret abu aberogon wonage, Eerak menggerak o. O Yerutalem aagalogwe komologwe yi wae. At noreeluk niniki kunik eeke nogo ti aret me yagi o.
Pasal 6
Komologwe nen yogwi
1 Kumi ando iigak inenggela’me abu kigirikwe kat yi wae. At kiniki kunik eeke nogo nggeeme naga o? Ninom kwaarit nawok nen at kiniki kunik eeke nogo tu ngge paga nagaarak o?
Kwe nen ari
2 At niniki kunik nogo muk eyabu yarak me nagaarak o. Nage nagaarik, obari abe eeka yarak enggela’me andomba ndegeninabit nege, Waambi anggen mbanit nege, eerikit nduk, nagaarak o.
3 An niniki kunik eeke ti, eebe an mendek wonage, ndi, An neebe ti, at mendek aret wonage, eeko ogoorik o. Waambi anggen yugu enggela’me ndomba ndegeninake agaarik o.
NDAWI 4 WAPPUNUK, AMBI WAREEGWAARAK WONE
Aap nen ari
4 Kat ti, kota Tirita kwak abu kigirikwe nore abu aberogon wonage, Kota Yerutalem kwak keebe abu amini mbanak tawe wonage, Eerak me, Aap ineegin warak nen ndiimbu ogop mendaarak ineenggime wonok nogwe iinok, “Wi,” irogo mengga kwak, Keebe togop aret keenok, “Iya,” yinuk, pi wakkake agarik o.
5 Pe’neege keenok, niniki lek-lek ee’nabit unggwage me, kena logu yu o. Keeruwak ti, kambin puut Nggileyat paga nen ineeruwak yaganak- taganak eerit wambi wogo mengga kwak wonage,
6 Keyak ti, ndomba ngguu’mo wappiigwi iinok, lagi wogo mengga kwak wonage, Ndomba aagaluk kulu’mbere ndarak me, ambit kobak aga’- lek imbirak inaani ndegenak kwak wonage,
7 Kayum kagandin nobarak ti, eyo delima anggen poorak kwak koolo-koolo aago wonage,
8 Nendagembogut nakuwi 60 wonogwe, nakuwi luulu wogo 80 wonogwe, Komologwe aap kigin wogonaka’- lek ineebe ambik ineenggi lingginiyak meek lombok wonogwe, Eerak menggaarak kwe,
9 Kat narowe puume kwak koba ambi aga’lek keebe abu kigirikwe alik mbeenak aret menggendak o. Kat kagalo aagaluk ambolom ndakkabeegerak me, kabuwa lombok mbake menggerak o. Komologwe korewologwe nen inigen keenok, “Kale’nggen o,” yinuk, yokkugwi, Nendagembogut an nakuwi abe wogo inom, luulu wogo inom, nogo nen kat tiyappagagwi, Eeko agaarik o.
10 O kilim nagake menggi kwak, tut penengge menggi kwak, oonegen komeninuk lagi wage menggi kwak, Laaluguragan tek kunggun arit nage kenok, pi wako mengga kwak, wage ti ta mbaken o?
11 An woromoolome nage nagarik, o kobappaga woromo nogo logonak kero nenegen pekkenet nege, Eyo anggur ambit-mbit wake kero, malenit nage, Eyo delima ayo wake kero, nenegen liippit nage, Eeke logonet,
12 Aap nggweendo wim eeka nen wim eeri wundi noorak iniki ale’nggen mbake menggi kwak, Nimbirak lambuniyak mbaka’lek neegak yini-panip niniki ale’- nggen alik negen ee’nake kagarak o.
Komologwe nen yogwi
13 Kolaga Tulam mendek yi wae. Mok o! Kiyokan mok o. Ninigen keyaawok nen kiyokan mok o. Kiyokan mok o. Kwe nen ari Wim aru-ogwe iigak, pin warit oolo unggwogwe kenok inigen mengga kwak, Kit nanonduk kolaga Tulam mendek kinigen wo’naburak mbako ogotik o?
Pasal 7
Aap nen ari
1 Aap nagawan aput kolaga yi wae. Kiyok ogut yirik irip paga pit nage ti iya o. Aap ineenggi amburu paga mbilak yakaatak inomarip paga yirik mengga kwak, komarip abe tobak aret wonage,
2 Kamun ti, niyoowak kuwagaluk kurim paga anggur amburu toolak lek aga’lek menggi kwak pat-pat eerak wonage, Kaanogum ti, mbi kuwak aago kagak, mbato warak yenggetwangget aago kwak wonage,
3 Kelak ti, rusa aagalogwe mbere kwak, kijang aagaluk kulu’- mbere ndarak kwak, wonage,
4 Kenggaanok ti, tapi eyak nggorek abinak lan ari kwak wonage, Kenegen ti, tu ngga’nggi Mbatarabim koorok niyo yenggenak Ketiyabon kwak wonage, Kogobak ti, nggayo puut Libanon paga wurik me ena o kota Ndamatik paga wandu aago kwak wonage,
5 Kanobak ti, puut Karemen tiyanak kwak wonage, Keeruwak ti, aap inendagembogut inayum yawenak kwak wonage, Eerak wonage me, Nendagembogut an nen keeruwak abe kenok, neenggi paga mbenak-mbenak eekkeyoorak mban ee’nake menggerak o.
6 Kat niniki kunik yi wae. Kat abu kigirikwe mondok aberogon wonage o. At kiniki kunik eeke nogo ale’- nggen mbaruwak nduk eeppege nogo ti, mondok iya aret o.
7 Kat keebe-kobate eyo nggabu kwak tawe wonage o. Anggur anggen luurik yugu kwak, kelak panggo-panggo aago wonage me,
8 An nen ari logonet, “Eyo nggabu ti paga lagi nage, Anggen luurik yugu ti, mbanogo nengge, eerikit lak, ao,” yinuk, yagarak o. Kelak ti, anggur anggen luurikmaarak yugu menggi kwak wonage, Kambe aagi wungge ti, eyo anggen obari abe kwak wonage,
9 Ndi, kambe paga keyak mbannake nogo ti, anggur amburu abe kwak wonage, Eerak logowak o. Kwe nen ari Anggur amburu nogo ti, lek aga’- lek at niniki kunik eeke yi, nogo yege kagak kwe, Ambe paga neyak toguk-toguk mban eeke logogin o.
10 An neebe ti, at niniki kunik eeke ake wonage, Ndi, at nen neebe uugwe lombok nombake, Eeko monggoorak o.
11 Kat niniki kunik eeke yi, mok o. Kat nimbirak yabume nogwe, Nimbirak tuunggen yarak enggela’me nogo yugwi, Eeruwok nduk nawok o.
12 Nimbirak kubondendok anggur awi yarak me eyo anggur agarip lagangge, ambitmbit wake,Eyo delima ambit-mbit wappunuk, anggen yuurak eeke, Eeke kero, liippi nawok o. Nogo logomonggoorik, time nimbirak ninondogowak nik-nik yogo logowok o.
13 Eeko logonet, iri’ngga elege ndaganaka obari eeka nogo kogwe, Yi anggen ndi anggen ombat abe maan mendek inom, ngget mendek inom, Kat niniki kunik nimbirak nawok nduk teppigirak nit logowam koorok wonage nogo mbanogo nunggwi, Eeko logowok o.
Pasal 8
1“Kat nagalo nen elak kunggabeegerak niriluk logonok lak ao,” kombake agarik o. Niriluk logonetak en kat nimbirak endekem lambumbunuk kagandin neyak mbanggake neenok, Aakumi nen meek eerogo paninetak lek o.
2 Kat ninondogowak nik-nik yogwe mamunnabenok nduk, An nen wokkeren nagalo ame an nda’nake nagagim pagi nage, Anggur amburu obari abe mendek inom nenggelak-kenggelak eerogo punuk, nanok nduk wokkege, Delima anggen amburu inom wokkege, Ee’netak o.
3 At eenggi kwaare’nggan paga nanep mbambaninuk wonage, Eenggi abe’nggan paga lamoppaninuk wonage, Eerak kwak aret agarik o.
4 O Yerutalem aagalogwe komologwe yi wae. Aap inoone yogonok lalok yogo mengga kwak eerukwak, “Aap iniki kunik imbirak inoba tayok yaga’lek iigak, ninoone yoraagun lek o,” yinuk, kumbuk mbaninip o.
NDAWI 5 WAPPUNUK, AMBI WAREEGWAARAK WONE
Komologwe nen yogwe
5 O karume nen kwe iniki kunik imbirak pangget-pangget aago wage ti ta o? Kwe nen ari Eyo anggen abe abu’me an nen kat keenik eeppagagirak o. Time nen kat kagalo inikime logonggake, Time nen yagan wake logonet, kat ndakkake, Eereegerak o.
6 Kambuurak eyom panggoni wage kenok, non mbambuurak meek kwak, it aap iniki kunik aganakwi ti, togop aret wonage, Aap kwe alik ambi wagangge kenok, “An neegak, kwe alik wagangge yi, neebi a!” mbake nogo ti, Aap kambunuk nogo menggam nen wundi noorak meek menggi kwak wonage, Imbirak eeriyak aganake nogo ti, kani omoonuk wunuk agan nage menggi kwak, aganake, Eeke menggerak me, Aap ineenggi amburu pugwi kwak, an neebe mban kinikime nabenogo pake, An nanobak mban kobaak paga lumbatinuk wonage, Eeke logot o.
7 Aakumi iniki kunik aganakwi nogo ti, niyo ambik lombok nen tebenogo pege, Niyo wu’nuk wage logonet, wonok nage, Eeriyak meek o. Ndi, aap ambi nen iniki kunik ambi eeka’lek kenok, amendek abe ame wonage nogo abok aret waganogo kuniyak nduk eeremenggerak kwe, kuniyak meek me, aakumi nen at agi’- ndok kanggo logogun o.
Kwe awurilogwe nen yogwe
8Nit ninawuluk kolaga ambi wonage o. At awo elak wungga’lek wonage me, “Kolaakit,” yo’nira wage kenok, ninawuluk ti ake nonggop koonogo puurak mbakop?
9 At yugum pak wurik kwak logonetak en, Nit nen pak wurik ti paga nggayo logorak o nggorek mbuti perak paga wurogo pit laganggwi, Ndi, at tungga kwak logonetak en, Eyo nggabina poorak paga nabenogo pugwi, Eeko logonetak o.
Kwe nen ari
10 An ti, yugum pak wurik kwak aret wonage, Ndi, nelak ti, o nggorek wurik kwak wonage, Eerak wonage neenok, “Niniki kwippanega yi aret kagi,” yinuk, ale’nggen nombake menggerak o.
11 Aap Talomo eyabu anggur yarak o Mba’an-Kamon wonage o. Eyabu anggur yarak ti, it aap unde logowak nduk, wogoragagerak me, It inalitik-inalitak nen anggen mbanak kumbunuk, wu mbuti perak seribu wogogo nogogwaarak kwe,
12 An neyabu anggur yarak ti perak, An mban unde logonet, nobaalombok koongge minggirak me, Wu seribu ti, kendagembogut kat Talomo wokkege, Ndi, wu dua ratus ti, it aap anggen mbanak unde wonogwe nogo wogorage, Eeke agarik o.
Aap nen ari
13 Kat yi yabu ndi yabu yarak me menggendak yi wae. Noreewi koone ari inaruk koneniyak uugwe mbakwi me, Koone konenikit nduk, yu o.
Kwe nen ari
14 Kijang inom, rusa aagaluk inom, obari abe eeka puut-puut yarak me mbe agan nogo mengga kwak, Kat niniki kunik yi, mbet-mbet neya mok o.
Pasal 1
1 Ndawi abok tebenak kagak, aap Talomo nen ndawi ambi abu tiyanak lombok pereegerak yi aret.
NDAWI AA’NDUK WAREEGWAARAK WONE
Kwe nen ari
2 Anggur amburu noorak inikilom mbakwi ti, iya negen kwe, kiniki kunik ee’nakak eeke ti, iya lombok me, An nagandin keyak mbannakak eeke logot o.
3 Obari kagabolo paga aago ti, abu aberogon aret o. Kendage ti, obari abe eeka kilirik kwak aret wonage me, Komologwe tawe abok aret iniki kunik eekkako agaarik o.
4 Togop me, nit mbet-mbet nawok nduk, an kat kambokan woraakit nen, “Omok o,” yo’niru o. Nowe kendagembogut yi wae. An wo’neren kago ogoorak me pani wagandak wonage agarik o. Kwe orewologwe nen aap nogo yogwi Kat keenok, ninale’nggen nggwok lombok mbakwi, Kat eeke keenok, niniki ale’nggen alik negen kogwe, Anggur amburu noorak ninikilom mbuuluk mbakwi kwe, kat ninoreeluk abuwa nen kiniki kunik eekendak paga kat tiyappagagwi, Eeko ogoorik o. Kwe nen ari It komologwe kat tiyappagarak ti abu obeelom aret o.
5 O Yerutalem aagalogwe komologwe yi wae. An ti, neebe mili aret kwe, kigirikwe aret agarik o. Aap Kerat mendek inawooliya wurik mili kwak, Aap Talomo awi yum pugagi ambe mbanak me tugunik menggi kwak, An togop aret wonage agarik o.
6 An neebe mili me, ndi, Mo eyak nen neebe mili eerogo panegerak me, Kinigen malik-malok ee’nakwi ti mage o. An nawurilogwe-nowewologwe nen an mbe’nugu logonet, Anggur awi yarak me arum logokit nduk nappanegaarak kagak, Arum logonet, an neyabu anggur yarak me arum wonaga’lek eraangge mbo pigirak o.
7 Kat an niniki kunik lombok eekkake nore yi wae. Kaanggumi ndomba wogoren nege menggenom nggeeme wonage? O liingge kaanggumi ndomba wimbiinok menggenom nggeeme wonage? Eeke nogo an yo’niru o. Kat koreewi inaanggumi wogoren nugwi iigak, kat inenggela’me wonage keyo, kwe mbabilu kwak an nen ya pekkeegak nda pekkeegak nege logorak op mbaken?
Aap nen ari
8 Kumi inenggela’me kolaga abu kigirikwe lombok kat yi, Kat keenggo’lek kenok, ndomba iniyok pit nogwe nogo muguren nage, Ndomba ndegeninaka inawooliya wurik me koorok time kaanggumi kambin inaagalogwe nogo ndegeninabit nage, Eeke logot o.
9 Kat nore aberogon yi wae. Wakkagak ambi yokkiri o. At aap o Metit mendek endagembogut anggweendo wim eeka nen kuda kooli nikkenok nawak nduk, imbirak keele pugunik kwak kat aret agandik o.
10 Kagandin paga abu kigirikwe lombok kobaanggi-kobaangge eerak wonage, Kenggaanok me kayiinggin-kayiinggen ngginuk aago wonage, Eerak me,
11 Nit nen mbuti emas paga karuk ayo eerogo pagago logonet, Irip me mbuti perak anep yarogo pogo logogun o.
Kwe nen ari
12 Kat nogoba kendagembogut kageyo ndoonak paga kwi’- ndak keegak, Obari eeka noba aago nogo obari wiganinuk naga o.
13 Nelak aru-ogwe kagak oolo nggami ninikinggup me pugunik obari abe eeka kwak kat niniki kunik yi, togop aret wonage,
14 O En-Nggeri anggur yarak me tuunggen mendaarak kwak kat niniki kundugu yi, togop aret wonage, Eeke agandik o.
Aap nen ari
15 Kat nore aberogon yi, abu kigirikwe lombok wonage, Kat keebe abu abet aret kigirikwe wonage, Ndi, kenegen ti, towe puume enegen waanggo kwak wonage, Eerak agandik o.
Kwe nen ari
16 Kat niniki kunik yi, keebe puluk lombok tawe wonage, Koone yanggik-yanggok yo’nege, Eeke menggendak me, Nimbirak iri’ngga mili abe ndoonak paga ninoba nabuk-nabak winnogo logogun o.
Aap nen ari
17 Nit ninawi ti, eyo nggabina arelen paga wurabak wurik wonage, Ninawi pelan nogo ti, eyo ndiindi paga warak wonage, Eerak menggerak o.
Pasal 2
Kwe nen ari
1 An ti nggalooli anggen o Taron mendek kwak, Waambi anggen o kobappaga mendek kwak, aret agarik o.
Aap nen ari
2 Waambi anggen yugu alok-palok enggela’me wonage menggi kwak, Kat nore aberogon yi, it komologwe inenggela’me togop aret wonage agandik o.
Kwe nen ari
3 Yi eyo ndi eyo eyonggaame wonage enggela’me eyo anggen abe wonage menggi kwak At niniki kunik eebe ti, wologwe tawe inenggela’me togop aret menggerak o. At angguna’me kwi’nariyak ninikilom mbake, At anggen ti, ombat abe lombok kage, Eeke minggirak o.
4 Laago lakwi me, an wo’neren pani nagaarak wonage, “Niniki kunik yi aret o,” yinuk, wam mbanogo nowagam pani wage, Eekerak o.
5 Togop aret me, “Nore o,” yinuk, niniki nggilu nirit unggwage logonet, nomaawi lek ee’nake me,Anggur anggen wolonak nenok nomaawi eeruwak nduk eeppanugwi, Eyo anggen abe paga noba tayenogo panugwi, Eeko logonip o.
6 At eenggi kwaare’nggan paga nanep mbambaninuk wonage, Eenggi abe’nggan paga lamoppaninuk wonage, Eerak kwak agarik o.
7 O Yerutalem aagalogwe komologwe kit yi wae. Kijang inom, rusa kooli penaame mendek inom, aap inoone yogonok lalok yogo mengga kwak eerukwak, “At iniki kunik imbirak inoba tayok yaga’lek iigak, ninoone yoraagun lek o,” yinuk, kumbuk mbaninip o.
NDAWI AMBI WAPPUNUK, AMBI WAREEGWAARAK WONE
8 Komologwe kinabulok o! Niniki kunik oone agan wage ti, koneninip o. Puut-puut paga ku’mbo wanggak wage, Puut teberogon paga mbo laganggak wage, Eerit wage yi, kaanip o.
9 Niniki kunik eeke ti, Kijang kwak, rusa aagaluk kwak, wonage menggerak o. Nawi kobat nabenak unggu’me at eebe mi’ndak wonage, Ena pugagi mbanak me ya managak nage, Eyo karo-karo mbaro-karo aago eno mbanak me enggaanok wonok ari, Eeke ti, kaanip o.
10 Niniki kunik eeke nogo nen wone an yo’nege logonet, “Nore aberogon yi, mi’naru o. Nore abu kigirikwe yi, nawok nen omok o.
11 O togwi ambik eeke nogo muk lek age, Mayu wage nogo abu aret mbangge, Eekerak me, kenegen pekket o.
12 O nggween paga yime anggen laambu yugu kogwe, Ndawi wariyak agaarak me, ndawi wakwi, Ninanggween paga yime towe puume inambe man-man yogo logonet, inoone yogwe konenggwi,
13 Eyo wuliinggen yikit nduk eeke kogwe, Anggur ambit-mbit warit wage logonet, obari abe wigangge kogwe, eekwi me, Nore aberogon yi, mi’na’nuk omok o. Nore abu kigirikwe yi, nawok nen omok o,” Yinuk, yo’negerak o.
Aap nen ari
14 Yugum ambe nggaganak puut eegwa’me narowe puume kumaarak wonage me, Kat kenete abu kigirikwe me, keyaakit nen kin age, Koone abu abe me, konenikit nduk, koone ari, Eeke logot o.
15 Nit ninageyo anggur awi yarak ambit-mbit wake me, Mba’ngge nen eyo anggur yarak maluk eerogo pit nogwe ti, piginake, Mba’ngge mbuulogwe ti, piginake, Eeke logot o!
Kwe nen ari
16 An niniki kunik eeke ti, eebe an mendek wonage, Ndi, an neebe ti, at mendek wonage, Eeko ogoorik o. Waambi anggen yugu enggela’me andomba ndegeninake agaarik o.
17 O wiya kubondendok wage logonet, inagalu’mak awo lek eerogo pega’lek kagak,At an niniki kunik yi, iyokan neya wage, Kijang inom, rusa aagalogwe inom, puut tiyak-tebek kagak nggare agan nugu mengga kwak, Mbe agan nowagam wage, Eeruwak lak, “Ao,” mbake agarik o.
Pasal 3
1 Oonikiya an nogo yege minggim logonet, At an niniki kunik eeke nogo, “Mandenom woramenggi?” yinuk, tokkagarak o. Niniki luunik tokkage wonagarak kwe, nowagam waga’lek aret kagarak o.
2 Waga’lek kenok, an nen mbake logonet, “An mi’nage logominggirik, o kota yengget-wangget tu nggwok paga inom, wone mbanggo menggam tinime inom, kwaarit wundi nage, At niniki kunik nogo wonage kero, kwaarit nage, Eerikit o,” Yinuk, mi’na’nuk, kwaari wunggirak kwe, eebe lek aret kagarak o.
3 Kage nagarik, awo kwaarit nage me, it aap o kota arum waka nen tum warit nogo logonet, neego mbaka, an nen it yorage logonet, “At niniki kunik eeke nogo kinigen kogotak ilik?” yoraanuk,
4 Logonuk lek aret it mbo piinok, at niniki kunik eeke nogo kwaakkage nagarik, eebe pippunuk, At mbo pega’lek wonok nugwa nagalo ame nanuk, At nda’nake nagagim o ko ogoorak me unggwi nagarak o.
5 O Yerutalem aagalogwe komologwe kit yi wae. Kijang inom, rusa kooli penaame mendek inom, aap inoone yogonok lalok yogo mengga kwak eerukwak, “At iniki kunik imbirak inoba tayok yaga’lek iigak, ninoone yoraagun lek o,” yinuk, kumbuk mbaninip o.
NDAWI MBERE WAPPUNUK, AMBI WAREEGWAARAK WONE
Kwe nen ari
6 Nggami inom, obari eeka aap kunggo menggaarak nen nenggelak-kenggelak eekwi obari abe kaga inom, Oba eerak yugum ka’luk kwit agan lagangge menggi kwak O karume nen eerit wage ti, ta o?
7 Lek o. Aap Talomo anggweendo paga wage kagak, it aap Iterali nagawan-nagawan wim eeka wakaa’ngget ineebe 60 nen wonok wogwe ti aret me, pegiyaanip o.
8 It abok aret ti, oonikiya inamineeri ne agan naga mendek nen aganake kero, Inalitik-inalitak wim inigen amburu mbanak nen mbuti wooluwak li’luk eeppunuk wogwe, Mbuti wooluwak ineenggime nutik wogwe, Eeko agaarik o.
9 Aap endagembogut Talomo nen aret at anggweendo ogobakkigirogo pake, Eyo Libanon mendek paga ogobakkigike, Eeke logonet,
10 Anggweendo irip-irip mippereegerak nogo ti, Mbuti perak paga ogobakkigirogo pege, Abena ti, mbuti emas paga ogobakkigirogo ndoongge, At kwi’nagak ti, maangga kunik paga nabenogo pege, Eeke mbareegi, O Yerutalem aagalogwe komologwe nogo nen inowe endagembogut iniki kunik me, Nggweendo inikime obaanggiobaangge li’luk eerogo pereegwaarak nogo aret wage me,
11 O Tiyon aagalogwe komologwe yi wae. Wundi wa’nip o. Wundi wa’nuk, kinowe endagembogut Talomo nogoAt akwe lambumbuurak eyom paga, At iniki ale’nggen ariyak eyom paga, At agalo nen enggare-nggare yirippege ti, kinigen pekkaanip o.
Pasal 4
Aap nen ari
1 Nore abu aberogon yi, kat abu kigirikwe me iya o! Kat abet aret kigirikwe lombok wonage, Kenegen yum paga nobarak wonage nogo ti, towe puume enegen waanggo kwak aret wonage, Keeruwak ti, kambin puut Nggileyat paga nen ineeruwak yaganak- taganak eerit wambi wogo mengga kwak wonage,
2 Keyak ti, ndomba ineeruwak abu mbambunuk ngguu’mo wappiigaatak lan agan lagi wogo mengga kwak wonage, Ndomba aagaluk kulu’mbere ndarak me, ambit kobak aga’- lek imbirak inaani ndegenak kwak wonage,
3 Kambe irip ti, keele maangga kunik kwak abe wonage, Kambe ti, nggawi paga nonggolak negen wonage, Kayum nobarak kagandin ti, eyo delima anggen poorak kwak koolo-koolo aago wonage,
4 Kenggaanok ti, wim eeka yi mendek ndi mendek pegak at Ndawut nen o abe nggorek wureegi kwak wonage, O time aap wakaa’ngget inanggeemu seribu tugunik kwak, kayiinggen togop aret yirik wonage,
5 Kelak mbere ti, rusa aagalogwe mbere kwak wonage, Kijang aagalogwe kulu’mbere waambi anggen enggela’me iri’ngga nenet nugwi kwak wonage, Eerak menggendak o.
6 O wiya kubondendok warit wage logonet, inagalu’mak awo lek eerogo pega’lek kagak, An nen puut eyo nggami ambik wonage menggim lagi nage, Puut obari abe kaga menggim lagi nage, Eerigin o.
7 Kat nore abu aberogon yi, Kenete kigirikwe lombok wonage, Keebe paga kawiindi-kawiinde eerak lek abu abe wonage, Eerak menggendak o.
8 Nore yi wae. Kat nimbirak lambumbinaniyak aret me, puut Libanon nen omok o. Puut Libanon nen wambi wage, Puut Amana kirin paga nen wambi wage, puut Tenit, Keremon kirin paga nen wambi wage, Yugum ambena singa wonogo menggam nen wambi wage, Mba’ngge kwak macan iname eyonggaame nen wambi wage, Eeru o.
9 Niriluk o. Noreeluk o. Niniki abu mbanggen o. Kenegen ne ambit pilak yagandak paga, Kenggaanok me kayiinggen mendaarak ambiriluk pindanggegerak paga, Niniki mbanggendak o.
10 Niriluk o. Noreeluk o. Kiniki kunik ee’nake me, nale’- nggen ambik ee’nake, Anggur amburu noorak ti, ninikilom aret kwe, Kiniki kunik ee’nake ti perak, ninikilom nggwok lombok mbake minggirak o. Obari abe eeka obari ti, ninikime mbuuluk yo agan nage kwe, Obari abe koba aago nogo ti, ninikime mondok yo agan unggwage menggerak o.
11 Kwe noreeluk yi wae. Nggiin ta’mbanak me nen amburu puk wanggak eeke menggi kwak, kambe paga nen koone aberogon ari, Nggiin amburu kwak, elak amburu kwak, kamili abu’me wonage,Puut Libanon obari abe menggi kwak, kayum obari abe wonage, Eeke keegi o.
12 Niriluk o. Noreeluk o. Kat yabu yarak u narak kwak wonage, Keebe yi eneeri non mbanogo punuk, kugi pugu kwak wonage,
13 Kat keyabu yarak ti, anggen mbilanit nage nagaatik, eyo delima mban yabu yarak me wundit nage, Anggen ombat abe mban yit nage, Tuunggen inom, obari abe eeka narwastu inom,
14 Obari abe narwastu inom, kiinde negen kunyit inom, en inom, eyo nggami inom, obari abe kaga etenggen lombok abok aret inom, yibinggami inom, eyo ni inom, Ombat abe eeka at mendek mban abok wundit nage, Eereegi kwak, Kat keebe togop aret wonage,
15 Yabu yarak me niyo eneeri abe kilanogo wumbit nage, Puut Libanon paga nen niyo ngganggik-ngganggok wambit wage, eeke menggi kwak wonage, Eerak menggendak o.
Kwe nen ari
16 O wiya o omarip paga pa’nggwe waka wae. Mi’naru o. O wiya o ame pa’nggwe waka yi wae. Omok o. An neyabu yarak me obari abe wonage nogo wiganinuk nawak nen warit wage logot o. At an niniki kunik eeke yi, eyabu yarak me unggwi wage, Eyo anggen ombat abe yit nage nogo at nengge, Eeke logowak o.
Pasal 5
1 Aap nen ari
Niriluk o. Noreeluk o. An neyabu me unggwi nage, Namendek obari abe kaga kuwak eeke logonet, nggami inom kuwak eerogo pege, Nanggiin ta’mbanak inom, nanggiin amburu inom, nengge, Nanggur amburu inom, nayilak amburu inom, nengge, Eekirak o. Komologwe nen it yorogwe Togop me, niniri-ninore yi wae. Mbi nunggwi, anggur amburu nunggwi, ee’nip o. Amburu ndonggorogon nenok, inale’nggen aganake menggi kwak, niniki-kiniki kunik logonet, kinoba ndonggo yuwak nduk eerit nogo logonip o.
NDAWI KENAGAN WAPPUNUK, AMBI WAREEGWAARAK WONE
Kwe nen ari
2 An nogo yege logonet kwe, niniki woonik mban wonage me, Oone ari negen naruk konembunuk, “A puk! Ti an niniki kunik nogo nen tu puk-puk eeke kwa?” mbake neegak, At nen ari logonet, “Niniki kunik eekkake niriluk wae. Kat an narowe puume kwak, koba ambi aga’lek kigirikwe wonage o. An nanobak paga konaananggen luurogo pege, Oonikiya neeruwak paga miin anggen luuke, Eekerak me, tu paa’neyet o.”
3 Yo’nege mbaki, an nen, “Nayum abu nggoorogo punuk nonggoti eerogo yikkolage, Niyok abu koorogo punuk, nonggoti eerogo mili eekkolage, Eeriyak mbaken?”
4 Yoge mbaki, at an niniki kunik eeke nen tungga enoona eenggi mambunuk, tu paarikit nduk lin wake kagak,Niniki ponok-ponok eeke logonet,
5 At niniki kunik nogo ake tu paarogo pikit nduk, neenik a’nuk, Nggami amburu neenggime nen puk wanggak negen eeke, Nggami ogogwe neenggime nen nggalo agan tungga’nggi agale paga negen labuni nage, Eeke kagak,
6 At niniki kunik eeke ake tu paarogo pigirak kwe, At eebe eenggi-iyok lek, lek aret agaarak kagarak o. Oone yo’negerak nogo, “Konenikit lak ao,” mbakirak kwe, Mbaganggerak mbaki, an nen kwaakirak kwe, at eebe kaga’- lek aret wonage, Wiigirak kwe, oone yo’nega’lek aret wonage, Eekirak o.
7 Awo eerit nage me, it aap o kota yengget-wangget tum waka nen kwaa’neego nagaarik, An nookwi, namiya timbo eerogo panugwi, It o kota yugum pak wurik arum waka ti nen yum nanobak paga nobakkolaga nogo ndinggologwe, Eekaarak o.
8 O Yerutalem aagalogwe komologwe yi wae. Kit nen at an niniki kunik eeke nogo kogwe kenok, nonggop yorumunggup o? “Lek o! At kiniki kunik nogo nen kimbirak lambuniyak iniki nggilu ari mban kogoorak, yorugun o, Yinuk, kumbuk mbanogo an yo’ninip o.”
Komologwe nen at yogwi
9 Yi kumi ndi kumi kigirikwe iigak, kat abu kigirikwe lombok yi wae. Yi aap ndi aap iigak, at kat kiniki kunik eeke ti, at nonggop kenok, koone togop ari, Yi aap ndi aap iigak, at nonggop kenok, kumbuk mbaniyak yo’nirage, Eeke agandik o?
Kwe nen ari
10 At niniki kunik ti, Enete teretak wonage, etenggen mbeyo aago tawe wonage, Aap sepuluh ribu wonogwe inenggela’me at tiyanak lombok wonage,
11 Anobak mbuti emas at mendek mban kwak wonage, Eeruwak towe ya’ngge-ya’ngge eeruwak mili nogu eerak kwak yoguk-yagak ari,
12 At enegen ti, towe puume niyo eneeri wungge me, yilak amburu paga ngguu’mo wappunuk, ako tebembunuk enegen aago menggi kwak wonage,
13 Agandin ti, obari abe eeka yabume yarak kwak wonage, At ambe ti, waambi anggen laambu kwak logonet, oone nggami amburu puk wanggak eeke kwak ari,
14 At obaak ti, mbuti emas paga yugum kere’li-kere’lo eerak kwak abu kigirikwe wonage, At agabolo ti, yugum yebibit meeli anggup paga nabenak kwak wonage,
15 At owak mbelan ti, yugum muuni paga ogobakkigippunuk, iyok mbuti emas paga kwi’- ndak menggi kwak wonage, At eebe ti, eyo nggabina yereknggorek abu obeelom o Libanon menggi kwak wonage,
16 Oone ari ti, abu abe yanggikyanggok ari, At eebe paga inom, eerit nage paga inom, abok aret abu aberogon wonage, Eerak menggerak o. O Yerutalem aagalogwe komologwe yi wae. At noreeluk niniki kunik eeke nogo ti aret me yagi o.
Pasal 6
Komologwe nen yogwi
1 Kumi ando iigak inenggela’me abu kigirikwe kat yi wae. At kiniki kunik eeke nogo nggeeme naga o? Ninom kwaarit nawok nen at kiniki kunik eeke nogo tu ngge paga nagaarak o?
Kwe nen ari
2 At niniki kunik nogo muk eyabu yarak me nagaarak o. Nage nagaarik, obari abe eeka yarak enggela’me andomba ndegeninabit nege, Waambi anggen mbanit nege, eerikit nduk, nagaarak o.
3 An niniki kunik eeke ti, eebe an mendek wonage, ndi, An neebe ti, at mendek aret wonage, eeko ogoorik o. Waambi anggen yugu enggela’me ndomba ndegeninake agaarik o.
NDAWI 4 WAPPUNUK, AMBI WAREEGWAARAK WONE
Aap nen ari
4 Kat ti, kota Tirita kwak abu kigirikwe nore abu aberogon wonage, Kota Yerutalem kwak keebe abu amini mbanak tawe wonage, Eerak me, Aap ineegin warak nen ndiimbu ogop mendaarak ineenggime wonok nogwe iinok, “Wi,” irogo mengga kwak, Keebe togop aret keenok, “Iya,” yinuk, pi wakkake agarik o.
5 Pe’neege keenok, niniki lek-lek ee’nabit unggwage me, kena logu yu o. Keeruwak ti, kambin puut Nggileyat paga nen ineeruwak yaganak- taganak eerit wambi wogo mengga kwak wonage,
6 Keyak ti, ndomba ngguu’mo wappiigwi iinok, lagi wogo mengga kwak wonage, Ndomba aagaluk kulu’mbere ndarak me, ambit kobak aga’- lek imbirak inaani ndegenak kwak wonage,
7 Kayum kagandin nobarak ti, eyo delima anggen poorak kwak koolo-koolo aago wonage,
8 Nendagembogut nakuwi 60 wonogwe, nakuwi luulu wogo 80 wonogwe, Komologwe aap kigin wogonaka’- lek ineebe ambik ineenggi lingginiyak meek lombok wonogwe, Eerak menggaarak kwe,
9 Kat narowe puume kwak koba ambi aga’lek keebe abu kigirikwe alik mbeenak aret menggendak o. Kat kagalo aagaluk ambolom ndakkabeegerak me, kabuwa lombok mbake menggerak o. Komologwe korewologwe nen inigen keenok, “Kale’nggen o,” yinuk, yokkugwi, Nendagembogut an nakuwi abe wogo inom, luulu wogo inom, nogo nen kat tiyappagagwi, Eeko agaarik o.
10 O kilim nagake menggi kwak, tut penengge menggi kwak, oonegen komeninuk lagi wage menggi kwak, Laaluguragan tek kunggun arit nage kenok, pi wako mengga kwak, wage ti ta mbaken o?
11 An woromoolome nage nagarik, o kobappaga woromo nogo logonak kero nenegen pekkenet nege, Eyo anggur ambit-mbit wake kero, malenit nage, Eyo delima ayo wake kero, nenegen liippit nage, Eeke logonet,
12 Aap nggweendo wim eeka nen wim eeri wundi noorak iniki ale’nggen mbake menggi kwak, Nimbirak lambuniyak mbaka’lek neegak yini-panip niniki ale’- nggen alik negen ee’nake kagarak o.
Komologwe nen yogwi
13 Kolaga Tulam mendek yi wae. Mok o! Kiyokan mok o. Ninigen keyaawok nen kiyokan mok o. Kiyokan mok o. Kwe nen ari Wim aru-ogwe iigak, pin warit oolo unggwogwe kenok inigen mengga kwak, Kit nanonduk kolaga Tulam mendek kinigen wo’naburak mbako ogotik o?
Pasal 7
Aap nen ari
1 Aap nagawan aput kolaga yi wae. Kiyok ogut yirik irip paga pit nage ti iya o. Aap ineenggi amburu paga mbilak yakaatak inomarip paga yirik mengga kwak, komarip abe tobak aret wonage,
2 Kamun ti, niyoowak kuwagaluk kurim paga anggur amburu toolak lek aga’lek menggi kwak pat-pat eerak wonage, Kaanogum ti, mbi kuwak aago kagak, mbato warak yenggetwangget aago kwak wonage,
3 Kelak ti, rusa aagalogwe mbere kwak, kijang aagaluk kulu’- mbere ndarak kwak, wonage,
4 Kenggaanok ti, tapi eyak nggorek abinak lan ari kwak wonage, Kenegen ti, tu ngga’nggi Mbatarabim koorok niyo yenggenak Ketiyabon kwak wonage, Kogobak ti, nggayo puut Libanon paga wurik me ena o kota Ndamatik paga wandu aago kwak wonage,
5 Kanobak ti, puut Karemen tiyanak kwak wonage, Keeruwak ti, aap inendagembogut inayum yawenak kwak wonage, Eerak wonage me, Nendagembogut an nen keeruwak abe kenok, neenggi paga mbenak-mbenak eekkeyoorak mban ee’nake menggerak o.
6 Kat niniki kunik yi wae. Kat abu kigirikwe mondok aberogon wonage o. At kiniki kunik eeke nogo ale’- nggen mbaruwak nduk eeppege nogo ti, mondok iya aret o.
7 Kat keebe-kobate eyo nggabu kwak tawe wonage o. Anggur anggen luurik yugu kwak, kelak panggo-panggo aago wonage me,
8 An nen ari logonet, “Eyo nggabu ti paga lagi nage, Anggen luurik yugu ti, mbanogo nengge, eerikit lak, ao,” yinuk, yagarak o. Kelak ti, anggur anggen luurikmaarak yugu menggi kwak wonage, Kambe aagi wungge ti, eyo anggen obari abe kwak wonage,
9 Ndi, kambe paga keyak mbannake nogo ti, anggur amburu abe kwak wonage, Eerak logowak o. Kwe nen ari Anggur amburu nogo ti, lek aga’- lek at niniki kunik eeke yi, nogo yege kagak kwe, Ambe paga neyak toguk-toguk mban eeke logogin o.
10 An neebe ti, at niniki kunik eeke ake wonage, Ndi, at nen neebe uugwe lombok nombake, Eeko monggoorak o.
11 Kat niniki kunik eeke yi, mok o. Kat nimbirak yabume nogwe, Nimbirak tuunggen yarak enggela’me nogo yugwi, Eeruwok nduk nawok o.
12 Nimbirak kubondendok anggur awi yarak me eyo anggur agarip lagangge, ambitmbit wake,Eyo delima ambit-mbit wappunuk, anggen yuurak eeke, Eeke kero, liippi nawok o. Nogo logomonggoorik, time nimbirak ninondogowak nik-nik yogo logowok o.
13 Eeko logonet, iri’ngga elege ndaganaka obari eeka nogo kogwe, Yi anggen ndi anggen ombat abe maan mendek inom, ngget mendek inom, Kat niniki kunik nimbirak nawok nduk teppigirak nit logowam koorok wonage nogo mbanogo nunggwi, Eeko logowok o.
Pasal 8
1“Kat nagalo nen elak kunggabeegerak niriluk logonok lak ao,” kombake agarik o. Niriluk logonetak en kat nimbirak endekem lambumbunuk kagandin neyak mbanggake neenok, Aakumi nen meek eerogo paninetak lek o.
2 Kat ninondogowak nik-nik yogwe mamunnabenok nduk, An nen wokkeren nagalo ame an nda’nake nagagim pagi nage, Anggur amburu obari abe mendek inom nenggelak-kenggelak eerogo punuk, nanok nduk wokkege, Delima anggen amburu inom wokkege, Ee’netak o.
3 At eenggi kwaare’nggan paga nanep mbambaninuk wonage, Eenggi abe’nggan paga lamoppaninuk wonage, Eerak kwak aret agarik o.
4 O Yerutalem aagalogwe komologwe yi wae. Aap inoone yogonok lalok yogo mengga kwak eerukwak, “Aap iniki kunik imbirak inoba tayok yaga’lek iigak, ninoone yoraagun lek o,” yinuk, kumbuk mbaninip o.
NDAWI 5 WAPPUNUK, AMBI WAREEGWAARAK WONE
Komologwe nen yogwe
5 O karume nen kwe iniki kunik imbirak pangget-pangget aago wage ti ta o? Kwe nen ari Eyo anggen abe abu’me an nen kat keenik eeppagagirak o. Time nen kat kagalo inikime logonggake, Time nen yagan wake logonet, kat ndakkake, Eereegerak o.
6 Kambuurak eyom panggoni wage kenok, non mbambuurak meek kwak, it aap iniki kunik aganakwi ti, togop aret wonage, Aap kwe alik ambi wagangge kenok, “An neegak, kwe alik wagangge yi, neebi a!” mbake nogo ti, Aap kambunuk nogo menggam nen wundi noorak meek menggi kwak wonage, Imbirak eeriyak aganake nogo ti, kani omoonuk wunuk agan nage menggi kwak, aganake, Eeke menggerak me, Aap ineenggi amburu pugwi kwak, an neebe mban kinikime nabenogo pake, An nanobak mban kobaak paga lumbatinuk wonage, Eeke logot o.
7 Aakumi iniki kunik aganakwi nogo ti, niyo ambik lombok nen tebenogo pege, Niyo wu’nuk wage logonet, wonok nage, Eeriyak meek o. Ndi, aap ambi nen iniki kunik ambi eeka’lek kenok, amendek abe ame wonage nogo abok aret waganogo kuniyak nduk eeremenggerak kwe, kuniyak meek me, aakumi nen at agi’- ndok kanggo logogun o.
Kwe awurilogwe nen yogwe
8Nit ninawuluk kolaga ambi wonage o. At awo elak wungga’lek wonage me, “Kolaakit,” yo’nira wage kenok, ninawuluk ti ake nonggop koonogo puurak mbakop?
9 At yugum pak wurik kwak logonetak en, Nit nen pak wurik ti paga nggayo logorak o nggorek mbuti perak paga wurogo pit laganggwi, Ndi, at tungga kwak logonetak en, Eyo nggabina poorak paga nabenogo pugwi, Eeko logonetak o.
Kwe nen ari
10 An ti, yugum pak wurik kwak aret wonage, Ndi, nelak ti, o nggorek wurik kwak wonage, Eerak wonage neenok, “Niniki kwippanega yi aret kagi,” yinuk, ale’nggen nombake menggerak o.
11 Aap Talomo eyabu anggur yarak o Mba’an-Kamon wonage o. Eyabu anggur yarak ti, it aap unde logowak nduk, wogoragagerak me, It inalitik-inalitak nen anggen mbanak kumbunuk, wu mbuti perak seribu wogogo nogogwaarak kwe,
12 An neyabu anggur yarak ti perak, An mban unde logonet, nobaalombok koongge minggirak me, Wu seribu ti, kendagembogut kat Talomo wokkege, Ndi, wu dua ratus ti, it aap anggen mbanak unde wonogwe nogo wogorage, Eeke agarik o.
Aap nen ari
13 Kat yi yabu ndi yabu yarak me menggendak yi wae. Noreewi koone ari inaruk koneniyak uugwe mbakwi me, Koone konenikit nduk, yu o.
Kwe nen ari
14 Kijang inom, rusa aagaluk inom, obari abe eeka puut-puut yarak me mbe agan nogo mengga kwak, Kat niniki kunik yi, mbet-mbet neya mok o.
Mbuku Ndawiiya
BalasHapus